20 р зууны эхээр Монгол нэртэй хөвж байсан Америкийн далайн тээврийн хөлөг онгоц

USS Mongolia нэртэй ачаа тээврийн усан онгоц 1903 оноос 1929 онд өөр компанид худалдагдах хүртлээ энэ нэрээрээ их далайд хөвж явсан сонирхолтой баримт байх юм.Яагаад ийм нэртэй болсоныг бүү мэд.Бас өөрийн дүү SS Manchuria.ийм нэртэй усан онгоцтой байсан гэнэ.Тэр үеийн үзүүлэлтээр нилээн том онгоц байсан бололтой. New Jersey ийн New York Shipbuilding Corporation of Camden ийм нэртэй үйлдвэрт бүтээгдсэн 1800 гаруй зорчигч тээвэрлэх хүчин чадалтай бас Тэдди ( Ерөнхийлөгч Тэдди Рузвелтийн дурсгалд зориулсан) нэртэй хүнд их буутай догь эд байсан бололтой.Доорхи сайтад түүний тухай тодорхой байгаа тул ороод сонирхоорой бас зорчигчидийн тухай дурсамж байгаа.Ямар ч л байсан одоо манай далбааг ашиглаад хууль бус зүйл хийдэг компаниудыг бодвол их үүрэг гүйцэтгэсэн онгоц байсан тодорхой байна лээ.  Монгол гэдэг нэртэй энэ онгоц тухайн үедээ бараг мартагдаж байсан улс орныг маань дэлхийд сануулж байсан гэдэгт итгэлтэй байна.Доторхи материалууд нь их урт бас ойлгомжтой болохоор дахиж нуршихаас залхуурлаа http://freepages.military.rootsweb.ancestry.com/~cacunithistories/USS_Mongolia.html

Баярын мэнд хүргэе.Блог андууддаа

За блог андууд Соронзон , Ганаа , Ганзо , Xасар ,Баатар ,Ганга , Бадка ,Сайнбаяр, Дамжаа Логос Арсун... гээд бүгдэд нь монгол хүний эрхэм баяр болох улс тунхагласны баярын мэндийг хүргэж байгааг хүлээн авна уу.Монголын төлөө зүрх сэтгэлтэй бүх хүмүүст хүмүүст хамгийн сайн сайхан бүхнийг хүсэж байна.

Дайны дараахи дэлхийн газрын зураг

Энд нэг сонирхолтой зураг оллоо.Та нар өөрсдөө томруулж хараад учрыг нь олно.Сонирхолтой нь дэлхийн 2 дайнд гол үүрэг гүйцэтгэсэн том гурав маань (Америк,ЗХУ,Англи) дайны дараа ч энэ үүргээ гүйцэтгэх маш их сонирхолтой байсан бололтой.Америкийн ерөнхийлөгч Ф.Руузвелт өөрийнхөө конгресст явуулсан илгээлтдээ энэ санаагаа нилээн сайн тодорхой гаргасан бололтой.Зургийн дор түүний хэлсэн үгнээс нилээд хэд жишээ татсан байна.Эд дайны дараа дэлхийг өөрсдийн харьяа улсууд болгох үгүй ядаж л нөлөөллийн хүрээгээ иймэрхүү маягаар хуваах сонирхолтой байсан гэдэг нь энэ зурагт тодорхой байгаа юм.Та нарт зарим улсуудын хувиарлалт ямар шуу байгааг сайн ажиглаарай.(жишээ нь ..хятадыг )Ер нь бол одоогийн өнцгөөс харахад хувиарлалт нь шог байнаа хэ хэ.Монголыг хамгийн түрүүн харсан ойлгомжтой л байна лээ.Тэд одоогийн НҮБ ийн анхдагч болох үндэстний лиг байгуулах,дэлхийн шүүх.цагдаа гээд л юм юм л бодож байсан бололтой.Тэгээд тэрийгээ дэлхийн шинэ хувиарлалт нь аюулгүй тогтвортой байлгах талаар хэрэгтэй тэгээд ч ер нь ч өөрсдийгөө энэ талаар санаа тавих ёс суртахууны эрхтэй гэж үзэж байсан байна.за тэгээд өөрдөө үзнэ биз дээ

Төвдийн паспорт

Сая нэг нет хэсэж байгаад Төвдийн тусгаар улс байсныг гэрчлэх гадаад паспорт олсон тухай мэдээ олсон юм.Энэ пасспортын эзэн нь тэр үеийн Төвдийн сангийн яамны сайд байсан Tsepon Shakabpa(1930 оноос 1950 оны хооронд ажиллаж байсан ) юм байна.Уг паспортыг Непалын нэгэн хуучны эдлэл зардаг хүнээс олж авсан бөгөөд бас ч үгүй 10 мянган доллараар худалдаж авсан гэж байгаа.Энэ паспорт одоо Далай ламын дэргэд өөрөөр хэлбэл түүний сеифэнд байгаа гэнэ.Далай лам болон түүний дэргэддэх албаны хүмүүс энэ баримтыг маш онцолж үзэж байгаа аж.Учир нь хятадын эрх баригчид дэлхий нийтэд төвдийг хэдэн зуунаас манай улсын нэг хэсэг байсан гэдгийг нотлох гэж оролддог болохоор 1947 оны 10 сар хүртэл хүчинтэй гэсэн огноотой энэ баримт түүхийн хувьд үнэ цэнэтэй нь ойлгомжтой.Хамгийн гол нь энэ паспорт дээр Энэтхэг Франц Америк Итали зэрэг орны хилийн штамп визийн тамга дарагдсан байгаа нь тухайн үедээ Төвд орон нь тусгаар тогтносон улс байсныг гэрчлэх том баримт юм.Энэ паспорт төвдийн уламжлалт гар аргаар хийсэн цаасаар хийгдсэн байсан байна.Паспортын эзэн Tsepon Shakabpa 1966 он хүртэл шинэ Делид Далай ламын албан ёсны төлөөлөгчөөр ажиллаж байсан бөгөөд 1989 онд нас барсанаар түүний пасспорт бас алга болсон гэнэ.Энэ баримтыг уншиж байгаад богд хаант монгол улсын үед манай ихэс дээдэс гадагшаа тусламж дэмжлэг авахаар их л явж байсан гэдэг харин тэр үедээ ямар бичиг баримт хэрэглэж байсан юм болоо гэсэн бодол төрлөө.Энэ талаар мэдэх хүмүүс байвал бас сонин л баримт болох байхдаа.

Отто Скорцений тухай..(үргэлжлэл)

...Тегеранд болсон гурван гүрний удирдагч нарын уулзалтыг тасалдуулж амь насыг нь хороох даалгавар авсан болов ч Зөвлөлтийн сөрөх тагнуулын идэвхтэй ажиллагаа түүний үйл ажиллагаанд саад болж даалгавар биелэгдээгүй юм.Энэ ажиллагааг Калтенбруннер ерөнхийд нь удирдаж байсан бөгөөд энэ ажиллагааны талаар зөвлөлтийн домогт тагнуулч Николай Кузнецов мэдээлж байсан тухай баримт байдаг .Бас нэг зөвлөлтийн Тегеран дахь агент байсан Gevork Vartanian ийн бүлэг хорлон сүйтгэгч халхавч багийг илрүүлж устгасан байна.Мөн мэдээлэл авсан хамгаалалтын алба илүү сонор соргог ажиллах болсоноор энэ үүрэг биелэгдээгүй аж.Бас Балканы хойгт Броз Титог устгах үүрэг авсан ч эцэст нь германы шүхэрчид отолтонд орж бас бүтэлгүйтсэн байна.Харин Унгарын тэр үеийн толгойлогч Miklós Horthy ийн хүүг барьцаалж түүнийг засгийн эрхнээс буулгах төлөвлөгөө амжилттай хэрэгжиж үүний үр дүнд зөвлөлтийн армид бууж өгөх гэж байсан унгарын засгийн газар солигдсоноор дайны төгсгөл хүртэл германы холбоотнууд зөвлөлтийн армитай тулалджээ.Өөр нэг амжилттай болсон ажиллагаа нь англиар ярьдаг 2000 гаруй цэргийг холбоотны цэргийн хувцас өмсгөн Францын нутагт хорлон сүйтгэх ажиллагаа явуулсан юм.Энэ ажиллагааны төлөө дайны дараа түүнийг яллах гэж байсан болов ч тэрээр оргож чадсан юм.Мөн тэр үеийн америкийн цэргийн командлагч Дуайт Эйзенхаүрийг устгах даалгавар авсан тухай цуу гарч тэднийг айлгаж байсан гэдэг. Тэрээр дайны сүүлийн өдрүүдэд Берлиний хамгаалалтанд тулалдаж байгаад 1945 оны 3 сарын 15 нд америкийн цэргүүдэд олзлогдсон байна.1947 он хүртэл цэргийн гэмт хэрэгтэнээр хоригдож байгаа олзноос амжилттай зугтаасан байна.Тун удалгүй Испанид очиж тэдний эрх баригчидын эвээлд багтсан байна.Robert Steinbacher ба Otto Steinbauer зэрэг нууц нэр хэрэглэж байсан тэрээр дайны дараа сс ийн цэргийн гэмт хэрэгтнүүдийг латин америк руу гаргах нууц сүлжээг амжилттай ажиллуулж байлаа.Түүний туслалцаагаар 600 гаруй цэргийн гэмт хэрэгтэн латин америкийн орнуудаар тархсан аж.Түүний шууд оролцоотойгоор Испанийн дарангуйлагч Франко Аргентиний ерөнхийлөгч Хуан Перон нар хамтран ажиллаж байлаа.Ер нь дэлхийн 2 дайны сүүдэр тусаагүй цөөхөн хэдэн орон болох Чили Аргентин Парагвай Боливи зэрэг орнууд нацистуудын хоёр дахь эх орон нь болсон байна.Бидний багад Андын нуруунд гээд кино гарч байсан санагдаж байна.Тэгээд ч Чили Аргентин зэрэг орны томоохон баячуул засгийн газрын гишүүд нь одоо ихэнхдээ Герман гаралтай хүмүүс байдаг нь тэр үеийн 3 реихийн алт эрдэнэс тэнд шингэсэн гэсэн яриаг баталдаг аж.Энд Отто Скорценийн үйл ажиллагаа их тус болсон биз дээ.1970 онд хорт хавдараар өвчилсөн тэрээр хагалгаанд орсон болов ч дараа нь бүсэлхийнээс доош мэдээ алдаж маш хүндээр өвдсөн юм.6 сарын дараа арай гайгүй болсон ч удаан хугацаагаар хэвтэрт байж байгаад 1975 оны 7 сарын 5 нд Мадридад нас барсан байна.Харин тэрээр нас барах үедээ баян чинээлэг нэгэн болсон байсан гэнэ.1952 онд түүнийг тэр үеийн баруун германы эрхтэнүүд цагаатгасны дараа тэрээр ирландад 200 акр эзэмшдэг нэгэн болсон байлаа.Бас нэг мэдээгээр Маллоркад үл хөдлөх хөрөнгөтэй байсан аж.Түүний нэг зорилго бол 4 р реихийг бий болгох байсан гэдэг.

