Сансарын нисэгчидийн нэгэн учир битүүлэг ёс..

Зургийг хараад ойлгож байгаа биз дээ.Харин энэ хачин үйлдэл хэзээнээс эхэлж оросын сансрын нисэгчдийн заавал хийх ёс болсоныг энэ зурагт тайлбар хийсэн хүн бас сайн мэдэхгүй байна гэнэ. Гагарин ах анх ингэж хийгээд уламжлал болсон юм болов уу бүү мэд Ямар ч байсан нилээн дээр үеэс уламжлагдаж ирсэн нэг бичигдээгүй ёс юм байна.Хамгийн сүүлд ниссэн сансрын нисэгчид ч энэ уалмжлалыг эвдээгүй гэж байна.Харин манай Гүррагчаа ах бас энэ уламжлалыг дагасан болов уу. Асуух юм сан хэ хэ. Сансрын нисэгчид гэдэг чинь уг нь нуль шинжлэх ухаанлаг улсууд баймаар юм . Бас хүн юм болохоор бас мухар сүсэг байдаг байх нь....

Зөвлөлтийн хил зөрчсөн өмнөд Солонгосын иргэний нисэх онгоцны тухай ..

Энд нэг сонин мэдээлэл оллоо. 80 оны дундуур байхаа өмнөд солонгосын нэг иргэний агаарын тээврийн онгоц зөвлөлтийн агаарын хилийг сахалин арлын хавиар зөрчиж түүнийг нь агаараас эсэргүйцэн хамгаалах цэргийн генералуудын тушаалаар буудаж сөнөөсөн тухай их шуугисан даа.Тухайн үедээ их шуугиан тарьж хүйтэн дайны үе байсан болоод тэрүү америкийн өдөөн хатгалгаар иргэний агаарын тээврийн онгоцыг тагнуулын зорилгоор зорчигчтой нь нисгэснийг зөвлөлтийн зэвсэгт хүчин таслан зогсоосон тухай манай хэвлэлүүдээр ч зөндөө гарч байсныг зарим нь санаж байгаа байх.Харин энэ мэдээллийн хувьд ерөөсөө сонсоогүй юм байхлаар нь орууллаа.Уг үйл явдал 1978 оны өвөл болсон юм байна.Бас л өмнөд солонгосын нэг иргэний агаарын тээврийн онгоц үйл мэдэгдэх шалтгаанаар зөвлөлтийн агаарын хилийг Карелийн арлын хэсгээр нэвтэрсэн байна. Дараахан нь амдан ниссэн сөнөөгч онгоцнуудын яаралттай буух тушаалыг биелүүлээгүй тул дээрээс өгсөн тушаалын дагуу уг онгоцны нэг далавчийг буудсан нь уг онгоцыг Карелийн арлын Кем хотын ойролцоо орших нэг хөлдсөн нууран дээр буухаас аргагүйд хүргэсэн бололтой.Хоёр цагын дараа яаралттай нисэж ирсэн цэргийн тагнуулын албаны хүмүүсийг уг онгоцны дотор ороход цусны эхүүн үнэр архины үнэртэй холилдсон айж сандарсан хүмүүс байсан гэнэ.Зорчигчдыг яаралттай Кем хотод хүргээд удалгүй 3 хоногын дараа Финландын Хельсинк хот руу явуулсан байна.Харамсалтай энэ явдлын улмаас 2 хүн амь үрэгдэж олон хүн гэмтэж бэртсэн байсан бололтой.Харин онгоцны багын нисэгч нарыг мөрдөн байцааж байгаад хэсэг хугацааны дараа эх нутагт нь буцаасан гэнэ.Бас нэг сонирхолтой нь уг талбайн хамгаалалтанд гарсан цэрэг офицерүүд амьдралдаа анх удаа Coca Cola лаазалсан пиво бүр Play Boy сэтгүүлийг үзэх хувь тохиосон гэж байгаа. Уг онгоцыг задалж онгоц үйлдвэрлэх судалгааны төв рүү сүүлд явуулсан юм байна.Харин миний хувьд хүйтэн дайны тэр сөргөлдөөний үед ямар хурдан асуудлыг шийдээд хэл ам шуугиан гараагүйг гайхаад л сууж байна. Бодвол нэг учир байсан байлгүй дээ

Ажлыг бол иймэрхүү хийж болох талтай...

Хүмүүс мөнгийг яаж тоолдог вэ.? Бас Монголчууд...

Энэ бичлэгийг харж байсан чинь улсын маань нэр дунд нь цохиж явна.Тэгээд та бүхэнд сонирхолтой болов уу гээд орууллаа.Гэхдээ яг үнэндээ мөнгийг энэнээс илүү олон янзаар тоолдог байхаа гэж бодож байна.Нэг удаа баримтат кино үзэж байгаад хятадын байхаа нэг банкны тоологчийн ур чадварыг биширсэн юм даг.

