Хэрэгтэй байж магадгүй зөвөлгөө

Заримдаа хүмүүст өчүүхэн жижиг зүйлийг ч мэдэж байх шаардлага байдаг.Ер нь хүнд мэдлэг илүүднэ гэх биш.Хөдөө гадаа явах гэр орондоо ч гэсэн юухэн хээхэн хийх үед жижиг гэлтгүй асуудал байнга гардаг шүү дээ.Тиймээс хэн бүхний мэддэг бас мэддэггүй ч байж болох зарим нэг зөвөлгөөг бичихээр шийдлээ.Компани байгуулах даа юунаас эхлэх яаж зохион байгуулах юуг их анхаарах талаар жижигхэн ч гэлээ бас хэрэгтэй зөвөлгөө өгье.Эхний асуудал бол компанидаа нэр өгөх түүнийгээ баталгаажуулж авах нь чухал шүү.Яагаад гэвэл одоо аж ахуйн нэгжид оноосон нэр авах нь хэцүү юмны нэг болсон.Уул ус ,нэртэй газар орон таалагддаг нэршилүүд ихэнх нь эзнээ олсон байгаа.Бас саяхнаас бүртгэлийн газраас аж ахуйн нэгжийг үйл ажиллагааны чиглэлтэй нэр өгөхийг хориглосон байгаа.Жишээ нь " трэйд,сан,трэвил гэх мэт нэрүүд үүнд хамаатай .Иймээс дор хаяж 5-10 нэртэй байж тэнд очиж бүртгүүлэх хэрэгтэй.Улсын бүртгэлийн газрын байранд аж ахуйн нэгжийг бүртгүүлэхэд туслалцаа үзүүлэх үйлчилгээ эрхэлдэг хувь хүн компаниуд байрлаж байгаа.Тэд таныг аж ахуйн нэгжийн баталгаажуулсан нэр,3 хувь зураг ,банкинд данс нээсэн баримтыг авч ирэхийг хүсэх ба бусад нь тэдний үйлчилгээнд ороод хурдан бүтээгээд өгдөг юм байна лээ.Хэрвээ хүсвэл та өдөртөө аж ахуйн нэгжийн тамга ,лицензтэй болсон байх болно.Ер нь бол дээд тал нь 2 өдөрт багтах байх.Үнэ нь 70-80 мянга байсан энэ үнэнд тамга тэмдэг бүртгэлийн хураамж багтаж байгаа юм .Тэгэхлээр тэнд очерлож цагаа барж байснаас тэд нараар үйлчлүүлсэн нь миний хувьд амар л санагдсан.Тэдний авч байгаа төлбөр нь 10-15 мянга юм болов уу л гэж таамагласан.Банкинд данс нээхээсээ өмнө харьяа татварын газартаа очиж шар хуудас нэртэй бичиг авч түүгээрээ дансаа нээлгэх бөгөөд таны дансны дугаар аж ахуйн нэгжийн лиценз дээр бичигдэх ёстой .Дансны дугаар нээлгэж байгаа банк буюу харилцах банкаа сонгохдоо ажлын ойр байх нэр хүндтэй хурдан шуурхай үйлчилдэг зэрэг шалгуур бол таны сонголт байх учир сайн бодох хэрэгтэй.За одоо лиценз тамга тэмдэгээ авсан бол харьялагдах татварын газар очиж өөрийн татварын байцаагчтайгаа уулзана даа.Тэгээд сайн зөвөлгөө аваарай.Мэдэхгүйгээсээ болж ямар нэгэн татварын асуудалд орохгүйн тулд анхнаасаа сайн асууж тодруулж авах нь маш хэрэгтэй.За тэгээд хамгийн гол нь компани байгуулахаасаа өмнө аж ахуйн нэгж заавал байгуулах шаардлагатай юу үгүй юу гэдгээ сайн бодоорой.Та нэгэнт компани байгуулж захирал босс болж улсад бүртгэлтэй татвар төлөгч болсон болохоор улирал тутамд тайлангаа гаргаж ямар нэгэн үйл ажиллагаа эрхэлж ашиг олсон бол татвараа төлж байх ёстой.Тэгэхлээр сонголтоо хийхдээ хариуцлагатай байх хэрэгтэй.Бас нэг юм хэлэхэд банкинд данс нээхэд дансанд чинь байх мөнгөний доод хэмжээ 50 мянган төгрөг байдаг шүү.Нийтдээ ер нь 130-150 мянган төгрөг шаардлагатай болох нь харагдаж байгаа биз.Манай улс аж нэгж байгуулахад хүнд суртал багатай чирэгдэл багатай үйлчилж байгаагаараа үзүүлэлт өндөртэй орны тоонд орох байх шүү.За аж ахуйн нэгж байгуулж үйл ажиллагаа эхэлсэн бол анхнаасаа эмх цэгцтэй явах зайлшгүй шаардлагатай Тиймээс орон тооны байх юмуу эсвэл гэрээгээр ажиллах нягтлан бодогч авах шаардлагатай .Байнга үйл ажиллагаа ихтэй бол орон тооны ажил бага тай бол гэрээний ня/бо авсан нь хэмнэлттэй болов уу.Ня/ бо таны өмнөөс татварын албатай тооцоо нийлж ажиллах нь танд хэрэгтэй.Гадаад дотоод худалдаа эрхэлдэг бол гаалийн талаар мэдлэгтэй байх нь хэрэгтэй юм байна лээ.За тэгээд татварын алба үүргийнхээ дагуу таниас ахиу юм салгах санаатай та болохоор татуу юм өгөх хүсэлтэй ийм болохоор юмаа мэдэж байж л хүнтэй ярина шүүдээ.Ийм болохоор хууль дүрмийн хэмжээнд зохих шаардлагыг биелүүлж ажиллаж байвал бүх юм ок л болно доо.