Отто Скорценийн тухай...

Фашист Германы тусгай даалгавар гүйцэтгэгч СС ийн оберштурмбанферюр( хурандаа)Отто Скорценийн тухай урьд нь их сонирхож байлаа.Тэр үеийн тухай тагнуул хорлон сүйтгэх ажиллагаатай холбоотой томоохон ажиллагаанд түүний нэр сонсогддог бас гол үүрэгтэй оролцож байсан нь одоо ч олны анхаарлыг татдаг юм байна лээ.Тэр бол үнэхээр мэргэжлийн тусгай үүрэг гүйцэтгэгч офицер байсан гэдэг нь маргашгүй үнэн юм.Түүний тухай домог дайны үед л цуурайтаж байлаа.Мэргэжлийн энэ ур чадварыг нь сүүлд зарим нэг улс үнэлж өөрсдийн оронд зөвлөхөөр ажиллуулж байсан байна.Та нар санаж байгаа бол Ален Делон нэг дүрд нь тоглодог Тегеран 44 гэдэг зөвлөлт францын хамтарсан нэг кинонд ч түүний тухай гардаг.Энэ кинонд том гурав буюу америк зөвлөлт английн удирдагч нарыг устгах ажиллагааг таслан зогсоож байгаа тухай үйл явдалтай.Надад бол их л сонирхолтой кино байсан санагдаж байна.Армен Жигирхянан бас тоглосон гэж байгаа.За тэр яахав.Отто Скорцени 1908 оны 6 сарын 12 нд Австрийн цэргийн гэр бүлд төрсөн бөгөөд төрөлх хэлнээсээ гадна франц англи хэлийг бага насандаа эзэмшсэн нэгэн байжээ.Веннийн их сургуульд суралцаж байхдаа туялзуур жадаар хичээллэдэг мөн хэд хэдэн удаа дуэл хийсэн баримт байдаг бөгөөд нэг удаагийн тийм тулалдаанаас өөрийг нь чимэглэх болсон сорвитой болсон юм байна.1931 онд австрийн нацист намд элссэн оржээ.Польшийг эзлэгдсэний дараа тэнд очиж иргэний салбарт инженер ээр ажиллаж байгаад бас удалгүй германы цэргийн нисэх хүч арын албанд ажиллах болов.Удалгүй нэг тохиолдлоор Гитлерийн хамгаалалтын хороонд алба хаах болжээ.Ингээд бас удалгүй өөрийн хүсэлтээр фронтод байлдахаар явж Голланд Франц бүр Балканы хойгт Югаславын босогчидтой тулалдаж байсан бөгөөд тэнд байхдаа тушаал ахиж хурандаа цолтой болсон байна.Удалгүй 1940 оны 2 сарын 21 онд Орос руу явж дайн эхлэхээс өмнөх зарим нэг ажиллагаанд оролцож байгаад дараа нь 1941 оны 10 сард Москвагын дэргэд тулалдаж байсан армийн бүрэлдэхүүнд орж тусгай даалгавар авсан байна.Энэ үүрэг нь Москваг эзлэхээс өмнө хотод нэвтэрч коммунист намын байр дотоодыг хамгаалах яамны байр төв холбоо зэрэг онц чухал газруудыг дэлбэлэх хүмүүсийг олзлох зэрэг байсан бөгөөд германы цэрэг тэнд цохигдсоноор энэ үүрэг биелэгдээгүй юм .1942 оны 12 сард тэрээр шархдаж Веннд буцаж ирсэн бөгөөд түүнийг гавьяа байгуулсаны учир төмөр загалмай одонгоор шагнасан байна.Венна байхдаа Гитлерийн санаачлагаар байгуулагдсан тусгай хүчнийг зохион байгуулж удирдах болсон гэнэ.Энэ бүлэг анхныхаа даалгавраар италийн дарангуйлагч Гитлерийн холбоотон Беннито Муссолинийг баривчилгаанаас суллах үүрэг авлаа.Бараг 2 сарын турш уйгагүй хөөцөлдөж муур хулгана болсоны эцэст түүний байгаа газрыг тодорхойлж Gran Sasso ууланд байдаг Campo Imperatore Hotel д байгаа Муссолинийг бараг ганц ч буу дуу гаргалгүй амжилттай суллаж эхлээд Ромд дараа нь Германд авч ирж чаджээ.Энэ үеэс эхлэн түүүний алдар цуу эхэлсэн гэдэг........
Ажил гараад дуусгаж чадсангүй маргааш үргэлжлүүлнээ

Украйны эх оронч

Би нэг удаа блогтоо зөвлөлтийн түрэмгийлэлийг эсэргүйцэж өөрийгөө шатаасан чех залуугын тухай оруулж байсныг зарим нь санаж байгаа биз дээ.Өөрийн үзэл бодлоо хамгийн хурцаар илэрхийлэх хамгийн сүүлчийн алхам бол коммунист дарангуйлалын үед өөрийгөө шатаах л байсан бололтой.Энэ тэмцлийг бас украйны үндэсний эрх чөлөөний тэмцэгч Oleksa Hirnyk гэдэг энэ залуу бас хэрэгжүүлсэн юм байна.Тэрээр зөвлөлт үзэл суртлын далбаан дор түүний эх орны соёл хэл заншил газар нутаг уусаж алга болж байгааг эсэргүйцэж мянга мянган ухуулах хуудас тарааж хэвлүүлж байсан нь тухайн үедээ санаанд багтамгүй эр зориг байлаа.Тэр үзэл бодлоо цагдаа шүүх эрх баригчидаас нууж байгаагүй юм. Түүний ухуулах хуудсанд PROTEST AGAINST RUSSIAN OCCUPATION OF UKRAINE

PROTEST AGAINST RUSSIFICATION OF UKRAINIAN PEOPLE

LONG LIVE THE INDEPENDENT UNITED UKRAINIAN STATE!

EVEN IF IT REMAINS SOVIET IT MUST NOT BE RUSSIANIZED!

UKRAINE FOR UKRAINIANS!

гэсэн мөрнүүд байсан гэнэ.Oleksa Hirnyk 1912 оны 3 сарын 28 нд Калуша хэмээх хотын ойролцоо орших Бохородчиваны гэдэг сууринд төрсөн бөгөөд түүний гэр бүлийнхэн бүгд эх орон хэл ёс заншилаа дээдэлдэг байсан байна.Өөрийнхөө үзэл бодлоо илэрхийлсэнийхээ төлөө Зөвлөлтийн хуулиар шийтгэгдэж 3 жил алс дорнодод шоронд хоригдсон Oleksa Hirnyk үзэл бодлоосоо няцаагүй аж.Суллагдсаныхаа дараа ч тэмцэлээ үргэлжлүүлж Киев болон бусад хотуудаар явж суртал ухуулга явуулж байж.Эцэст нь түүнд өөрийгөө шатааж үзэл бодлоо илэрхийлэхээс өөр зам үлдээгүй бололтой.Украйны алдарт тэмцэгч Тарас Шевчинкогийн төрсөн хоттой ойролцоо байдаг түүний булшнаас холгүй орших Chernecha Hill гэдэг газар өөрийгөө шатаасан байна.Түүнийг 2007 онд украйны ерөнхийлөгчийн зарлигаар улс эх орныхоо тусгаар тогтнолын төлөө иргэний зориг гаргасны учир украйны баатар цолоор нэхэн шагнасан юм байна.Харин энд нэг юм хэлэхэд манайхаас бусад (дундад азийн зөвлөлтийн бүрэлдхүүнд байсан орнуудыг мэдэхгүй байна) зөвлөлтийн эрхшээлд байсан орнууд оросуудад их дургуй гэдгийг манайхан сайн мэддэг.Харин бидний хувьд орос ах нар тусгаар тогтнолын баталгаа болж байсан болохоор арай өөр асуудал яригддаг нь азтай юм даа

Нэгэн зургийн түүх

Энэ зургыг дэлхийн 2 р дайны үеийн баримтууд дунд зөндөө харж байсан юм.Харин зургын түүхийн талаар мэддэггүй байж байгаад сая нэг баримт олсоноо блогтоо оруулахаар шийдэв.Японы цэрэгт цаазлуулж байгаа энэ хүн бол австралын радио холбоочин түрүүч Leonard George Siffleet гэдэг хүн юм байна.Тэрээр хоёр нөхрийн хамт японы цэрэгт эзлэгдсэн шинэ гвинеи нутаг дэвсгэрт тагнуулын ажил гүйцэтгэж яваад нутгийн урвагчдын балгаар баривчлагдаж эцэст нь цаазлуулсан нь энэ зурагт үлдсэн юм байна.Уг зургыг 1944 онд голландад алагдсан япон офицерийн биенээс олсон нь сүүлд хэвлэл мэдээлэлд гарсан гэнэ.Харин цаазын ялыг гүйцэтгэж байгаа япон офицерийг Chikao Yasuno гэдэг юм байна.Хэдийгээр дайн болж байсан ч гэлээ энэ харгис үйл явдал олон нийтийн дургүйцлыг хүргэсэн бөгөөд дайн дууссаны дараа Chikao Yasuno г баривчилж эхлээд дүүжилж алах ял оноосон боловч сүүлд нь 10 жил хорих шийтгэлээр сольсон гэнэ.Цэргийн олзлогдогсодтой хэрхэн харьцах талаар олон улсын гэрээ хэлэлцээр байдаг боловч одоо ч гэсэн хүнлэг бус үйл явдал зөндөө л болдог юм байна лээ.Би нэг удаа Иракт америкийн иргэнийг терроррестууд цаазалж байгаа бүрэн бичлэг үзчихээд хэдэн өдөр дотор эвгүй явсан шүү.Үнэхээр аймаар юм байна лээ.Дахиж л тийм юм үзмээргүй санагдсан шүү.

