Нэгэн дуудлага худалдааны үнэн түүх оршвой гэж

Манайд дуудлага худалдаа гэж улсын улсын жижиг дунд үйлдвэрийг хувийн өмчид шилжүүлэх үйл явдал болдог байв даа.Бас л мэдээлэл муутайг нь далимдуулаад хорчин морчингуудийн ажил болоод дуусдаг байлаа.Одоо тийм юм сонсогдохоо байсныг бодоход дуудах бараа нь дууссан юм байлгүй дээ.Тэр их хувьсгалын жилүүдэд болсон нэг "барборас " ажиллагааны талаар дуулсанаа бичмээр санагдаад байна.Гэхдээ хэн нэгний нэр төрд халдах гэсэнгүй .Зүгээр л их аятайхан үйл ажиллагаа болсон гэж түүх өгүүлэх гэсэн юм.Манайдаа л бас томд орох нэг хүнсний үйлдвэрийг дуудлага худалдаагаар зарах болжээ.Тэгээд яахав товлосон цаг болоод уралдаант шалгаруулалтанд оролцохоор нэг биш нэжгээд хүмүүс цугласан дуудлага худалдаа болсон байна.Захаасаа үнээ хэлээд л явдаг юм ёсоороо болж байсан гэж байгаа.Нэгэнт дуудлага худалдаа юм болохоор ээлж дараагаар үнээ нэмж хэлээд явж байж л дээ.Тэр үед мөнгө ч хатуу одоогынхоос ондоо байсан болохоор 50 мянга 60 мянга гээд л дуудаж байтал нэг нөхөр (тэр нь бас тэр үйлдвэрийнхээ дарга нь байсан гэж байгаа) босож ирээд л шууд санаанд оромгүй үнэ болох 800 мянга хэлээд л л суусан гэнэ.Нөгөө дуудлага худалдаанд оролцож байсан бусад нөхөд шоконд оролгүй яахав таг дуугүй .Тухайн үнэ ч тэр үедээ тэнгэрийн тоо байж л дээ.Тэгээд яахав дуудлага худалдааны журам ёсоор нэг хоёр гурав гээд л алх тас хийж нөгөө үнэ хэлсэн нөхөрт үйлдвэр очсон байгаа юм.Тэгээд дуудлага худалдаа дуусч ялагчид 14 хоногын дотор нэрлэсэн мөнгөө улсын дансанд шилжүүлсэн байхыг үүрэг болгоод өндөрлэжээ.За тэгсэн яасан гэсэн өдөр хоног өнгөрөөд байдаг нөгөө мөнгө орж ирдэггүй нөгөөхөөсөө асуухаар одоохон оруулнаа гээд л байдаг .Ингэж тэгсээр байгаад нөгөө 14 хоног дууссан гэнэ.Тэгээд нөгөө нөхөр ирээд нөгөө комисстоо би мөнгөө хийж чадсангүй болихоос гэж гэнэ.Тэгсэн тэр үейин дуудлага худалдааны журам ёсоор ялагч мөнгөө заасан хугацаанд улсын дансанд хийгээгүй бол хүчингүй болгож үнийн дараалалаар дараагын хүнд шилжих ёстой байсан ёсоор болж гэнэ.Харин дараагийн хүн нь 56-60 мянга орчимд үнэ дуудаад зогсож байсан байгаа юм.Хамгийн сонирхолтой нь энэ дараагийн хүн нь уг үйлдвэрийн даргатай нэг тал болсон байсан нь сүүлд мэдэгдсэн гэж байгаа.Гол зорилго нь өндөр үнэ хэлж хүмүүсийг шоконд оруулаад өөрсдийн бодсон үнээр авсанд л гол учир нь байгаа юм даа.За тэгээд хуурч мэхэлсэн гээд л бөөн зарга болсон боловч тэр үейин журам нь тийм байсан болохоор нөгөө талууд нь яаж ч чадаагүй юм гэсэн шүү.Энэ юүг хэлээд байна вэ гэвэл хуулийн цоорхойг л ашигласан байгаа юм даа.Сүүлд энийгээ зассан байлгүйдээ.За тэгээд иймэрхүү явдал болсоныг бичээч би сийрүүлэвэй