Франчизинг тухай яриа-1

....Франчизинг буюу бизнес худалдан авах систем нь миний бодлоор хамгийн зөв сонголт байж магадгүй юм.Учир нь нэгэнт бий болоод тодорхой хугацааны шалгуур давсан.өөрийн гэсэн брэнд,үйлчлүүлэгч,бэлэн менежменттэй ийм бизнесийг худалдан авах нь ямар ч тохиолдолд бизнесийн эрсдэлийг асар багасгаж байгаа юм.Франчизинг систем нь дотроо маш олон төрөл агуулагтай байдаг ба бизнесийн ямар ч салбарт энэ систем нэвтэрсэн байгаа.Энэ төрлийн сайт ч интернэтэд их байдаг нь ямар их хурдацтай өсөж байгааг харуулж байгаа юм.Хэдэн жилийн өмнө би манайд яагаад MacDonald,KFC зэрэг сүлжээний бизнес нэвтэрдэггүй юм болоо гэж бодоод зарим нэг хүмүүстэй ярилцаж энэ талаар санал бодлоо солилцож байлаа.Тэгэхэд зарим нь энэ бол цаг нь болоогүй бизнес зарим нь болохоор манай хотын хүн амын тоо шаардсан хэмжээнд нь хүрдэггүй учраас гээд л янз бүрээр л ярьдаг байсан юм.Миний сонссоноор бол Макс группийнхэн энэ талаар хөөцөлдөж байгаа гэж байсан .Одоо болтол болоогүй байхыг бодоход ямар нэгэн шаардлага хангагдаагүй байх л даа.За тэгэхдээ ямар ч л байсан анхны оролдлогууд хийгдэж л байгаа бололтой.Гэхдээ эдгээр брэндүүд бол үнэ ихтэйд орно.Бас хэний ч бололцоонд таарсан үнэ өртөгтэй бизнесүүд зөндөө байнаа хө.Би бас зүгээр байхгүй янз бүрийн л юм сонирхож байхад Монголд тохирсон оруулаад ирмээр юм зөндөө л байдаг юм.За зухаас нь та бүхэнтэй танилцуулах бас санал бодлоо хуваалцах зорилгоор энэ буланг ажиллуулж байгаа юмаа.