Klaus Fuchs ба атомын бөмбөгийн нууц

Урьд нь Зөвлөлтийн тагнуулын байгууллага тэдний домог болсон агентуудын талаар сонирхож уншдаг байлаа. Харин Klaus Fuchs гэх энэ хүний талаар сонсож уншаагүй байсан юм.Харин сая нет хэсэж байгаад түүний тухай энэ мэдээллийг оллоо.Тэрээр 1945 оноос 1947 оны хооронд Зөвлөлтийн тагнуулын байгууллагад Америкийн атомын бөмбөгийн дараа нь устөрөгчийн бөмбөгийн талаар дээд зэрэглэлийн мэдээллүүд дамжуулж байжээ.Klaus Fuchs 1933 онд Гитлерийн Германаас зугтан гарч Англид очин физикийн ухааны докторын зэрэг хамгаалжээ.Энэ үеэс Эдинбүргийн их сургуульд профессороор ажиллаж байв.Чадалтай эрдэмтэн байсан тул анх Англид судлаж төлөвлөж байсан атомын бөмбөг бүтээх багт ажиллах урилга авч ажилласан гэнэ.Удалгүй английн хэсэг эрдэмтэдийн хамт Лос Аламост байгуулсан цөмийн зэвсэг бүтээх Манхаттен төсөл дээр ажиллах болжээ.Энд байхдаа плутоний бөмбөг бүтээх туршилтанд түлхүү оролцож байжээ.Харин түүний зөвлөлтөд мэдээлэл дамжуулах болсон нь түүний үзэл бодолтой шууд холбоотой юм.Тэрээр Германд байхдаа коммунист үзэл бодлыг талархагч байсан ажээ.Тэр сэтгэл зүрхээрээ Германы нацизмыг жигшэн үздэг байжээ.Гол нь түүний баримталж байсан бас болгоомжилж байсан үзэл бодол бол дэлхий дээр зөвхөн нэг улс тухайлбал америк ганцаараа ийм хүчирхэг зэвсэгтэй болж байгаад санаа нь зовдог байсан байна.Зөвхөн энэ шалтгаанаас болж цөмийн зэвсэгийн нууцыг дамжуулж байсан ч байж магадгүй юм.Мэдээж Хирошима Нагасаки дээр бөмбөг хаясан америкийн шийдвэр түүнд нөлөөлсөн биз.!948 он гарахад Америкийн тагнуулын алба түүний цөмийн зэвсэгийн нууц ямар нэг хэмжээгээр алдагдаад байгааг гадарлаж мөрдөн шалгаж эхэлжээ.Удалгүй түүнийг англид буцаж ирэх үеэр английн тагнуулын алба түүнийг мөрдөж байгаад зөвлөлтийн тагнуулын албатай харьцаж байсан нууц кодыг тайлж уншсанаар түүнийг баривчилсан байна.1959 он хүртэл шоронд хоригдсон тэрээр суллагдаж зүүн герман луу явсан бөгөөд 1988 онд нас бартлаа тэнд амьдарчээ. Түүхчид түүний явуулсан үйл ажиллагааг хоёр талтай авч үздэг бөгөөд харин тэрээр өөрийнхөө талаар сонин хэвлэлд ярих дургүй нэгэн байж ээ.Харин ховор өгдөг байсан ярилцлагандаа тэрээр ...нэг их чухал мэдээлэл байгаагүй.Одоо миний бодож байгаагаар зөвлөлт холбоот улс надтай надгүй тэрийг хийж чадах л байсан гэж ..дурссан байдаг.Миний бодоход тухайн үеийн түүн шиг тагнуулын ажиллагаанд оролцож байгсад жинхэнэ сэтгэл зүрхээрээ тийм ажил хийж байсан болов уу гэж боддог.Түүх улиран одох тусмаа үнэ цэнэ ордог билээ.

Сталинка,Хрушевинка...

Энэ зургийг хараад нэг юм бодогдож байгаа биз дээ.Улаанбаатар хотын барилга байгууламжийн дизайн шинэ үеийн түүхээр үзвэл 3 үед хуваагдах юм шиг санагддаг юм.Энэ зурагт байгаа Сталины үеийн загвар Хрушевийн үеийнх ,тэгээд одоо бидний байгаа энэ үеийнх гэж.Сталинка гээд байгаа энэ загварын барилгууд бол манай 40,50 мянгатууд гэдэг ойлгомжтой.Харин миний хувьд энэ загвар илүү дизайнлаг бас өрөө тасалгаа багтаамж сайтай байсан санагддаг.Тааз өндөр нийтийн хэрэглээний зай ихтэй санагдаад байдаг юм.Харин тухайн үеийн стандарт гэхүү мод их ашигласан байдаг нь одоо хуучирч муудахад нь илүү их нөлөөлөөд байдаг юм.Уг нь чанар сайтай байсан бол засаж янзлаад сэргээхэд ч бас муугүй л санагдах юм Хүн хүний бодол өөр болохоор заримд ч дэмий санагдах байх л даа.Харин Хрушевийн үеийн загвар гээд байгаа энэ барилгууд 1970 аад оны сүүлээс монголд идэвхтэй баригдах болсон л доо.Загвар стилийн хувьд дээрдэх юм байхгүй социализмын нэг загварын саарал байшингууд гэдэг алдар цол энэ үеэс л гарсан байх.Зүгээр орон сууцжуулах их төлөвлөгөөнд илүү тохирч байсан утгаараа улаанбаатарчуудад ээлээ өгсөн л барилга байгаа юм.Харин одоогийн барилгуудын хувьд бас нэг сайхан гэж хэлмээргүй л байна .Ядуу хөрөнгөндөө тааруулж хийсэн энэ барилгууд соц нийгмийн үеийн энэ барилгуудаа гүйцэх нас өнгө үзэмж харин байгаа юм уу даа мэдэхгүй л байна.Хот төлөвлөлт барилга архитектурынхан хийх ажлаа зохистой хийдэг байсан бол нийслэлээ өнгөтэй байж болгомоор л байлаа.Одоо ч өнгөрсөн байхаа

Сансараас харагддаг байгууламжууд

Нийтэд түгсэн нэг алдаа байдаг юм байна.Тэр юу гэвэл сансараас хятадын цагаан хэрэм харагддаг гэсэн яриа юм.Харин бодит байдал дээр энэ худлаа аж. Учир нь цагаан хэрэм тийм хол зайнаас олж харахад бэрх тийм нарийхан учир харагддаггүй гэнэ.Харин дэлхий дээр хүний гараар боссон хоёрхон байгууламж л сансараас жирийн хараагаар харaгддаг бөгөөд тэр нь Египетийн пирамид ба Хоовер Дамм юм байна.(Hoover Dam)

Эдгар Аллан По гийн зарим баримт

Эдгар Аллан По бол америкийн алдартай зохиолч гэдгийг хүмүүс мэдэх байхаа.Түүний зохиолуудаас анх манай их зохиолч Д.Нацагдорж орчуулж байсныг санаж байна.Гэхдээ андуурч байж ч болно шүү.Харин энэ зохиолч бас л яруу найрагчдын өвчинөөр өвчилж архи дарс элдэв юмнаас хол явж үзээгүй бололтой.Виржиниагын Их сургуульд элсэн ороод сургуулийн тэтгэлгийн мөнгөөр мөрийтэй тоглож дуусгасан дээр нь нэмээд архи их уудаг байсан баримт их байдаг юм байна.Сургууль дээрээ бүр шалгалтын үеэр ч согтуу байдаг байсан нь хэвийн үзэгдэл байсан бололтой.Ер нь л стандарт нэгэн биш байсан бололтой.Иймэрхүү баримтуудаас болж түүний суралцах кареар дуусан гэнэ.Тэгээд ч түүн шиг хүмүүст сургууль хэрэгтэй ч байгаагүй байхаа даа.

Их эрдэмтний алдартай зураг

Алдарт эрдэмтэн Алберт Эйнштеиний энэ зураг маш алдартай билээ.Харин энэ зургыг хэн хэзээ авсан тухай мэддэггүй байсан юм.Уг зургийг 1972 онд өөрийнхөө төрсөн өдрөөр зурагчин Arthur Sasse. гэдгээр авахуулсан юм байна.Их эрдэмтэн маань энэ зургандаа их дуртай байсан бөгөөд гарсан даруйд нь найзууддаа илгээж байсан гэнэ.Бас нэг баримт байдаг нь байгуулагдаад удаагүй байсан Изриаль улс түүнийг 1952 онд ерөнхийлөгчөөр сонгохоор урьж байжээ.Түүнийг евреи үндэстэн гэдгийг хүн болгон мэдэх байлгүй дээ.

Bata компанийн тухай ...

