Зөвлөлтийн армийн генерал .А.А.Власовийн түүх

Генерал Власовын тухай зарим хүмүүс сонсож дуулж байсан байхаа.Дэлхийн 2 дайны үед Гитлерийн Германы цэрэгт бууж өгч дараа нь олзлогдсон цэргүүдээр бүрдүүлсэн армийг удирдан дайны сүүлийн жилүүдэд эх орныхоо эсрэг тулалдаж явсан түүний амьдралын талаар мэдээ материал ховор гардаг байлаа.Түүний тухай одоо янз бүрийн сэтгэгдэл үзэл бодол гарч байгаа нь ардчилсан оронд байдаг л үзэгдэл бололтой.Тэр ч байтугай түүнийг зөвлөлтийн тагнуул КГБ ийн даалгавраар урвасан гэж ч бичсэн байх нь зарим нэг номонд байгаа юм байна лээ.Юутай ч тэрээр Киевийг хамгаалж байсан 37р армийн командлагчаар ажиллаж байхдаа дайсанд бүслэгдэж гарах гарцгүй болсон үедээ дайсанд бууж өгсөн нь үнэн юм.Генерал А.А Власов бол тухайн үейин зөвлөлтийн авьяаслаг чадварлаг офицерүүдийн нэг байсан ба дайнаас өмнө хятадад зөвлөлтийн цэргийн зөвлөхөөр Чан Кай Шигийн дэргэд ажиллаж байсан байна.Тэрээр үүргээ муугүй биелүүлж Хятадын" алтан луу" одон алтан цагаар Чан Кай Шигээс шагнуулж байжээ.Хятадаас эргэж ирээд хурдан тушаал дэвшиж корпусын захирагч болж хошууч генерал болсон байна.Тэрээр Маршал Михайл Блюхерийн найз байсан байна.Энэ үед Зөвлөлт орон даяар Сталины эхлүүлсэн "цэвэрлэгээ "эхэлж мянга мянган зөвлөлтийн офицер генералууд хэлмэгдэн цаазлуулж байсан нь түүнийг зөвлөлтийн эсрэг үзэлтэй болгоход нөлөөлж байсан гэдэг.Дайн эхлэхэд тэрээр 37 р армийг командалж Киевийн дэргэд тулалдаж байсан армийн генерал Г.К.Жуковын бүлэглэлийн бүрэлдхүүнд байлдаж байжээ.Киевийг хамгаалж байсан түүний арми Германы цэргийн хүчтэй довтолгоог хамаг хүчээрээ тогтоож байсан боловч цаашид байлдах хүч нөөцөө шавхсан байжээ.Ийм нөхцөлд тэрээр өөртөө үхлийн цааз оноож өөрийн армийг Германуудад бууж өгөхийг тушаагаад өөрийн штабын цөөхөн офицер цэргийн хамт Германы байрлалд очсон юм.Энэ явдлыг Германы суртал нэвтрүүлэг ашиглаж зөвлөлтийн дайчдыг бууж өгөхийг уриалж байжээ.Түүнийг Германы тал найрсгаар хүлээн авч аятай нөхцөлд байлгаж байсан байна.Ер нь 1941 оны 6 сараас 12 р сар хуртэл зөвлөлтийн 3,8 сая офицер цэргүүд дайсанд олзлогдсон ба дараа жил нь 1 сая орчим цэрэг бас олзлогдож байсан байна.Германы удирдлага Власовоор командлуулсан Оросын чөлөөлөх арми гэгчийг байгуулах төлөвлөгөөтэй байсан боловч 1944 он хүртэл шийдвэртэй алхам хийгээгүй ажээ.Учир нь тэр үед Германууд илт давуу ялж байсан бас тэдэнд нэг их итгэээгүй тэй холбоотой юм.Харин дайны үйл явц тэдэнд ашиггүйгээр эргэж байсан 1944 онд Оросын Чөлөөлөх Арми гэгчийг байгуулж тулалдаанд мэр сэр оруулсан юм.Энэ армийн цэргүүд нь Германы цэргийн хувцастай төстөй хувцасаар хангагдсан оросын олзлогдсон цэргүүд хуучин цагаантны үлдэгдэл зэрэг эрээвэр хураавар хүчнээс бүрдэж байлаа.Ур чадвар муу байсан уу эсвэл эх орныхоо эсрэг тулалдаж байгаа нь нөлөөлсөн үү энэ армийн цэргүүд улаан армид ихэвчлэн ялагддаг байсан гэдэг.Ингээд удалгүй дайны эцэс болж түүний арми тарж бутарсан бөгөөд КГБ ийн тагнуулууд мөрдөн мөшгөж байгаад Власовыг зугатаж байхад нь олзлон авсан юм.Баригдах үедээ тэрээр ямарч эсэргүйцэл үзүүлээгүй гэдэг.Түүний гэр бүлийг түүнийг бууж өгсөний дараа шууд гулаг руу явуулсан бөгөөд тэд их зовлон амссан юм.Генерал Власовыг дайны дараа түүний хамтран зүтгэгчдийн хамт цаазаар авсан юм.Бас нэг юм сонирхуулахад энэ армийн цэргүүд байсан оросын хоригдлууд манайд төмөр зам тавих ажилд оролцож байсан бөгөөд тэдэнтэй хүний ёсноос гадуур харьцаж байснаас ихэнх нь амь үрэгдэж бас амиа хорлож байсан юм.Бүр амиа хорлож үхдэг мод хүртэл байсныг монголчууд саяхан болтол ярилцдаг байсныг би санаж байна.За тэгээд нэг эмгэнэлтэй бас жигшмээр ч гэмээр юм уу нэгэн хүний түүхийг сонин болов уу гэж бодоод оросын нэг сайтнаас авч орууллаа