Ватикан Цагаан ордон хоёр YOUTUBE ийг ашиглаж эхэллээ

Ватикан Цагаан ордон хоёр YOUTUBE ийг ашиглаж эхэллээ.Миний бодлоор энэ бол ард түмэнтэйгээ амьд холбоотой байх хамгийн сайхан боломж гэж бодож байна. Харин манайд ихэнх хэрэглэгч маань интернэтийн хурд шаардлага хангахгүй байгаа болохоор төвөг багатай үзэж чаддаггүй байх.Гэхдээ дандаа ийм байгаад байх биш болох л байлгүй . За тэгээд үзээд байж дээ .Харин манай дээдсүүд хэзээ энийг дууриаж чадах болоо. Эсвэл коммент хэмээх хараал ерөөлөөс айгаад тэгж чадахгүй байхаа доо .Уг нь тэд нарынх дээр ч бас л адилхан байх юм байна ш дээ . За тэгээд хаягыг нь тавьлаа орж сонирхоорой. Өдөрт л хэдэн мянган хэрэглэгч бүртгүүлж байгаа бололтой.
http://in.youtube.com/vatican http://in.youtube.com/user/whitehouse

Зэрлэг ёс заншил

Энэ нэг бичлэг орууллаа. Саяхан нэг мэдээн дээрээс (Бразилын байхаа ) хүн очдоггүй байсан битүү ширэнгэн ойгоос одоо болтол соёл иргэншилын бараа хараагүй хүн төрөлхтөн ч олж нээгээгүй байсан зэрлэг омог оллоо гэж уншиж байсан юм. Тэд дээгүүр нь нисдэг тэргээр нисэж зургыг нь авч байсан судалгааны багын хүмүүс рүү өөрсдийн хийсэн зэвсэг болох нум сумаараа харвах гэж оролдож байгаа болон тэдний овоохой оромжны зурагнууд байсныг зарим нь олж үзэж байсан байлгүй дээ. Ийм зэрлэг бүдүүлэг эртний амьдралтай отог омог хүмүүс африк , төв америкийн элсэн цөл ширэнгэн ойд цөөнгүй байдгийг бид мэднэ . Харин энэ бичлэг илүү аймшигтай бөгөөд харанхүй бүдүүлэг зэрлэг амьдралын үнэнийг харуулсан юм байна. Мухар сүсэгтэй нэг омгийн зэрлэг ёс заншлын дагуу хүүхдийг амьдаар нь булж оршуулж байгааг үзүүлсэн байгаа. Ямар аймаар зэрлэг ёс гэж ийм байдаг байнаа . Бичлэгт гарч байгаа яриануудыг англиар орчуулсан нь харагдаж байгаа тул та нар өөрсдөө үзнэ биз дээ .Ямар ч байсан энэ явдал одоо ч үргэлжилж Амозонкийн ширэнгэнд олон зуун хүүхэд амьдаараа оршуулагдаж байгаа үнэн бодит баримт гэнэ.

Дайны дараахи дэлхийн газрын зураг

Энд нэг сонирхолтой зураг оллоо.Та нар өөрсдөө томруулж хараад учрыг нь олно.Сонирхолтой нь дэлхийн 2 дайнд гол үүрэг гүйцэтгэсэн том гурав маань (Америк,ЗХУ,Англи) дайны дараа ч энэ үүргээ гүйцэтгэх маш их сонирхолтой байсан бололтой.Америкийн ерөнхийлөгч Ф.Руузвелт өөрийнхөө конгресст явуулсан илгээлтдээ энэ санаагаа нилээн сайн тодорхой гаргасан бололтой.Зургийн дор түүний хэлсэн үгнээс нилээд хэд жишээ татсан байна.Эд дайны дараа дэлхийг өөрсдийн харьяа улсууд болгох үгүй ядаж л нөлөөллийн хүрээгээ иймэрхүү маягаар хуваах сонирхолтой байсан гэдэг нь энэ зурагт тодорхой байгаа юм.Та нарт зарим улсуудын хувиарлалт ямар шуу байгааг сайн ажиглаарай.(жишээ нь ..хятадыг )Ер нь бол одоогийн өнцгөөс харахад хувиарлалт нь шог байнаа хэ хэ.Монголыг хамгийн түрүүн харсан ойлгомжтой л байна лээ.Тэд одоогийн НҮБ ийн анхдагч болох үндэстний лиг байгуулах,дэлхийн шүүх.цагдаа гээд л юм юм л бодож байсан бололтой.Тэгээд тэрийгээ дэлхийн шинэ хувиарлалт нь аюулгүй тогтвортой байлгах талаар хэрэгтэй тэгээд ч ер нь ч өөрсдийгөө энэ талаар санаа тавих ёс суртахууны эрхтэй гэж үзэж байсан байна.за тэгээд өөрдөө үзнэ биз дээ