Манайхан одоо гадагшаа явдаг болсон болохоор ихэнх нь BATA гутлын дэлгүүрийн талаар сайн мэдэх байлгүй дээ.Дэлхийн ихэнх оронд сүлжээтэй энэ компанийг тухайн орны зарим иргэд нь өөрсдийн компани гэж эндүүртэл удаан хугацаанд эх оронд нь үйл ажиллагаа явуулсан байдаг.Харин монголд байдаггүй шиг санагдаад байна.Гэхдээ байдаг ч юмуу би сайн мэдэхгүй байна.Яагаад энэ компанийн талаар бичих болсон нь түүний дэлхийн анхны үндэстэн дамнасан компани болохоор сонирхсон юм.Уг компанийн жинхэнэ эх орон нь Чех юм байна.Bata компанийг үндэслэгч Thomas Bata 1914 оны 9 сарын 17 Чехийн Прага хотод төрсөн бөгөөд уг компанийг өөрийн авга ах Jan Antonin аас өвлөж авч байсан гэнэ.Харин компани анх Чехсловакийн Злин хотод 1894 байгуулагдсан юм байна.Түүнийг компаниа анх удирдаж эхэлж байхад нилээн бэрхшээл тохиолдож байжээ.Дэлхийн 1 р дайн эхэлж компанийн борлуулалт муудсанаар анхны бэрхшээл эхэллээ.Удалгүй дайн дууссан ч хямрал үргэлжилж байсан учир Томас Бата анх удаа урьд үзэгдэж байгаагүй хямд гутлын үнийг хэрэглэгчдэд санал болгосноор бүтээгдэхүүний борлуулалтыг эрс нэмэгдүүлж чанартай ч гэсэн хямд байж болох маркетингийг нэвтрүүллээ.1930 гарахад Бата өөрийнхөө үйлдвэрлэл худалдааг хилийн чанад эрхлэх шийдвэр гаргаж анхны жижиг дэлгүүрээ энэтхэгийн Калкутта хотын ойролцоо Коннагар гэдэг газар нээлээ.Энэ үйл ажиллагаа амжилттай болж одоо энэ хот тус компанийн дэлгүүрийн нэрээр Батанагар гэж нэрлэтлээ алдаршсан байна.Энэ амжилтантандаа урамшсан Бата нийт энэтхэг даяар сүлжээ дэлгүүрүүдээ нээж эхэлсэн юм.1939 онд Бата Канадад үйлдвэрээ байгуулж цаашдаа Европи Африкт үйл ажиллгаагаа өргөжүүлсэн байна.Түүний гутлын дэлгүүр нэр хүнд дэлхий даяар алдаршиж эхэллээ.Удалгүй бас нэг бэрхшээл үүссэн нь нацистууд түүний эх орныг эзэлсэнээр 1939 онд компанийн төв байр Канад руу нүүсэн байна.Харин дайн дуусаны дараа буцаж ирсэн болов ч бас коммунийстууд нийгэмчлэл явуулж эд хөрөнгийг нь авсан учир буцаж нүүсэн байна.Хамгийн сүүлд 1989 онд арчилсан шинэ Чехсловак бий болсоны дараа л эх орондоо ирэх боломж олдсон гэнэ.Бата өөрийнхөө үйл ажиллагааны гол цөм болсон ажилтан ажилчиддаа маш их анхаарал тавьдаг байсны жишээ нь үйлдвэрийнхээ ойролцоо ямагт ажилчдын хороолол байгуулж орон сууц нийгмийн асуудлыг нь шийдэж байсан нь юм.Канадын Онтариа хотод Батава нэртэй хороолол байгуулсан нь нэг жишээ гэхэд болно.100 гаруй жилийн өмнө байгуулагдаж байсан Бата компани одоо 14 тэрбүм хос гутал зарсан тооцоо байдаг юм байна.Батагийн алдартай брэндүүд дотор Marie Claire,Dr Scholls ба Huch Puppies зэрэг багтдаг юм байна.Одоо компанийн төв байр Швеицарийн луйзанна байрлаж Батагийн хүү Томас Жеорж Бата тэргүүнээр нь ажилладаг юм байна.

Оутсоринг

Манайд оутсорингын талаар идэвхтэй ажиллах санаачлага эхлэлүүд тавигдаж байгааг харж их баярлаж байгаа билээ.Тиймээс энэ чиглэлийн үйл ажиллагааг нилээд сонирхож юм харсан юм.Энэтхэг энэ талаар нилээн хол явсан нь хэнд ч ойлгомжтой болохоор эдний жишээнүүд илүү сонирхолтой бас үлгэр жишээ авмаар юм нууд байна.Анхны оутсорингийн үйл ажиллагаа явуулж байсан компаниуд одоо илүү туршлагатай бас цар хүрээ нь өргөжөж байгаа нь тэдний хувьцааг томоохон хөрөнгө оруулалтын компаниуд сонирхож хэдэн сая долларын хэлцэл гэрээнүүд хийгдэж байгаагаас илт байна л даа.Зарим нэг жишээ дурдвал Мумбайд байрладаг Firstsource Soution ий 20% ийг Metavante Corproration эзэмших болсон харин түүнийг нь Goldman Sach сонирхож тэднийхтэй хэлцэл хийж байгаа тухай сонинд гарсан байсан.Санхүүгийн аваргуудын нэг Сити групп энэ салбарт хөрөнгө оруулах зорилгоор оутсорингийн компаниудыг судалж эхэллээ.Nasscom ийн дээгүүр үнэлгээнд явдаг Genpact ба WNSGlobal Service-ийн хувьцааны хяналтийн багцыг General Atlantic and Oak Investment эзэмших болсон гээд энэ үргэлжлэх шинжтэй.Гол нь жижиг хувьцаа эзэмшигчид голдуу байдаг эдгээр компаниуд асар их ирээдүй байгааг том санхүүгийн байгууллагууд олж харж хөрөнгө оруулах болсон нь эдгээр компаниуд энэ салбарыг маш хурдацтай хөгжүүлэх болсон шалтгаан юм.2006 оноос энэ салбарт хөрөнгө оруулалтын 47 гэрээ хийгдэж нийт үнийн дүн нь 2,03 тэр бум доллараар үнэлэгдэж байсан гэнэ.Харин одоо улам өргөжиж 2008 оны эхний хагаст л гэхэд л 62 гэрээ хийгдэж 646 сая доллар зарцуулагдсан байна.Бас нэг мэдээ нь эдний Sequota Capital India ийн 9% ийг Sun Group 40 сая доллараар худалдаж авсан тухай юм.Тэгээд гол нь юу хэлэх гээд байна гэвэл манай оутсорингын чиглэлээр үйл ажиллагаа явуулж байгаа компаниуд удахгүй бас ийм болоосой бас дотоод зах зээлээсээ хөрөнгө босгох анхны алхамуудаа хийгээсэй гэсэн дээ юм.Манайд Женко Тур Бюро ийн бэлэн туршлага байна ш дээ.Нэгэнт үйл ажиллагаа нь жигдэрсэн тохиолдолд хүн хүчний бололцоо л байвал энэ зах зээлд асар том боломж байгаа гэдгийг хүмүүс ойлгодог болсон байна лээ.Одоо бол засаг төр ч бодлогоор дэмжээд эхний хөрөнгө оруулалтийг хийвэл сургалт сурталчилгаа гээд хийх ажил их л байгаа .даа

Бүх ээжүүддээ....

Зураач Амгалангийн байхаа Ээжээ гээд хар цагаанаар зурсан зураг биднийг бага байхад их алдартай байлаа.зарим нь санаж байгаа байх хотын нэг байшингийн нэг ханыг тэр зургаар чимэглэсэн байсныг.Өглөө эрт хүүгээ унтаж байхад усанд явсан ээж нь ирж байх үед хүү нь тосоод гүйж байгаа сэдэвтэй байдаг.Энэ зургийг адилхан болохоор нь блогтоо орууллаа.Орчлонгийн бүх ээжүүд хамгийн сайхан бүсгүйчүүл шүү

Камиказе,Перл Харбор бас ирээдүйн тухай ...

Надад нэг бодол байдаг юм юу вэ гэвэл хүн төрөлхтөн хувьслын нэг түүхэн мөчлөгөө дэлхийн 2 р дайны төгсгөлөөр хийсэн байх гэж.Оюун ухаантай болсон цагаасаа эхлэн хүний түүхийг зөвхөн эд баялаг түүнийг дагасан эрх мэдэл л жолоодож ирлээ.Энэ хүсэл мөрөөдөл философи хэдэн зуун жил болохдоо эцэст нь хүнийг машин шиг ажиллагаатай болохыг зорьсон бөгөөд оюун ухаантай хүн тэр үедээ хийж чадаагүй байсан машинаа хүнээр орлуулах болсон нь энэ дайны үеэр япончуудын одоо ч бахархаж байдаг камикази буюу амиа золиослогчдын бүхэл бүтэн армийг бий болгосон юм.Эд нарын тухай сонсоогүй уншаагүй хүн үгүй болохоор дэлгэрүүлж ярих шаардлаггүй байх.Зүгээр л эх орныхоо төлөө , эзэн хааныхаа төлөө итгэл үнэмшил эдгээр хөвгүүд охидыг амиа золиослох бахархалыг төрүүлж бас зоригжуулж байжээ.Япончуудыг дэлхийд ноёрхсон тэргүүлэх технологи уйгагагүй хөдөлмөрч чанарыг зөвхөн энэ итгэл үнэмшлээс олж мэдэрч болно.Одоо тэд харин машиныг хүн болгох ээлжит гайхамшигаа хийж байна.Бид хэдэн арван жилийн өмнө хүн машин шиг тушаал биелүүлж байгааг гайхаж байсан бол машин хүн шиг болж ориг хүн маань өөрсдөө хэн байсан хэн болсоноо гайхах тийм л цаг үеийг үзэх цаг хугацаа тулж ирлээ .Юу бодож байна даа.
(Камиказе нар сүүлчийнхээ нислэгт явахын өмнөх бас Перл Харборыг бөмбөгдөж байх үеийн зургууд.)

Эр зоригийг үнэлэхүй..

