Медикал Тур

Медикал Тур хэмээх аялал жуулчлалын шинэ үйлчилгээний талаар зарим нэг зүйлийг тодруулж бичихээр шийдлээ.Учир нь зарим нэг сонирхсон хүмүүст арай дэлгэрэнгүй ойлголт өгөх нь зөв байхаа.Аялал жуулчлалын салбар бол маш өргөн хүрээтэй олон салбарыг хамарсан бизнес болоод байгаа билээ.Адал явдалын,спорт аялалын,танин мэдэхүйн ,үүргэвчтэй ,авто аялалын бүр шавьж судлалын гэх мэт тоолохын аргагүй нэр төрлийн болоод байгаа нь зүй ёсны хөгжил юм.Тэдний нэг нь энэ медикал тур буюу эмчилгээний аялал жуулчлал болоод байгаа юм.Манай улс жилд хичнээн тооны хүмүүс гадаадад гарч эмчлүүлж оношлуулж байгаа талаар судалгаа байгаа эсэхийг мэдэхгүй байна.Миний тооцоогоор бол чамгүй л тоо гарах байх .Тэдний ихэнх хувь нь хямд ойрыг нь бодоод Хөх хот,Бээжин явж байгаа хүмүүс байгаа билээ.Бололцоотой хэд нь баруун Европ Америк явдаг биз.Тэдний ихэнх нь хувь хүмүүсээс таньдаг ах дүү нараасаа мэдээлэл авч эмчилгээ хийлгэх эмнэлэгээ сонгодог болов уу.Тэрнээс биш тухайлсан чиглэлээр ажилладаг мэргэжлийн байгууллагын туслалцаа надад л лав мэдрэгдээгүй .Би сайн мэдэхгүй болохоор өөрийнхөө бодлыг энд бичлээ.Тэгэхлээр энэ орон зайнд эмчилгээний аялал жуулчлал эрхлэх мэргэжлийн боловсон хүчинтэй байгууллага байвал хэн хэндээ үр өгөөжтэй ажил болмоор санагдаад байх юм.Энд нэгдүгээрт мэргэжлийн эмч нар байж тухайн өвчтөний оношийг тодорхойлж эмчлүүлэх газар орон эмнэлэгийг сонгох мэргэжлийн туслалцаа үзүүлэх үйлчилгээ үзүүлэх байгууллагатай аялалын маршрут үнэ тарифийг тохирох зэрэг байвал хэрэгтэй юм.Хамгийн гол нь энэ эмчилгээ үйлчилгээ аялал зэрэг нь нэг цогц үйлчилгээ болж байгаа учир дан ганц эмчилгээний зориулалтаар явахаас хэмнэлттэй гэж ойлгох хэрэгтэй.Нэг үеэ бодвол манайхан гадагшаа дотогшоо их явдаг болсон болохоор хувиараа явсанаас аялал жуулчлалын групп үйлчилгээнд хамрагдах нь хямд байдгийг ойлгодог болсон болов уу гэж найдаж байна.25 ын Алтай ах ч бас үүргэвчтэй аялал хийж байхдаа заримдаа групп үйлчилгээнд хамрагдаад байгаагаа тэгж тайлбарлаж байсныг хүмүүс санаж байгаа байлгүйдээ.Заримдаа гайхмаар хямдхан ашиг яаж олдог юм гэмээр аялалын маршрут байдаг нь тухайн компанийн нууц байдаг боловч нийтэд тодорхой болсоноос заримыг дурдвал үзвэр үйлчилгээнд хамруулах үнэ цэнэтэй дэлгүүр захаар оруулах зэргийг дурдаж болно.Нэгэнт амарч зугаалж яваа хүмүүс мөнгөө үрэх далим их гаргадгийг ашиглаж эдгээр үйчилгээнд их хамруулдаг бөгөөд буцаагаад тэдгээр үйлчилгээний газруудаасаа хувь ашиг авдаг гэрээний нөхцөлүүд их дэлгэрсэн байдаг ажээ.Энэ бол хэндээ ашигтай нөхцөл байдал үүсгэдэг юм.Тэгэхлээр энэ мэдикал тур бас л энэ зарчимаар ажиллаж байгаа гэж ойлгох хэрэгтэй.Амраад зугаалаад дээр нь эмчилгээ хийлгээд бас шинэ газар орон үзээд авна гэдэг хэн хэндээ л хэрэгтэй юм болно доо.Үйлчилгээний зарчим бол их энгийн та өөрийнхөө өвчний оношийг явуулаад эргээд хариу авах бөгөөд түүнд таны эмчилгээ аялалын зардалыг мөн таныг хэдийд хүлээн авах боломж юм уу таны бололцоог асуусан байх болно.Бусад нарийн ширийн зүйлсийг та шаардлагатай бол мэдэж болно.Гол нь мэргэжлийн байгууллага гээд байгаа нь хэлний орчуулга даатгал хариуцлагын талаар л үйлчилгээ авах шаардлага гарах болов уу гэж бодож байна.Эрүүл мэндийн асуудал бас нарийн шүү дээ.За нэг иймэрхүү боломж байгааг дуулгаад сонирхсон хүмүүс байвал санал бодлоо солилцож болно шүү гэж хэлмээр байна.