Төвдийн паспорт

Сая нэг нет хэсэж байгаад Төвдийн тусгаар улс байсныг гэрчлэх гадаад паспорт олсон тухай мэдээ олсон юм.Энэ пасспортын эзэн нь тэр үеийн Төвдийн сангийн яамны сайд байсан Tsepon Shakabpa(1930 оноос 1950 оны хооронд ажиллаж байсан ) юм байна.Уг паспортыг Непалын нэгэн хуучны эдлэл зардаг хүнээс олж авсан бөгөөд бас ч үгүй 10 мянган доллараар худалдаж авсан гэж байгаа.Энэ паспорт одоо Далай ламын дэргэд өөрөөр хэлбэл түүний сеифэнд байгаа гэнэ.Далай лам болон түүний дэргэддэх албаны хүмүүс энэ баримтыг маш онцолж үзэж байгаа аж.Учир нь хятадын эрх баригчид дэлхий нийтэд төвдийг хэдэн зуунаас манай улсын нэг хэсэг байсан гэдгийг нотлох гэж оролддог болохоор 1947 оны 10 сар хүртэл хүчинтэй гэсэн огноотой энэ баримт түүхийн хувьд үнэ цэнэтэй нь ойлгомжтой.Хамгийн гол нь энэ паспорт дээр Энэтхэг Франц Америк Итали зэрэг орны хилийн штамп визийн тамга дарагдсан байгаа нь тухайн үедээ Төвд орон нь тусгаар тогтносон улс байсныг гэрчлэх том баримт юм.Энэ паспорт төвдийн уламжлалт гар аргаар хийсэн цаасаар хийгдсэн байсан байна.Паспортын эзэн Tsepon Shakabpa 1966 он хүртэл шинэ Делид Далай ламын албан ёсны төлөөлөгчөөр ажиллаж байсан бөгөөд 1989 онд нас барсанаар түүний пасспорт бас алга болсон гэнэ.Энэ баримтыг уншиж байгаад богд хаант монгол улсын үед манай ихэс дээдэс гадагшаа тусламж дэмжлэг авахаар их л явж байсан гэдэг харин тэр үедээ ямар бичиг баримт хэрэглэж байсан юм болоо гэсэн бодол төрлөө.Энэ талаар мэдэх хүмүүс байвал бас сонин л баримт болох байхдаа.

Отто Скорцений тухай..(үргэлжлэл)