Чингис хаан дайснаа ч нөхрөө ч үнэлж чаддаг байсан нь одоо ч түүнийг алдаршуулж байдаг.Тухайлбал анд нөхөр Жамухаа өршөөж байгаа, өөрийг нь алахаар харваж байснаа зоригтой өчиж байсан Зэв, бас Тоорил хааны тухай хэлсэн үг цаашилбал түүний их цэргийг нэг биш удаа тогтоож өөрөө ч ухаантай зоригтойгоо харуулж чадсан Сартуулын Мухамед шахын хүү Желал Ад Дин зэргийг нэрлэж болно. Үүн дотроос мулгуу шахын угсаа залгамжлагч тухайн үеийнхээ ордны хуйвалдаанаар хаан ширээ өвлөх эрхээ алдаж байсан түүний зөвөлгөө ухаалаг цэргийн бодлогыг Хорезмын хаант улс хэрэгжүүлсэн бол түүх ямар байхыг хэнч мэдэхгүй биз дээ.Ордны хуйвалдаан эв нэгдэлгүйгээсээ болж нэгдсэн цэргийн хүчнийг монголчуудын эсрэг хөдөлгөөгүйгээс Сартуулын хот тосгодууд хэдий их эсэргүйцэж байсан болов ч тэсэж чадах боломж байсангүй.Тухайн үедээ бас томоохон газар нутагтай (хуучнаар ЗХУ гэж байх үеийн Дундад Азийн улсууд болох Туркменистан Азербайжан Узбекстан зэрэг нилээд хэдэн орны нутаг дэвсгэр хамаарч байсан) лалын хөгжиж цэцэглэж байсан хаант улс Чингис хааны гадагшаа хийсэн дайнуудын хамгийн хүндэд тооцогдож байсан санагддаг юм.Эсэргүйцэж боссон болгоныг ямар гай гамшиг хүлээж байгааг анх энд л мэдрүүлж бас бууж өгч дагасан нь хаант улсын нөмөр нөөлөг болгоныг хүртэж болохыг аугаа их хаан дэлхийн дайдад сонсгож бүхнийг чичрүүлж байлаа.Харин энэ дайнд Чингис хааны хэдий дайсан нь болов ч хүндлэлийг хүлээсэн хүн бол Желал ад дин байсан аж.Желал ад дин улс орноо удирдах чадваргүй болсон эцгээсээ хаан ширээгий нь авсан цагаасаа эхлэн монголын цэрэгт хүчтэй эсэргүйцэл үзүүлж байсан болов ч хамгийн сүүлд 1221 онд Инд мөрний эрэгт болсон тулалдаанд бүрэн ялагдаж дахин сэхээгүй бөгөөд сүүлд Чингис хааныг нас барснаас хойш 1231 онд нас барсан гэдэг.Ер нь дайн байлдаан хэдий харгис хэрцгий өрөвдөх хайрлах гэдгийг үгүйсгдэг болов ч бас өөрийн хуультай бөгөөд эр зориг цэрэг эрийн хатуужилийг үе үеийн жанжид үнэлж дайснаа ч хүндэтгэж ирсэн сайхан жишээ олон байдаг.Аугаа их орны дайны эхний үе буюу Буг голын эрэг дээр байдаг Брестын цайзыг хамгаалж байсан зөвлөлтийн цэргүүд(энэ хил дээр зөвхөн явган цэргийн корпус,хилийн хороо застав зэрэг л байсан)Германы аймшигтай ширүүн довтолгооныг санаанд оромгүй байдлаар эсэргүйцэж бүр нутгын гүн рүү фронт шилжсэн байхад хүртэл германы цэрэгт хохирол учруулж байсан тухай баримт байдаг.Би одоо нэрийг нь мартчихаж (Бүртгэлгүй хүн) ч билүү нэг тийм зохиол манайд хэвлэгдэж байсан Тэр номонд Брестийн цайзыг хамгаалж байсан нэр нь үл мэдэгдэх залуу офицерын тухай гардаг юм.Тэрээр ганцаараа олон сар тулалдаж олон германчуудыг устгасаныхаа дараа аргагүйн эрхэнд олзлогддог бөгөөд түүнийг олзлогдож байх үед Германы цэргийн генерал эр цэргийн ёсоор хүндэтгэл үзүүлж байсан тухай бодит баримт байдаг юм байна лээ.Дайснаа үзэн ядаж бас үнэлж чаддаг хүмүүс амьдрал дээр алдаа бага гаргадаг биз дээ(Дээрх зурагт Желал ад дины Монголын цэрэгтэй тулалдаж байгааг дүрсэлсэн байна)

Хар дарсан жилүүд ..

Саяхан монголд хэлмэгдсэдийн өдрийг тэмдэглэж өнгөрүүллээ.Энэ өдрийг хэлмэгдэж зовж гадуурхагдаж явсан хүмүүс түүний үр ач ах дүү нараас нь илүү ойлгож тэмдэглэж байгаа нь үгүй юм шиг санагдаад байдаг юм.Манайхан ярьдагдаа хүний зовлонг тэрийг туулсан хүнээс нь илүү ойлгох хүн байхгүй гэж.Тийм ч учраас илүү амьдралд хайртай бас ухаалаг байсан нь тэдний үр хүүхдүүд нь ихэвчлэн тэр зовлон доромжлолыг давж туулаад бусдаасаа илүү эрдэм боловсролтой чадалтай хүмүүс болсон нь анзаарагдаад байдаг юм.Бас нөгөө талаасаа хамгийн угсаа гарал сайтай тухайн үеийнхээ эрдэм боловсролтой гэснийгээ хэлмэгдүүлж байсан болохоор тэдний гени бас байдаг байх л даа.Энд би монгол телевизээр үзэж байсан нэг кино (Восток-Запад (1999) ...Олег Меньшиков, Сергей Бодров-мл., Катрин Денев (Catherine Deneuve) нарын тоглосон) ны үйл явдалтай холбогдуулж нэг түүх бичмээр санагдлаа.Энэ киног үзээгүй хүн монголд бараг байхгүй байлгүй дээ.Ер нь оросууд кино хийх талаараа хуучин ч мундаг байсан одоо ч тасраад байна ш дээ.Олег Меньшиков гэхэд л Оростоо хамгийн үнэтэй жүжигчин гэж сонсож байсан юм байна.Киног бүгд үзсэн болохоор олон юм яриад яахав гол нь коммунистууд яаж хүний итгэл сэтгэлээр тоглож гадаадад цагаачилж байсан иргэдээ хууран авчирч хэлмэгдүүлж байсан мөн орост тухайн үедээ амьдарч байсан гаднын иргэдийг эрхийг улан доороо гишгэчин байсаны жишээ олон байдаг юм байна лээ.Манай нууц товчоо дээр байдаг шиг хөрст дэлхий хөрвөж хөнжилдөө ч орох завгүй байсан тэр үеийн улс төрийн хямрал олон мянган гадаадын иргэдийг орос оронд хувь тавилангий нь төөрүүлж орхисон байх юм.Тэр үед болж байсан эдийн засгийн хямрал өлсгөлөн ядуурал арьсны үзэл нь баруунд байсан олон хүмүүсийг Зөвлөлт Орос улсыг аврагчаа гэж бодоход хүргэж бас олон зуун мянган хүмүүс итгэл үнэмшлийнхөө төлөө Орост ирж коммунизм байгуулах үйлст зүтгэж байлаа.Тэдний дийлэнх нь жирийн ажилчин уран бүтээлч багш инженерүүд байсан юм.Тэдний зарим нь Орос оронд төрж өсөөд хувьсгалын үймээнээр дүрвэсэн сэхээтнүүд буюу орос гаралтай цагаачид нөгөө хэсэг нь барууны орнууд Америкт амьдарч байсан гадаадыхан байсан гэнэ.Эд бүгд коммунизмын хоосон суртал ухуулга худал хуурмаг ёс суртахуунд итгэснийхээ горыг амссан юм.Сталинч дэглэм хэзээ ч ийм хүмүүст итгэдэггүй байсан нь бараг бүгдийг нь зөвхөн ингэж ирсэнийх нь төлөө алж хядаж хорих лагер гулагуудад илгээснээр нотлогдсон гэдэг.Эдгээр хүмүүс учир утгагүй хардалт үл ойлгогдох баривчилгаа айдас хүйдэснээс болж өөрсдийн орны элчин сайдын яам бусад консулын газруудад хандсаныхаа төлөө л шууд гулагт ачигдаж тамлан байцаагдаж байсан байна.Эдгээр хүмүүсийн нэг нь америкийн иргэн байсан хар арьст Lovett Fort-Whiteman юм.Тэрээр нутагтаа коммунист намд элсэж Америкийн хөдөлмөрийн конгресс гэдэг байгууллагад ажиллаж байж.1920 онд Зөвлөлт засгийн урилгаар анх орос оронд ирж байжээ.Тэгээд коментернд ажиллаж сүүлд коммунист намын зөвлөх хийж 1937 он хүртэл ажиллаад ор сураггүй алга болсон аж.Харин сүүлд олдсон баримтаар бол Казахстаны Семипалитинск хотын ойролцоо байдаг гулагт хоригдож байгаад дарамт доромжлолыг дийлэлгүй 1939 оны 11 сард нас барсан гэнэ.Тэрээр 44 настай байсан юм.Бас нэг хохирогч Alexander Gelver тэрээр америкийн элчин сайдын яамны өмнө баривчлагджээ.Тэр ойр тойрных нь учир битүүлэг алга болж баривчлагдаж байгааг хараад маш их айж тусламж хүсэх зорилгоор явж байсан гэнэ.Уг нь үйлдвэрт ажилладаг ажилдаа дуртай л нэгэн байж.Тэрээр 24 настай байсан бөгөөд бас алга болсон.Бас нэг хэлмэгдэгч бол итали гаралтай Thomas Sgovio.Тэр харин цөөхөн амьд үлдсэн гадаадын хэлмэгдсэдийн нэг юм.Тэр эцгийгээ дагаж орост ирэх үед 12 настай байж.Эхний хэдэн жил сайхан л байж харин удалгүй байдал бишидсэн гэнэ. Аав Joseph нь 1937 онд баривчлагдаж хөдөлмөрийн лагерт 11 жил хоригдох ял авсанаар түүний зовлон эхэлсэн байна.Гадны иргэд гэнэт алга болох баривчлагдах болсон учир айж сандарсан тэрээр Америк буцах зорилгоор Америкийн элчин сайдын яаманд хэд хэд очсон гэнэ.Ингээд ээлжит оролдлого болох 1938 оны 3 сарын 21 нд тэр элчингийн үүдэн дээрээс баривчлагдсан байна.Түүнийг өөр 12 гадаадын цагаачдын хамт таваарын вагоноор гулагруу явуулсан бөгөөд тэдний 10 нь арктикийн уурхайд нас барсан гэдэг.Түүний аав нь дайны дуусаад 1948 онд суллагдсаныхаа дараахан нас баржээ.Харин тэрээр 16 жилийн хүнд хүчир зовлонгын дараа суллагдаж 1960 онд Америк руу буцах мөрөөдлөө биелүүлсэн аж.Thomas Sgovio 1997 онд Аризоно мужид 81 настайдаа нас барсан гэнэ.Тэрээр нэртэй зураач болсон бөгөөд гулагын амьдралыг харуулсан уран бүтээл нь их алдартай юм байна лээ..Ингээд энэ хүмүүсийн хувь тавиланг уншаад сууж байхдаа тэр үедээ ямар их итгэл найдвар гашуун дурсамж тэд нарт байсан болоо гэж Восток-Запад киноны үйл явдлаар төсөөлөн бодож сууна.Дахиад нэг тэр киног олж үзнэ дээ.Thomas Sgovio ийн хорих лагерт байх үеийн зураг бас түүний зурсан зургыг орууллаа

Сайхан зураг нэг байна.

