40 мянгатынхан

40 мянгатынхан бага тойргынхан гээд миний багад их нэр гардаг байлаа.Тэр хавьд голцуу сэхээтэн дарга нэр хүндтэй ажилчин,жүжигчидийн гэр бүл амьдардаг нэг ёсондоо манай элит давхаргынхан гэж болмоор хүмүүс байдаг байлаа.Хотын захын хороололд өссөн миний хувьд их дэлгүүр урт цагааны хавьд хааяа нэг явж байхдаа зарим нэг кино дэлгэцнээс дүр төрхийг нь харсан жүжигчин ах эгч нараа харвал үейинхэндээ сонин болгож ярьдаг байлаа.Хотын соёлыг тэр хавиас л олж мэдэрдэг бас мэдэхийг хүсдэг байж дээ.Ямар сайндаа хааяа нэг тэр зүг явах болохоороо хот орлоо гэж ярьж байхав дээ.Тэгэхлээр хүмүүст шоолуулна.Хотод байж хот орлоо гэж ярилаа гэж.Күэ тэгээд тэгэж ярьдаг тэгээд ойлгоод сурчихсан л байсан юм даа.Адилхан хотод өсөж хүмүүжсэн мөртлөө хотын төвийн хүүхдүүдийн сэтгэлгээ ярих хийх нь хотын захын бид нараас өөр байдаг байсан нь надад бас л их юм бодуулдаг байлаа.Орчин гэж хүнийг өөрийн эрхгүй өөрчилдөг юм байна лээ.Сүүлд зуны амралтаараа пионерийн зуслан,зуны лагерийн найзууд бас ЗХУ гэж байхад сургуульд сурч байхдаа 40 мянгат Бага тойруугаар овоглодог хэдэн найз нартай болсон бөгөөд тэд ч надад их нөлөөлдөг байлаа.Миний найзууд ч их романтик байсан юм уу эсвэл тэр хавийнхан ч тийм байсан уу их л шинэ юм болгоныг сурах дуртай муу сайн юм дуулж мэдсэн нь наддаа л сонирхолтой тийм нэг хэдэн баагий нар их нийлдэг байлаа.Нийлэхээрээ энд тэндэхийн хөгжим гитар сүүлийн үейин барууны хамтлаг за тэгээд зодооны шинэ урсгал охид кино гээд л ярихгүй юм байхгүй.Бас атамануудыг дууриаж хүн амьтантай зодоон хийх яль шалихгүй хүсэл зарим нэг найзуудад маань байсныг дурсах нь зүйтэй байхаа.40 мянгатын атаманууд гэж бас л алдар цуугаа мандуулсан хэдэн нөхөд байдаг байлаа.Тэр үед 20 р дэлгүүрийн өмнөх зодоон гэж сүр дуулиантай юм болоод өнгөрсөн Тэнд атаманууд тэр хавийн зоригт эрчүүл оролцоод бас нэг домог шиг юм яригддаг байлаа.Тэр зодоон ч уг нь ялихгүй юмнаас болоод гарсан юм.Учир нь тэр үед цэргийн комендат гэж байдаг .Тэд нь хотод эргүүл хийж албан ёсны чөлөөгүй яваа цэргүүдийг барьж хорьдог үүрэгтэй байсан юм.Тийм нэг эргүүл явж байгаад чөлөөгүй явсан 2 цэргийг 20 р дэлгүүрийн өмнө бариад авсан бололтой.Тэгсэн тэнд байсан ардууд буюу энгийн иргэд тэднийг өмөөрөөд зодоон цохион болтол сүүлдээ өргөжөөд нэг тийм эсэргүүцлийн арга хэмжээ маягийн юм болсон гэж байгаа.Мэдээж тийм аятайхан далим болж байхад тэр хавийн хүнд гарууд яаж зүгээр байхав их идэвхтэй оролцсон бөгөөд зарим нэг нь " талхны үнийг буулгая" гэж ирээд улс төрийн чанартай уриа орилж байсан гэдэг юм байна лээ.Энэ ч яахав марзагнаад орилж байсан биз.Зодооныг тараах гэж хэрдээ хөөрхөн юм болсон ба сүүлд гал командын машин ирж байж л тараасан гэсэн.За ингээд хэн билээ дээ нэг блогчины бичдэгээр далийгаад явчихлаа.Ерөнхийдөө 40 мянгатынхан гэж юм юмны зах зухтай тэр үедээ л хотын соёлыг бий болгосон "ард түмэн "байсныг одооны бидний үейинхэн дурсаж л байгаа.90 оны цагаан морин жилийн хувьсгалын ихэнх лидерүүд нь хотын төвийнхөн байсныг ч бас санаж байна.Бат үүл Зориг Энхтүвшин Жаргалсайхан эд нар бол тэдний төлөөлөгчид билээ.Москвагийн Арбат ямар нэр хүндтэй байдаг билээ тэрүүн шиг 40 мянгатыг тэгэж хэлж болох юм шүү.Одоо ч гэсэн тэндээс угшилтай хүмүүс төр засгийн эрхийг барьж байгаа нь зүй ёсны л гэж боддог юм.90 оны дунд үеэс хүмүүсийн амьжиргааны түвшин өөрчлөгдөж өөр өөрсдийн зиндаагаар хот хотхон үүсгээд шал өөр ойлголт үүсэх шивдээ.Гэхдээ л зарим нь тэндээ л байгаад байх дуртай юм байна лээ.Миний мэдэхийн Бат Үүлийнх хуучиндаа л байдаг юм .Харин энд нэг зүйл хэлэхэд Бат үүл шиг мужик(эр хүний чанартай) шудрага эрчүүд ховор болоод байгааг далимд нь хэлмээр байна.БатҮүлд боломж бололцоо зөндөө л гарч байсан биз.Харин ч өөрийнхөө унаган зан чанар үзэл бодолдоо үнэнч байж баяжих хөлжихийг хүсээгүй цөөхөн хүмүүсийн нэг гэж боддогоо энэ зориуд хэлмээр байна.Тэрээр саяхан болтол 40 мянгатын хулиган атаман байсан гээд нэр хоч нь салаагүй л байсныг санаж байгаа байлгүйдээ.Хонх хамтлагын Цогтсайханыг 40 мянгатын бас нэг тод төлөөлөгч гэж хэлэх нь зүйд нийцнэ.Эд л бидэнд шинэ үейин уриа дуудлага болж байсныг одоо санахад илүүдэхгүй биздээ