...Тегеранд болсон гурван гүрний удирдагч нарын уулзалтыг тасалдуулж амь насыг нь хороох даалгавар авсан болов ч Зөвлөлтийн сөрөх тагнуулын идэвхтэй ажиллагаа түүний үйл ажиллагаанд саад болж даалгавар биелэгдээгүй юм.Энэ ажиллагааг Калтенбруннер ерөнхийд нь удирдаж байсан бөгөөд энэ ажиллагааны талаар зөвлөлтийн домогт тагнуулч Николай Кузнецов мэдээлж байсан тухай баримт байдаг .Бас нэг зөвлөлтийн Тегеран дахь агент байсан Gevork Vartanian ийн бүлэг хорлон сүйтгэгч халхавч багийг илрүүлж устгасан байна.Мөн мэдээлэл авсан хамгаалалтын алба илүү сонор соргог ажиллах болсоноор энэ үүрэг биелэгдээгүй аж.Бас Балканы хойгт Броз Титог устгах үүрэг авсан ч эцэст нь германы шүхэрчид отолтонд орж бас бүтэлгүйтсэн байна.Харин Унгарын тэр үеийн толгойлогч Miklós Horthy ийн хүүг барьцаалж түүнийг засгийн эрхнээс буулгах төлөвлөгөө амжилттай хэрэгжиж үүний үр дүнд зөвлөлтийн армид бууж өгөх гэж байсан унгарын засгийн газар солигдсоноор дайны төгсгөл хүртэл германы холбоотнууд зөвлөлтийн армитай тулалджээ.Өөр нэг амжилттай болсон ажиллагаа нь англиар ярьдаг 2000 гаруй цэргийг холбоотны цэргийн хувцас өмсгөн Францын нутагт хорлон сүйтгэх ажиллагаа явуулсан юм.Энэ ажиллагааны төлөө дайны дараа түүнийг яллах гэж байсан болов ч тэрээр оргож чадсан юм.Мөн тэр үеийн америкийн цэргийн командлагч Дуайт Эйзенхаүрийг устгах даалгавар авсан тухай цуу гарч тэднийг айлгаж байсан гэдэг. Тэрээр дайны сүүлийн өдрүүдэд Берлиний хамгаалалтанд тулалдаж байгаад 1945 оны 3 сарын 15 нд америкийн цэргүүдэд олзлогдсон байна.1947 он хүртэл цэргийн гэмт хэрэгтэнээр хоригдож байгаа олзноос амжилттай зугтаасан байна.Тун удалгүй Испанид очиж тэдний эрх баригчидын эвээлд багтсан байна.Robert Steinbacher ба Otto Steinbauer зэрэг нууц нэр хэрэглэж байсан тэрээр дайны дараа сс ийн цэргийн гэмт хэрэгтнүүдийг латин америк руу гаргах нууц сүлжээг амжилттай ажиллуулж байлаа.Түүний туслалцаагаар 600 гаруй цэргийн гэмт хэрэгтэн латин америкийн орнуудаар тархсан аж.Түүний шууд оролцоотойгоор Испанийн дарангуйлагч Франко Аргентиний ерөнхийлөгч Хуан Перон нар хамтран ажиллаж байлаа.Ер нь дэлхийн 2 дайны сүүдэр тусаагүй цөөхөн хэдэн орон болох Чили Аргентин Парагвай Боливи зэрэг орнууд нацистуудын хоёр дахь эх орон нь болсон байна.Бидний багад Андын нуруунд гээд кино гарч байсан санагдаж байна.Тэгээд ч Чили Аргентин зэрэг орны томоохон баячуул засгийн газрын гишүүд нь одоо ихэнхдээ Герман гаралтай хүмүүс байдаг нь тэр үеийн 3 реихийн алт эрдэнэс тэнд шингэсэн гэсэн яриаг баталдаг аж.Энд Отто Скорценийн үйл ажиллагаа их тус болсон биз дээ.1970 онд хорт хавдараар өвчилсөн тэрээр хагалгаанд орсон болов ч дараа нь бүсэлхийнээс доош мэдээ алдаж маш хүндээр өвдсөн юм.6 сарын дараа арай гайгүй болсон ч удаан хугацаагаар хэвтэрт байж байгаад 1975 оны 7 сарын 5 нд Мадридад нас барсан байна.Харин тэрээр нас барах үедээ баян чинээлэг нэгэн болсон байсан гэнэ.1952 онд түүнийг тэр үеийн баруун германы эрхтэнүүд цагаатгасны дараа тэрээр ирландад 200 акр эзэмшдэг нэгэн болсон байлаа.Бас нэг мэдээгээр Маллоркад үл хөдлөх хөрөнгөтэй байсан аж.Түүний нэг зорилго бол 4 р реихийг бий болгох байсан гэдэг.

Отто Скорценийн тухай...

Фашист Германы тусгай даалгавар гүйцэтгэгч СС ийн оберштурмбанферюр( хурандаа)Отто Скорценийн тухай урьд нь их сонирхож байлаа.Тэр үеийн тухай тагнуул хорлон сүйтгэх ажиллагаатай холбоотой томоохон ажиллагаанд түүний нэр сонсогддог бас гол үүрэгтэй оролцож байсан нь одоо ч олны анхаарлыг татдаг юм байна лээ.Тэр бол үнэхээр мэргэжлийн тусгай үүрэг гүйцэтгэгч офицер байсан гэдэг нь маргашгүй үнэн юм.Түүний тухай домог дайны үед л цуурайтаж байлаа.Мэргэжлийн энэ ур чадварыг нь сүүлд зарим нэг улс үнэлж өөрсдийн оронд зөвлөхөөр ажиллуулж байсан байна.Та нар санаж байгаа бол Ален Делон нэг дүрд нь тоглодог Тегеран 44 гэдэг зөвлөлт францын хамтарсан нэг кинонд ч түүний тухай гардаг.Энэ кинонд том гурав буюу америк зөвлөлт английн удирдагч нарыг устгах ажиллагааг таслан зогсоож байгаа тухай үйл явдалтай.Надад бол их л сонирхолтой кино байсан санагдаж байна.Армен Жигирхянан бас тоглосон гэж байгаа.За тэр яахав.Отто Скорцени 1908 оны 6 сарын 12 нд Австрийн цэргийн гэр бүлд төрсөн бөгөөд төрөлх хэлнээсээ гадна франц англи хэлийг бага насандаа эзэмшсэн нэгэн байжээ.Веннийн их сургуульд суралцаж байхдаа туялзуур жадаар хичээллэдэг мөн хэд хэдэн удаа дуэл хийсэн баримт байдаг бөгөөд нэг удаагийн тийм тулалдаанаас өөрийг нь чимэглэх болсон сорвитой болсон юм байна.1931 онд австрийн нацист намд элссэн оржээ.Польшийг эзлэгдсэний дараа тэнд очиж иргэний салбарт инженер ээр ажиллаж байгаад бас удалгүй германы цэргийн нисэх хүч арын албанд ажиллах болов.Удалгүй нэг тохиолдлоор Гитлерийн хамгаалалтын хороонд алба хаах болжээ.Ингээд бас удалгүй өөрийн хүсэлтээр фронтод байлдахаар явж Голланд Франц бүр Балканы хойгт Югаславын босогчидтой тулалдаж байсан бөгөөд тэнд байхдаа тушаал ахиж хурандаа цолтой болсон байна.Удалгүй 1940 оны 2 сарын 21 онд Орос руу явж дайн эхлэхээс өмнөх зарим нэг ажиллагаанд оролцож байгаад дараа нь 1941 оны 10 сард Москвагын дэргэд тулалдаж байсан армийн бүрэлдэхүүнд орж тусгай даалгавар авсан байна.Энэ үүрэг нь Москваг эзлэхээс өмнө хотод нэвтэрч коммунист намын байр дотоодыг хамгаалах яамны байр төв холбоо зэрэг онц чухал газруудыг дэлбэлэх хүмүүсийг олзлох зэрэг байсан бөгөөд германы цэрэг тэнд цохигдсоноор энэ үүрэг биелэгдээгүй юм .1942 оны 12 сард тэрээр шархдаж Веннд буцаж ирсэн бөгөөд түүнийг гавьяа байгуулсаны учир төмөр загалмай одонгоор шагнасан байна.Венна байхдаа Гитлерийн санаачлагаар байгуулагдсан тусгай хүчнийг зохион байгуулж удирдах болсон гэнэ.Энэ бүлэг анхныхаа даалгавраар италийн дарангуйлагч Гитлерийн холбоотон Беннито Муссолинийг баривчилгаанаас суллах үүрэг авлаа.Бараг 2 сарын турш уйгагүй хөөцөлдөж муур хулгана болсоны эцэст түүний байгаа газрыг тодорхойлж Gran Sasso ууланд байдаг Campo Imperatore Hotel д байгаа Муссолинийг бараг ганц ч буу дуу гаргалгүй амжилттай суллаж эхлээд Ромд дараа нь Германд авч ирж чаджээ.Энэ үеэс эхлэн түүүний алдар цуу эхэлсэн гэдэг........
Ажил гараад дуусгаж чадсангүй маргааш үргэлжлүүлнээ