Энэ зураг монгол хүмүүст их дотно санагдаж байгаа биз дээ.Цагаан сар болохоос өмнө бууз чимхэх гээд нэг том ажил гэр бүлийн хүрээнд өрнөж бас зүгээргүй сайхан дурсамж жил болгон л үлдээдэг болохоор сайхан санагддаг юм.Орос айлууд ялангуяа тосгон сууринд байдагууд нь хоол хүнсээ их бэлдэж даршилж хадгалах дуртай байдаг ш дээ.За тэгээд оросуудын банш цөцгий өргөст хэмх борш гээд л нүнжигтэй хоолнууд бодогдоод аппетит хөдөлгөөд хаячихлаа.Ер нь бас их дайлах уулгах дуртай ард түмэн шүү тэ хэ хэ

Эрчүүдээ гэж...

Хоорондоо хагас зууны зөрөөтэй үйл явдал.Манай поп дуу байдаг нэрийг нь мартчихчжээ хэ хэ.Сайхны өмнө харц буруугүй ч билүү.За ямар ч байсан ийм явдал байсан бас байж байгаа бас байсаар ч байх болноо гэж

Намрын ажил.

Манай улс атрын аян өрнүүлээд нөгөө соц байх үеийнхээ тариа буудай төмсийг энэ жил авч магадгүй гээд байгаа биз дээ.Маш сайхан хөдөлгөөн ядаж иддэг гурил ногоогоороо урдаасаа хараат биш байвал хөөрхий монголчуудад маань аштай юу даа.Баяр сайдыг энийг эхлүүлсэнийг нь бодоод элдэв юм яриад муулаад баймааргүй санагдаад байгаа ш дээ хэ хэ.Бас зөвхөн монголд арвин ургац аваад байгаа юм биш юм байна лээ шүү.Манай хойд хөрш энэ жил түрүү түрүү жилийнхээсээ илүү ургац аваад оюутан сурагч цэрэг цуухаа дайчлаад байгаа юм биш үү.Оюутан сурагч гэснээс намрын ажил гэж хамт олныг илүү ойр дотно болгодог адал явдал инээд наргиантай нэг чухал үйл явдал энэ байж билээ.Одоо ч гэсэн хэн хэндээ хэрэгтэй энэ ажлыг дарга цэрэг бодож байгаа гэж найдаж байна.

Александр Солженицыний хорих лагерт байх үеийн зураг

Оросын алдарт зохиолч нэрт тэрслүү үзэлтэн Александр Солженицыний гулаг буюу Зөвлөлтийн бөөнөөр хорих лагерт хоригдож байх үеийн зураг.Саяхан түүнийг нас барахад Орос орон гүн хүндэтгэлтэйгээр үдсэн нь түүний эх орондоо ямар их нэр гавьяа байгуулсаны гэрч юм.Зөвлөлтийн гулагын аймшиг коммунизмын бурангүй худал хуурмагыг түүний бичсэн зохиолууд л дэлхий нийтэд анх таниулсан юм.Тэр хэдийгээр Зөвлөлт нийгмийн байгуулал коммунист үзэл сурталыг яллаж байсан болов ч бас аугаа орос орны үндэстэний үзэлтэн байсан нь түүнийг эх оронд нь тийм нэр хүндтэй болгосон гэж боддог.Яагаад гэвэл үзэл бодлынхоо улмаас эх орноосоо хөөгдөх үед нь тухайн үеийн Америкийн үзэл сурталчид түүнийг ашиглах гэсэн болов ч тэрээр өөрийнхөө итгэл үнэмшилийг бас худалдаагүй гэдэг.Түүнд бас Америкийн нийгмийн шудрага бус бүхнийг хэлэх зориг байсан аж.Түүний үзэл бодолдоо үнэнч байх чанар нь эх орондоо төдийгүй дэлхий даяар алдаршуулсан юм

100 жилийн өмнөх түүхэн зураг

Энэ зургийг оросын гэрэл зурагчин Prokudin-Gorsky 1907 онд авсан байна.Тэрээр Оросын эзэн хааны тусгай зурагчин байсан гэнэ.Хар цагаан энэ зургийг тусгай технологи ашиглан өнгөт болгосон юм байх.Одоогоос 100 жилийн өмнө авсан энэ зураг түүхийн ховор баримт бөгөөд Оросын эзэнт гүрэн өөрийн эзэмшилд оруулсан лалын шашинт орнуудтайгаа одооны адил террорист ажиллагааны эсрэг тэмцэж байсан нь энэ зурагт буусан байх юм.Энэ шоронгийн харуул цэрэг ,тэр шоронд байгаа лалын тэрслүү үзэлтнүүд гээд сонирхолтой л дүр зураг байгаа биз.

Сансараас авсан зураг

Энд хойд өмнөд солонгосын шөнө ямар харагдаж байгааг сансараас авсан зураг байна.Хөгжил үнэхээр ялгаатай байгаа биз.Манайх харин ямар харагдаж байдаг юм болоо.Гэхдээ л арай хойд солонгос шиг байдаггүй байлгүй дээ.

Миний санаа...

Та нар яагаад үүргэвчтэй аялал нэвтрүүлэг хүний сэтгэлд их хүрсэн гэж санаж байна.Алтай ахын задгай яриа заримдаа ч бүдүүлэг гэмээр ч яриа ч биш гол нь биш монгол хүмүүсийн алс газар явж амьдрал хайх тэр тусмаа өөрсдийнх нь адил монгол хүн тэр оронд очоод яаж амьдрах алхам тутамдаа мөнгөө яаж хэмнэх вэ энд монгол хүн ажиллаж амьдрах өөрөөр хэлбэл солонгос япон америк англид ажиллаж амьдарч байгаа монголчууд шиг нөхцөл байна уу гэсэн хүсэл л энэ нэвтрүүлгийг эх оронд минь ийм алдартай болгосон юм шүү дээ.Тэрнээс биш аялалын цаг гээд Монголын Үндэсний Телевизийн бас яг адилхан нэвтрүүлэг байна.Гол нь хүнд хүрч байгаа нь одоогийн монголчуудын аж амьдралаас шалтгаалаад өөр өөр байна л даа.Бид нар Англи Америк Японы ард түмэн шиг амьдарч чаддаг байсан бол ингэтлээ шимтэн үзэх байсан уу гэдэг тэр мэргэжлийн хүмүүсийн дүгнэлт тусдаа байх.Ядуу монголчууд маань тэднийг дагаад тэр оронд нь очсон юм шиг л байдаг нь бид мэттэйгээ адилхан байдаг Алтай Ганхүү Ганболд ах нарын үзэгчдэд таалагдах нэг нөхцөл болдог байхаа.Би яагаад ийм дүгнэлт хийсэн бэ гэвэл шинэ улс болгоны нэвтрүүлгийн дараа энэ улсын талаар тэгэхдээ яаж очих вэ очоод монгол хүн байна уу. ажил хийж мөнгө олох боломж байна уу гээд асуулт гуйлт их байдаг гэж сонссон учраас л ийм бодолтой болсон юм.Хүмүүст сонирхуулах гэж энэ нэвтрүүлгийг хийсэн байж таараа.Одоо дэлхийд телевизийн реалити шинэ нэвтрүүлэг хийх ч маш их их хөдөлмөр шаарддаг байхаа. Харин монголд ч амархан санагдаад байх юм.Захын нэг айлаар ороод танайхаас Солонгост хүн явуулах гэсэн юм гэхдээ танай бүх амьдрал тэр тусмаа виза яаж авахаас өгсүүлээд ямар ямар бэрхшээл гарч байна очоод яаж ажиллаж байгаа тухай реалити шоу явуулах гэсэн юм гэвэл олдох л байх.Харин миний бодлоор бүр энгийн зөвхөн монголдоо жинхэнэ ажил хийх гэсэн залуу олоод тэрийг нууцаар яаж ажил хийх гэж тэмүүлж байгаа тэр нь ямар ямар бэрхшээлтэй тулгарч байгаа тухай нэмэр хачиргүй нэвтрүүлэг хийвэл ядаж энэ авилгачин түшмэлүүд цочрох байх гэж санах юм .Алтай ах их хуралд орсоноос илүү түүний өгсөн энэ санаа нийгэмд хэрэгтэй юм биш үү Саналаа өгөөрэй

Шереметьево

Манайхан одоо ч газар сайгүй явдаг болсон болохоор энд тэндэхийн нисэх буудлын үйлчилгээг сайн харьцуулж хардаг болсон байх оо.Шэнгений буюу тэр зүгийн хэдэн орон орох шаардлага гарвал хамгийн ойрхон бас зардал мөнгө нь бага гардаг болохоор Шереметьево-1 ээр дамжих нь гарцаагүй.Харин манайхан ч гэлтгүй тэндэхийн ааш муутай бүдүүн авгайчуулын гестап харц,үйлчилгээг гайхсан хүмүүс их байдаг юм байна лээ.Харин би олж хараагүй юм уу тэр талаар бичсэн нь ховор л юм шиг санагддаг.Ер нь хэцүү дээ.Нэг их ялархаж ад үзсэн байдалтай хүнтэй харьцахыг нь олон хүн харж мэдэрсэн байлгүйдээ.Соц нийгмийн үед явж байхдаа энэ дээрэнгүй зангий нь анзаарч байсангүй бас хүүхэд байждээ.Ямар олон орон энэ тэр орж харьцуулах юм байсан биш.Ялгаагүй манай ижил ажил эрхэлдэг хил гаалийнхан адилхан байсан болохоор аргагүй байх л даа.Би тэгээд боддог юм энэ оросууд энэ бүдүүн авгай нараа халаад ядаж одоо манайхны байгаа шиг залуу улсууд авбал ажил үйлчилгээ нь өөр болно доо гэж.Тэгсэн бас шалтгаан байх шиг байнаа.Яагаад гэвэл хүний нас хүйсээр нь ялгаад байж болохгүй гэсэн шалтаг байгаа байх.Яг үнэндээ орос шиг авилгалд идэгдсэн орон бол ийм байхаас өөр арга байхгүй байх.Үнэндээ монголчууд авилгал мөрийтэй тоглоом гэмт хэргийг орос ах нараасаа л сурдаг ш дээ.Нилээн хэдэн жилийн өмнө гудамжинд тоглуулдаг байсан луйврын тоглоом бол эндээс л гаралтай гэж сонссон юм байна.(шарик тоглуулах)Өөр зөндөө л юм сонсож байсан яг үнэндээ мартчихаж.За тэгээд далийгаад явчихлаа.Монголчуудын дунд өөрийнхөө Бойнгоор нисэх дуртай нь олон болсон байхаа.Яагаад гэвэл манай үйлчилгээ өөр болсон учир хэн ч Аэрфлотоор тийм муухай ааштай авгай нараар загнуулан загнуулан явахыг хүсэх вэ дээ .Зах зээл гэдэг чинь хэнд таалагдаж байна тэнд л байдаг болохоор аугаа орос орныг ийм юман дээр алдаад байгаа нь гайхаад байдаг юм.Эсвэл өнгөрсөн зууны СССР ийн сүнс нь тэнээд орос ах нарыг тэнэгтүүлээд байдаг юм уу бүү мэд.Хаана ч байхгүй нисэх буудал дээрээ төмөр сандалтай дээрэм тонуултайааш муутай гааль бүр цэвэрлэгчтэй орос орон хэзээ зах зээлийн ая данг олох болоо айн.Би уг нь эдний дамжин өнгөрөх заалын зургыг оруулах гэсэн болов ч олж чадсангүй.Уг нь байгаа л дааа.Миний муугийнх болохоор өршөөгөөрэй.Үе үеийн монголчууд өчнөөн л жил явж байсан болохоор уг нь муулмааргүй байлаа.Гэхдээ даан ч өөдгүй дээрэнгүй тэнэг зантай болохоор нь өөрийнхөө блог орон зайд орууллаа.Манайхан ч энд үлгэр домог шиг юм их ярьдаг онигоо ч ихтэй юм байна лээ.Удахгүй өөр болох байхаа би жилийн өмнөх юм л ярьж байгаа шүү өөр болсон бол Sorry

Бас нэг авьяастан...