Украйны эх оронч

Би нэг удаа блогтоо зөвлөлтийн түрэмгийлэлийг эсэргүйцэж өөрийгөө шатаасан чех залуугын тухай оруулж байсныг зарим нь санаж байгаа биз дээ.Өөрийн үзэл бодлоо хамгийн хурцаар илэрхийлэх хамгийн сүүлчийн алхам бол коммунист дарангуйлалын үед өөрийгөө шатаах л байсан бололтой.Энэ тэмцлийг бас украйны үндэсний эрх чөлөөний тэмцэгч Oleksa Hirnyk гэдэг энэ залуу бас хэрэгжүүлсэн юм байна.Тэрээр зөвлөлт үзэл суртлын далбаан дор түүний эх орны соёл хэл заншил газар нутаг уусаж алга болж байгааг эсэргүйцэж мянга мянган ухуулах хуудас тарааж хэвлүүлж байсан нь тухайн үедээ санаанд багтамгүй эр зориг байлаа.Тэр үзэл бодлоо цагдаа шүүх эрх баригчидаас нууж байгаагүй юм. Түүний ухуулах хуудсанд PROTEST AGAINST RUSSIAN OCCUPATION OF UKRAINE

PROTEST AGAINST RUSSIFICATION OF UKRAINIAN PEOPLE

LONG LIVE THE INDEPENDENT UNITED UKRAINIAN STATE!

EVEN IF IT REMAINS SOVIET IT MUST NOT BE RUSSIANIZED!

UKRAINE FOR UKRAINIANS!

гэсэн мөрнүүд байсан гэнэ.Oleksa Hirnyk 1912 оны 3 сарын 28 нд Калуша хэмээх хотын ойролцоо орших Бохородчиваны гэдэг сууринд төрсөн бөгөөд түүний гэр бүлийнхэн бүгд эх орон хэл ёс заншилаа дээдэлдэг байсан байна.Өөрийнхөө үзэл бодлоо илэрхийлсэнийхээ төлөө Зөвлөлтийн хуулиар шийтгэгдэж 3 жил алс дорнодод шоронд хоригдсон Oleksa Hirnyk үзэл бодлоосоо няцаагүй аж.Суллагдсаныхаа дараа ч тэмцэлээ үргэлжлүүлж Киев болон бусад хотуудаар явж суртал ухуулга явуулж байж.Эцэст нь түүнд өөрийгөө шатааж үзэл бодлоо илэрхийлэхээс өөр зам үлдээгүй бололтой.Украйны алдарт тэмцэгч Тарас Шевчинкогийн төрсөн хоттой ойролцоо байдаг түүний булшнаас холгүй орших Chernecha Hill гэдэг газар өөрийгөө шатаасан байна.Түүнийг 2007 онд украйны ерөнхийлөгчийн зарлигаар улс эх орныхоо тусгаар тогтнолын төлөө иргэний зориг гаргасны учир украйны баатар цолоор нэхэн шагнасан юм байна.Харин энд нэг юм хэлэхэд манайхаас бусад (дундад азийн зөвлөлтийн бүрэлдхүүнд байсан орнуудыг мэдэхгүй байна) зөвлөлтийн эрхшээлд байсан орнууд оросуудад их дургуй гэдгийг манайхан сайн мэддэг.Харин бидний хувьд орос ах нар тусгаар тогтнолын баталгаа болж байсан болохоор арай өөр асуудал яригддаг нь азтай юм даа

Klaus Fuchs ба атомын бөмбөгийн нууц

Урьд нь Зөвлөлтийн тагнуулын байгууллага тэдний домог болсон агентуудын талаар сонирхож уншдаг байлаа. Харин Klaus Fuchs гэх энэ хүний талаар сонсож уншаагүй байсан юм.Харин сая нет хэсэж байгаад түүний тухай энэ мэдээллийг оллоо.Тэрээр 1945 оноос 1947 оны хооронд Зөвлөлтийн тагнуулын байгууллагад Америкийн атомын бөмбөгийн дараа нь устөрөгчийн бөмбөгийн талаар дээд зэрэглэлийн мэдээллүүд дамжуулж байжээ.Klaus Fuchs 1933 онд Гитлерийн Германаас зугтан гарч Англид очин физикийн ухааны докторын зэрэг хамгаалжээ.Энэ үеэс Эдинбүргийн их сургуульд профессороор ажиллаж байв.Чадалтай эрдэмтэн байсан тул анх Англид судлаж төлөвлөж байсан атомын бөмбөг бүтээх багт ажиллах урилга авч ажилласан гэнэ.Удалгүй английн хэсэг эрдэмтэдийн хамт Лос Аламост байгуулсан цөмийн зэвсэг бүтээх Манхаттен төсөл дээр ажиллах болжээ.Энд байхдаа плутоний бөмбөг бүтээх туршилтанд түлхүү оролцож байжээ.Харин түүний зөвлөлтөд мэдээлэл дамжуулах болсон нь түүний үзэл бодолтой шууд холбоотой юм.Тэрээр Германд байхдаа коммунист үзэл бодлыг талархагч байсан ажээ.Тэр сэтгэл зүрхээрээ Германы нацизмыг жигшэн үздэг байжээ.Гол нь түүний баримталж байсан бас болгоомжилж байсан үзэл бодол бол дэлхий дээр зөвхөн нэг улс тухайлбал америк ганцаараа ийм хүчирхэг зэвсэгтэй болж байгаад санаа нь зовдог байсан байна.Зөвхөн энэ шалтгаанаас болж цөмийн зэвсэгийн нууцыг дамжуулж байсан ч байж магадгүй юм.Мэдээж Хирошима Нагасаки дээр бөмбөг хаясан америкийн шийдвэр түүнд нөлөөлсөн биз.!948 он гарахад Америкийн тагнуулын алба түүний цөмийн зэвсэгийн нууц ямар нэг хэмжээгээр алдагдаад байгааг гадарлаж мөрдөн шалгаж эхэлжээ.Удалгүй түүнийг англид буцаж ирэх үеэр английн тагнуулын алба түүнийг мөрдөж байгаад зөвлөлтийн тагнуулын албатай харьцаж байсан нууц кодыг тайлж уншсанаар түүнийг баривчилсан байна.1959 он хүртэл шоронд хоригдсон тэрээр суллагдаж зүүн герман луу явсан бөгөөд 1988 онд нас бартлаа тэнд амьдарчээ. Түүхчид түүний явуулсан үйл ажиллагааг хоёр талтай авч үздэг бөгөөд харин тэрээр өөрийнхөө талаар сонин хэвлэлд ярих дургүй нэгэн байж ээ.Харин ховор өгдөг байсан ярилцлагандаа тэрээр ...нэг их чухал мэдээлэл байгаагүй.Одоо миний бодож байгаагаар зөвлөлт холбоот улс надтай надгүй тэрийг хийж чадах л байсан гэж ..дурссан байдаг.Миний бодоход тухайн үеийн түүн шиг тагнуулын ажиллагаанд оролцож байгсад жинхэнэ сэтгэл зүрхээрээ тийм ажил хийж байсан болов уу гэж боддог.Түүх улиран одох тусмаа үнэ цэнэ ордог билээ.