Өвөрмөц хөдөлгөөн байна Үзээрэй..

Эгдүүтэй хүүхэд нэг байнаа...

Хүүхэд их хөөрхөн ш дээ.Хэн ч заагаагүй байхад л хөгжмийн аянд ямар ч том хүнийг дагуулахгүй бүжиглэлэдэг гэдгийг олон хүн хүн мэдэх байлгүй дээ.Энэ бичлэг үнэн хөөрхөн яаж тэгж хэмнэл ойлгоод бүжиглээд байгааг нь та нар хараарай.

Бүхэл бүтэн үеийг өөрчлөхөд үнэлж баршгүй хувь нэмэр оруулсан дөрөв.

Beatles дууг сонсоод сэтгэл нь хөдөлдөггүй хүн байдаггүй байлгүй дээ.Зүгээр заримдаа сонсоод үнэхээр биширдэг юм

Маргааш нэг иймэрхүү байхын төлөө...

Манай хоёр залуу маргааш учраагаа нэг иймэрхүү маягаар довтолбол ялалт ойрхон байна даа ха ха.Ер нь бол итгэлтэй байнаа..Хурай Хурай.

Жаахан халуурав

Ойрд юм бичсэнгүй.Ер нь бас ажаад байсан чинь блог хөтөлнө гэдэг маань сэтгэл доторхи цаг агаарын байдалтай их холбоотой бололтой.Саяхан нэг гадны хэвлэл дээр блог хөтөлнө гэдэг маань стресстэй тэмцэх нэг арга гээд бичсэн байна лээ шүү.Үнэн байх тун магадлалтай.Учир нь хүн дотроо бугалсан аливаа зүйлээ хэн нэгэнтэй хуваалцаж байж л сэтгэлээ онгойлгодог гэж байгаа.Энэ утгаар нь үзвэл эрхэм блогчид маань цэвэр сэтгэл зүрхнийхээ дуудлагаар уг үйлдлээ хийж байгаа нь нотлогдож байгаа юм.Хүний сэтгэлээс гарсан болохоор таван үг ч үнэтэй билээ хэ хэ.Энэ дашрамд миний муу бор овоохойгоор орж мэнд устай явдаг эрхэм найзууддаа баярлаж байгаагаа хэлэх нь зөв болов уу.Бас саяхан нэг блогоор зочилж байхдаа эзний бичсэн нэг санааг энд дурдмаар байна.Найзууд гэдэг эрхэм үгийг хаа хамаагүй хэрэглэх нь энэ үгний утгыг алдагдуулж байна гэсэн товчхондоо утгатай байсан юм.Гэхдээ энэ санаатай утга санаа нэгдмээргүй байна.Бид аль болох халуун дулаан үгийг хэн нэгнээс харамлахгүй хэлж байх нь одоо цагт тун хэрэгтэй байна.Бидэнд одоо л бие биендээ сэтгэл гаргаж байхгүй бол хожим энэ цагыг дурсах л үлдэх цаг хаяанд ирээд л байна л даа.50-70 оны жолооч нар бие биендээ ямар их анхаарал халамжтай тусалж байсан нь зарим нэг кино хууч ярианд л үлдээд байгаа нь нэгийг хэлээд байгаа юм даа.Одооны хүүхдүүд үзээд бараг шоолоод хэзээ ийм юм байсан гэх нь холгүй байгаа ш дээ.Гэхдээ хамгийн гол нь тийм үе байсан юм даа.Сталин аугаа их орны дайны үед анх удаа коммунист үзэл санаанд нь харш гэмээр уриа дуудлагыг хэрэглэсэн гэж байгаа.Тэр үед Оросын ард түмний үндэсний бахархал ухамсарыг сэргээхийн тулд Орос ах дүү нараа гэж уриалсан нь ямарч коммунист уриалгаас илүү эх оронч сэтгэл зүрхийг хөдөлгөсөн нь түүхэн үнэн билээ.Тийм учраас л сайн сайхан үг сайхан сэтгэлийг жижиг бага гэлгүй бие биендээ бэлэглэж байвал Монгол улс хөгжинөө.Бидэнд биенээ хүндлэх сэтгэл л дутаад байна.Цаашаа ярих гэхээр улс төржих гээд ... за ер нь хаазаа татнаа хэ хэ.Надад нэг бодол байдаг юм блог бичдэг уншдаг хүмүүсийн хүрээ өдөр ирэх тусам л нэмэгдэж байна.Зарим баримтаас харахад манай Го Го .МН ,Банжиг.мн өөр бусад блогчидын группүүд их өргөжиж байгаа нь монголд нет хэрэглэгчдийн хүрээ асар хурдан хүрээгээ тэлж байна даа гэж.Нэг блогчин дор хаяж 5 хүнтэй хүрээ үүсгэж байхад дараа нь бас халдварлана гэж бодохоор аймаар тоо гарна даа.Манайх шиг цомхон улс дээр нь улс орноороо боловсор ч байгаа гэж бодохоор хэрвээ энэ зуун мэдээллийн зуун л юм бол Лениний хэлсэн нэг ишлэл шиг "..мэдээллийн технологи дээр англи хэлтэй монгол хүнийг нэмбэл Монгол улс цэнгэлийн манлайг олноо" гэж хэ хэ.За за баахан хадуурав.Гэхдээ нөгөө алдарт эрдэмтэн Галилеин хэлснээр"...гэхдээ л дэлхий эргэдэг юм даа .."

Бид их эвлэрлийн өмнө ирээд байна.Бүгдээрээ хүсэж байна.

Монгол хүн болгон л үндэсний бахархал гэдгийг энэ мөчид амсаж байгаа гэдэгт итгэж байна.Монгол улс ардчилсан орон болоод 18 жил болж байна.Энэ хугацаанд сайн муу өчнөөн л юм сонсож үзэж өнгөрүүллээ.Би өөрөө социалист нийгмийн үед өсөж бойжсон,бас ардчиллын үр шимийг үзэж хоёр нийгмийн байгуулал үзсэн гэж өөрийгөө боддог бахархдаг.Хэрвээ хүн надаас асуувал аль нийгэм нь чамд таалагдсан бэ гэвэл би ямар ч эргэлзээгүй энэ нийгмийг сонгоно.Бас ардчилсан нийгэм юу нь таалагдахгүй байна гэвэл хүн болгон чөлөөтэй юу хүссэнээ ярьдаг нь таалагдахгүй байна гэж хэлнэ.Бас ардчилсан нийгмийн юу нь таалагдаж байна гэвэл хүн болгон чөлөөтэй юу хүссэнээ ярьдаг нь таалагдаж байна гэж хэлнэ.Бид хүний нийгэм нийгэм байгуулах гэж тэмцсэн Тэр тэр болгон шулуун дардан байсангүй.Өнөөдөр бид үг хэлэх эрх чөлөөнийхөө төлөө тэмцсэн.Тэр бол ерөнхийлөгч ерөнхий сайд тэр байтугай ардчилсан намын даргаас шалтгаалахгүй болсон.Энэ болгон олонхи гэдэг ардчиллын үзэл баримтлалаар шийдэгддэг болсон.Гэхдээ энийг туйлын зөв гэж бас бодож болохгүй ээ.Улиг болсон Черчиллын хэлсэн үг байдаг" ..ардчилал бол төгс бишээ.. гэж.Бид одоо ямар улсууд яаж хөгжөөд ямар үзэл баримтлал бариад байгааг мэдээллийн ямар л ямар л сувгаар сонсож уншиж байгаа.Бид хэзээ ч Венесуэл юм уу Куба болохгүй .Тийм дархлал тогтсон.Гэхдээ тийм болгохыг хүссэн хүчин хажууд чинь байхыг үгүйсгэх гүй.Одоо байгаа удирдлага бас сөрөг хүчнийг ч бас хар хүчний гар хөл болсон гэдэгт итгэдэггүй.Гэхдээ бодит аюул ойрхон байна.Сая Гүржэд болсон явдлыг сана.Болсон явдлыг өөрт ашигтайгаар талууд тайлбарлалаа.Муугаар бодоход Гүрж өөрийн нэг аймагт салан тусгаарлах гэсний хариу болгож цэрэг орууллаа.Мэдээж цэрэг оруулсан юм чинь саяны намын байрны өмнө болсон шиг явдал болсон байгаа байна.Тэгээд тэрийг олон улсын өмнө хүчирхийлэл ,Гүржийн түрэмгийлэл болгож харагдуулах Оросын сонирхол байсан байж таараа .Бид хоёр их гүрний наймаа болох ээлжит үедээ ороод байна.Хятад энийг бас анаад л сууж байгаа.Бүгдээрээ нэгдэцгээе.Нэг хүн шиг л нэгдэж байсан өмнөх үеээ саная.Их үйлсийн өмнө нэгдэж нэгнийхээ төлөө нэгдэж байсан тэмцэж байсан өвөг дээдсээ саная.Бид нэгдэж бас тэмцэж чаддаг юм шүү гэж дэлхий нийтэд тунхаглая.Ийм үед "Үхэж үл болно-Чингис хаан" кино гарсан нь сайхан санагдаж байна.Бүгдээрээ нэгдэцгээе.Бид чаднаа.Нэг эрхтэн дарга өөрийнхөөрөө шийдвэр гаргавал дараа нь тэрийг хянадаг шалгадаг тогтолцоо байдаг юм шүү гэдгийг л ард түмэнд мэдрүүлэх нь ардчиллын төлөө тэмцэл юм шүү дээ.Тэрнээс биш Хувьсгалт нам, Ардчилсан нам тэр байтугай, Батзандан ,Магнай гээд байгаа юм биш .Хэрвээ ийм хяналтын тогтолцоо болгохгүй юм бол тэр Чой балсан ч бай Сүхбаатар ч бай амьтны хараал идэхээр бололцоо бий болоод байна шүү дээ.Бүгдээрээ хэлэлцвэл буруугүй гэдэг байхаа.