Сансараас харагддаг байгууламжууд

Нийтэд түгсэн нэг алдаа байдаг юм байна.Тэр юу гэвэл сансараас хятадын цагаан хэрэм харагддаг гэсэн яриа юм.Харин бодит байдал дээр энэ худлаа аж. Учир нь цагаан хэрэм тийм хол зайнаас олж харахад бэрх тийм нарийхан учир харагддаггүй гэнэ.Харин дэлхий дээр хүний гараар боссон хоёрхон байгууламж л сансараас жирийн хараагаар харaгддаг бөгөөд тэр нь Египетийн пирамид ба Хоовер Дамм юм байна.(Hoover Dam)

Эдгар Аллан По гийн зарим баримт

Эдгар Аллан По бол америкийн алдартай зохиолч гэдгийг хүмүүс мэдэх байхаа.Түүний зохиолуудаас анх манай их зохиолч Д.Нацагдорж орчуулж байсныг санаж байна.Гэхдээ андуурч байж ч болно шүү.Харин энэ зохиолч бас л яруу найрагчдын өвчинөөр өвчилж архи дарс элдэв юмнаас хол явж үзээгүй бололтой.Виржиниагын Их сургуульд элсэн ороод сургуулийн тэтгэлгийн мөнгөөр мөрийтэй тоглож дуусгасан дээр нь нэмээд архи их уудаг байсан баримт их байдаг юм байна.Сургууль дээрээ бүр шалгалтын үеэр ч согтуу байдаг байсан нь хэвийн үзэгдэл байсан бололтой.Ер нь л стандарт нэгэн биш байсан бололтой.Иймэрхүү баримтуудаас болж түүний суралцах кареар дуусан гэнэ.Тэгээд ч түүн шиг хүмүүст сургууль хэрэгтэй ч байгаагүй байхаа даа.

Их эрдэмтний алдартай зураг

Алдарт эрдэмтэн Алберт Эйнштеиний энэ зураг маш алдартай билээ.Харин энэ зургыг хэн хэзээ авсан тухай мэддэггүй байсан юм.Уг зургийг 1972 онд өөрийнхөө төрсөн өдрөөр зурагчин Arthur Sasse. гэдгээр авахуулсан юм байна.Их эрдэмтэн маань энэ зургандаа их дуртай байсан бөгөөд гарсан даруйд нь найзууддаа илгээж байсан гэнэ.Бас нэг баримт байдаг нь байгуулагдаад удаагүй байсан Изриаль улс түүнийг 1952 онд ерөнхийлөгчөөр сонгохоор урьж байжээ.Түүнийг евреи үндэстэн гэдгийг хүн болгон мэдэх байлгүй дээ.

Bata компанийн тухай ...

Манайхан одоо гадагшаа явдаг болсон болохоор ихэнх нь BATA гутлын дэлгүүрийн талаар сайн мэдэх байлгүй дээ.Дэлхийн ихэнх оронд сүлжээтэй энэ компанийг тухайн орны зарим иргэд нь өөрсдийн компани гэж эндүүртэл удаан хугацаанд эх оронд нь үйл ажиллагаа явуулсан байдаг.Харин монголд байдаггүй шиг санагдаад байна.Гэхдээ байдаг ч юмуу би сайн мэдэхгүй байна.Яагаад энэ компанийн талаар бичих болсон нь түүний дэлхийн анхны үндэстэн дамнасан компани болохоор сонирхсон юм.Уг компанийн жинхэнэ эх орон нь Чех юм байна.Bata компанийг үндэслэгч Thomas Bata 1914 оны 9 сарын 17 Чехийн Прага хотод төрсөн бөгөөд уг компанийг өөрийн авга ах Jan Antonin аас өвлөж авч байсан гэнэ.Харин компани анх Чехсловакийн Злин хотод 1894 байгуулагдсан юм байна.Түүнийг компаниа анх удирдаж эхэлж байхад нилээн бэрхшээл тохиолдож байжээ.Дэлхийн 1 р дайн эхэлж компанийн борлуулалт муудсанаар анхны бэрхшээл эхэллээ.Удалгүй дайн дууссан ч хямрал үргэлжилж байсан учир Томас Бата анх удаа урьд үзэгдэж байгаагүй хямд гутлын үнийг хэрэглэгчдэд санал болгосноор бүтээгдэхүүний борлуулалтыг эрс нэмэгдүүлж чанартай ч гэсэн хямд байж болох маркетингийг нэвтрүүллээ.1930 гарахад Бата өөрийнхөө үйлдвэрлэл худалдааг хилийн чанад эрхлэх шийдвэр гаргаж анхны жижиг дэлгүүрээ энэтхэгийн Калкутта хотын ойролцоо Коннагар гэдэг газар нээлээ.Энэ үйл ажиллагаа амжилттай болж одоо энэ хот тус компанийн дэлгүүрийн нэрээр Батанагар гэж нэрлэтлээ алдаршсан байна.Энэ амжилтантандаа урамшсан Бата нийт энэтхэг даяар сүлжээ дэлгүүрүүдээ нээж эхэлсэн юм.1939 онд Бата Канадад үйлдвэрээ байгуулж цаашдаа Европи Африкт үйл ажиллгаагаа өргөжүүлсэн байна.Түүний гутлын дэлгүүр нэр хүнд дэлхий даяар алдаршиж эхэллээ.Удалгүй бас нэг бэрхшээл үүссэн нь нацистууд түүний эх орныг эзэлсэнээр 1939 онд компанийн төв байр Канад руу нүүсэн байна.Харин дайн дуусаны дараа буцаж ирсэн болов ч бас коммунийстууд нийгэмчлэл явуулж эд хөрөнгийг нь авсан учир буцаж нүүсэн байна.Хамгийн сүүлд 1989 онд арчилсан шинэ Чехсловак бий болсоны дараа л эх орондоо ирэх боломж олдсон гэнэ.Бата өөрийнхөө үйл ажиллагааны гол цөм болсон ажилтан ажилчиддаа маш их анхаарал тавьдаг байсны жишээ нь үйлдвэрийнхээ ойролцоо ямагт ажилчдын хороолол байгуулж орон сууц нийгмийн асуудлыг нь шийдэж байсан нь юм.Канадын Онтариа хотод Батава нэртэй хороолол байгуулсан нь нэг жишээ гэхэд болно.100 гаруй жилийн өмнө байгуулагдаж байсан Бата компани одоо 14 тэрбүм хос гутал зарсан тооцоо байдаг юм байна.Батагийн алдартай брэндүүд дотор Marie Claire,Dr Scholls ба Huch Puppies зэрэг багтдаг юм байна.Одоо компанийн төв байр Швеицарийн луйзанна байрлаж Батагийн хүү Томас Жеорж Бата тэргүүнээр нь ажилладаг юм байна.

100 жилийн өмнөх түүхэн зураг

Энэ зургийг оросын гэрэл зурагчин Prokudin-Gorsky 1907 онд авсан байна.Тэрээр Оросын эзэн хааны тусгай зурагчин байсан гэнэ.Хар цагаан энэ зургийг тусгай технологи ашиглан өнгөт болгосон юм байх.Одоогоос 100 жилийн өмнө авсан энэ зураг түүхийн ховор баримт бөгөөд Оросын эзэнт гүрэн өөрийн эзэмшилд оруулсан лалын шашинт орнуудтайгаа одооны адил террорист ажиллагааны эсрэг тэмцэж байсан нь энэ зурагт буусан байх юм.Энэ шоронгийн харуул цэрэг ,тэр шоронд байгаа лалын тэрслүү үзэлтнүүд гээд сонирхолтой л дүр зураг байгаа биз.

100 жилийн настай жинс

Цаана чинь 100 гаруй жилийн өмнө манайхаар бол Америкийн нинжа нарын өмсөж байсан LEVI’S жинс олдоод тэгээд тэр нь eBay гийн дуудлага худалдаан дээр 17 000$ хүрээд байна гэнэ шүү.Өчнөөн олон жил газар шороон дээр хэвтчихээд илжирж муудаагүй байхыг бодоход ёстой л ясны эд юмаа.Калифорни мужийн Mojave Desert гэдэг газраас олдсон нь хуучны алтны гар аргаар ухдаг уурхай байсан гэнэ.Энэ хос жинсны кармаанд нь тэр үеийн сонин байсан бөгөөд тэрүүгээр баримжаалаад уг жинсны үйлдвэрлэсэн оныг 1895-1898 он гэж үзэж байгаа бололтой.

Сонирхолтой гайхмаар юм байна....

Хамгийн удаан үргэлжилдэг кино

Миний санахаас Мандухай цэцэн хатан кино үргэлжлэх хугацаагаараа монголдоо дээд амжилт гаргасан гэж байгаа.Яг хэдэн хэдэн цаг хэдэн минут болдог тухай сайн мэдэхгүй юм.Ямар ч байсан анх гарч эхлэх үеэр нь үзэгчид хоолтой ундтайгаа очиж үзэж байсан тухай хүмүүсээс сонсож байсан.Харин Энэтхэгийн Махтур гэдэг хотод120 цаг үргэлжлэн гардаг кино хийж гиннесийн амжилт тогтоосон тухай нэг мэдээ байх юм.Уг кино маань 2008 оны 6 сарын 11 өглөө 11 цаг 08 минутанд эхлээд тухайн сарынхаа 16 ны 8 цаг 12 минутанд дууссан байх юм.Өмнөх дэлхийн дээд амжилт 117 цаг байсан гэж байгаа.Өдөрт 24 цаг байдаг болохоор 5 өдөр кино үзсэн улаан киночингууд яаж нойр хоолоо зохицуулдаг юм болоо.Санаанд багтахгүй л юм байна.Гол нь завсарлаггүй гардаг юм шүү дээ.