Олимпын алт.....

Монголчуудын маань заяа түшиж Их эзэн Богд Чингис хааны сүлд ивээж бид анх удаа олимпийн алт авсан орон боллоо.Энэ алт .мөнгө яг одоо бидэнд ямар их хэрэгтэй байсныг бурхан харах шиг л санагдаж байна шүү.Монгол үндэстний их бахархал итгэл найдвар эв нэгдэл энэ бүхнийг энэ ялалтууд ухааруулж байна.Үнэхээр итгэмээргүй сайхан мэдээ байлаа.Мөн ч их хүлээсэндээ ...олимпын аваргын алдрыг.Эх орны бахархал Түвшин баяртаа маш их баярлаж байна.

Бараг л алт авлаа...Сайхан байна.

За ёстой сэтгэл хөдөлж байнаа.Ийм сайхан мэдээ анх үзэнгүүтээ бараг шоконд орж байна лээ.Бараг найдвар тасарчихаад байхад гол утга учир нь байлаа.Эх орон ард түмэнд маань одоо юу юунаас илүү эв нэгдэл, эх орноороо бахархах сэтгэл ,бас эрч хүч хэрэгтэй байхад цагаа олсон үнэхээр сайхан мэдээ байлаа.Монголын нэг сайхан бүсгүй хүний хань хүүхдийн ээж чамаар эх орон чинь бахархаж байна.

100 жилийн настай жинс

Цаана чинь 100 гаруй жилийн өмнө манайхаар бол Америкийн нинжа нарын өмсөж байсан LEVI’S жинс олдоод тэгээд тэр нь eBay гийн дуудлага худалдаан дээр 17 000$ хүрээд байна гэнэ шүү.Өчнөөн олон жил газар шороон дээр хэвтчихээд илжирж муудаагүй байхыг бодоход ёстой л ясны эд юмаа.Калифорни мужийн Mojave Desert гэдэг газраас олдсон нь хуучны алтны гар аргаар ухдаг уурхай байсан гэнэ.Энэ хос жинсны кармаанд нь тэр үеийн сонин байсан бөгөөд тэрүүгээр баримжаалаад уг жинсны үйлдвэрлэсэн оныг 1895-1898 он гэж үзэж байгаа бололтой.

Сонирхоорой

Францын энэ www.canvaschic.com энэ сайтаар ороод үзээрэй.Манай брэнд маань тэнд бас дажгүй мөнгө олоод байгаа бололтой байна.Манайхан өөрснөө гадныхантай хамтарч бусад оронд хийвэл болох санаа авмаар л юм байна.

Шинэ үйлчилгээ

Одоо зөвхөн "Төв шуудан" гаас марк аваад захиа ил захидал дээр наагаад явуулдаг байсан үе өнгөрч байх шиг байна.Чи хүсвэл өөрийнхөө компьютер дээрээсээ хүссэн зургаа оруулаад баркодтой марк болгоод явуулдаг үйлчилгээ Америк Канадад нэвтрээд эхэлсэн гэнээ.Америкт байгаа Монголчууд хэрэглэж үзсэн байж магадгүй.Ер нь бол англи хэлтэй хэдэн орнууд хэрэгжүүлж байгаа сурагтай.Уг нь их сайхан л юм Сонирхвол энэ сайтаар ороод үзээрэй.Их энгийн юм байна лээ.http://photo.stamps.com

Номын донтонгуудад..

Ном унших дуртай хүмүүс нэг үеэ бодвол овоо их болсон байна лээ.90 ээд оны эхээр юун ном унших амьдрал хэцүүдээд дээр нь дэлгүүрт давснаас өөр юмгүй байхад соёлжоод гэгээрээд байх хүн ховор л байсан байх.За тэр яахав харин энд номын хорхойтнуудад яг таалагдах нэгэн зүйл байна.Шөнө орой гэрэл асаагаад уншаад байх зарим талаар хэцүү байдаг.Харин уншиж байгаад тасраад унтдаг мань мэтэд зүгээр юмаа.

Бодмоор л байна шүү...

Нилээн хэдэн жилийн өмнө л дөө нөгөө алдарт Хятадын Тяньаньминий талбайд болсон үймээн манайд болсон явдал хоёр яг ижилхэн болохыг харлаа.Тэнд танкаар дайруулж дараа нь гадаадын сэтгүүлчид болон дотоодынхоо амарыг хамгаалах ажилтнуудынхаа авсан зураг хөрөг бичлэгээр нөгөө үймээнд оролцсон баагий нарыг баримтжуулж аваад шорон оронд нь явуулсан гэж байгаа.Энэ тухай зөндөө л баримт материал өгүүллэг гарсан.Гол нь тэр үед тэр зураг хөрөг авч байсан зураглаач сэтгүүлч нар сүүлд нь тэдний авсан материал нөгөө жагсагчдын эсрэг хэрэглэгдэх юм гэж бүгд бодоогүй л байх.Зарим нь дараа нь тэр тухайгаа харамсан ярьж байсан гэнэ лээ.Ардчилсан оронд олон янзын үзэл бодлоо чөлөөтэй илэрхийлэх, тэрийг нь хуульд заасан ёсоор нь хэвлэл мэдээллийн хэрэгслүүд нэвтрүүлэх нь зүй ёсны байх л даа.Бас тэрийг нь гэмт хэргийн баримт болгон ашиглах нь бас чөлөөтэй болов уу.Харин нэг юманд эмзэглээд байх юм аа.Дараа нь хэн нэгэн цуглаанд оролцогч тэр нь би юм уу та ч юм уу бас нэг өөрийн үзэл бодлоо дэмжсэн цуглаанд оролцохдоо зургийг тань аваад дараа нь нөгөө цуглаан маань саяын үйл явдал шиг болсоны дараа сайнаар бодоход хэвлэлд гараад байвал таньд сайхан санагдах уу эсвэл ...бахархаад байх уу гэдгээ тунгаана даа.Энд хэлэх гэсэн санаа маань сүүлд нь аливаа нэгэн жагсаал цуглаан болоход оролцож байгаа нөхөд маань 100% нэг бодолтой биш болохоор янз бүрийн л авир ариншин гаргах байх .Бас түрүүчийн гашуун туршлага байгаа болохоор нөгөө дөрөвдөх засаглалын ( хэвлэл мэдээллийн ) хэдээ) ад үздэг гаж үзэгдэл тогтчих вий дээ.Уг нь тэд маань хэвлэл мэдээллийн тэнцвэртэй байдлыг хангах ариун үйлсээ л биелүүлж яваа бидний нэгэн адил жирийн нэгэн хүмүүс билээ.Их л олуулаа гэмтэж бэртсэн байна билээ.Харин төр онц байдлын үеэр нэг талыг барьсан нэвтрүүлэг цацаж байсан нь миний хэлэх гээд байгаа бас болгоомж луулаад байгаа санааны эх юм шүү.Мэргэн ухаандаа бодогтун

Санаж явууштай...

Аугаа юм болгон энгийнээс эхэлдэг гэдэг байхаа хэ хэ.За тэр яахав савангаа хэт жижиг гарт баригдахгүй байна гээд хогын сав руу хаядаг над мэтийн хүмүүст санаа авахуулсан зураг оруулав.Маргаашнаас хэрэгжүүлэгтүн.Нийгмийн өмчийг бишээ уучлаарай... өөрийнхөө өмчийг хайр гамтай хэрэглэгтүн...

Нэг юм хэлээд байна даа..

Ганцхан манайх биш бүх улс үндэстнүүд л олимпд оролцож байгаа тамирчдынхаа хувцас хэрэглэлд санаа тавьж байгаа байхаа.Миний хувьд энэ олимпд оролцож байгаа тамирчдын ёслолын хувцсанд үнэхээр сэтгэл хангалуун биш байгаа.Бүхэл бүтэн дөрвөн жилийн хугацаанд хэдхэн тамирчдынхаа хувцасны талаар санаа тавиад туурга тусгаар гэдгээ дэлхий нийтэд харуулах томоохон боломжоо ямар нэгэн шалтаг хэлэн ийм өчүүхэн зүйл дээр ч алдаж байгаа олимпын хороо цаашилбал төр засагт гомдож байна.Ядаж өмнө нь хувцас загварын санал асуулга гээч юмаа явуулах боломж байгаагүй юм уу.Очиж очиж яг адилхан байхдаа яахавдээ.Эсвэл бодлого явагдаад байна уу. Дорныхан тэр дундаа хятадууд ёгт явуулга явуулах даа сайндаа.Оросуудын хувьд ямар байгааг тэдний хэлдэгээр чөтгөр бүү мэд.Ямар ч байсан нэгэн үеийн удирдагч Хрушевын өмсөж байсантай адилхан гэдгийг энэ зураг харуулж байна.

...бас ашигтай..

Блогтоо аль болохоор хүмүүст энгийн гарын дор юм ашиглаж хийх санаа оноог түлхүү оруулах сонирхолтой байгаа.Уг нь бол дэлхий ертөнц шинэ содон бүтээлээр дүүрэн л байна.Гэхдээ одоохондоо хаана хаанаа хүлээж авах гээд асуудал байгаа учир энгийн хэрэглээ болгочихмоор бас бидэнд эхний ээлжинд хүндрэлтэй биш гэсэн утгаар нь энэ сэдвийг хөндөөд байгаа юм шүү. Зураг хараад юу хэлэх гээд байгааг ойлгож байгаа учир нуршсангүй.