Тайлбаргүй...

Хүчирхийлэл хүчирхийлэлийг л төрүүлдэг гэж сургаж номлодог яг үнэн юм байна шүү. Дэлхийн 2 р дайны үеэр аймаглан устгах зовлон зүдгүүрийг амсаж байсан евреичүүд 50 жилийн дараа өөрсдөө жигшиж үзэн ядаж байсан алан хядагчдаа дууриагаад ингээд зогсож байна гэж хэн бодох вээ дээ. Дайны үеийн герман цэргүүдийн дүүжилж буудаж алан хядсан хүмүүсийнхээ дэргэд зургаа авахуулсан олон баримт байдгийг үзэж байсан биз. Харин энэ бол сая Газын бүсэд хийсэн Израйлын дайралтын үеэр авахуулсан зураг. Зургийн тайлбарт ч тодорхой бичсэн байна лээ Бас энэ зургийг америкийн хэвлэл мэдээлэлд бол гарахгүй тийм болохоор аль болохоор дэлхий нийтэд тараахад туслаач гэсэн байна.Тийм болохоор би бас иргэнийхээ үүргийг биелүүлж байгаа юм.Соёлт хүн төрөлхтөний нэг бараан толбо болоод байгаа араб израйлын энэ дайн хэдийд дуусахыг бурхан л мэдэх байх даа.

Сансарын нисэгчидийн нэгэн учир битүүлэг ёс..

Зургийг хараад ойлгож байгаа биз дээ.Харин энэ хачин үйлдэл хэзээнээс эхэлж оросын сансрын нисэгчдийн заавал хийх ёс болсоныг энэ зурагт тайлбар хийсэн хүн бас сайн мэдэхгүй байна гэнэ. Гагарин ах анх ингэж хийгээд уламжлал болсон юм болов уу бүү мэд Ямар ч байсан нилээн дээр үеэс уламжлагдаж ирсэн нэг бичигдээгүй ёс юм байна.Хамгийн сүүлд ниссэн сансрын нисэгчид ч энэ уалмжлалыг эвдээгүй гэж байна.Харин манай Гүррагчаа ах бас энэ уламжлалыг дагасан болов уу. Асуух юм сан хэ хэ. Сансрын нисэгчид гэдэг чинь уг нь нуль шинжлэх ухаанлаг улсууд баймаар юм . Бас хүн юм болохоор бас мухар сүсэг байдаг байх нь....

Зөвлөлтийн хил зөрчсөн өмнөд Солонгосын иргэний нисэх онгоцны тухай ..

Энд нэг сонин мэдээлэл оллоо. 80 оны дундуур байхаа өмнөд солонгосын нэг иргэний агаарын тээврийн онгоц зөвлөлтийн агаарын хилийг сахалин арлын хавиар зөрчиж түүнийг нь агаараас эсэргүйцэн хамгаалах цэргийн генералуудын тушаалаар буудаж сөнөөсөн тухай их шуугисан даа.Тухайн үедээ их шуугиан тарьж хүйтэн дайны үе байсан болоод тэрүү америкийн өдөөн хатгалгаар иргэний агаарын тээврийн онгоцыг тагнуулын зорилгоор зорчигчтой нь нисгэснийг зөвлөлтийн зэвсэгт хүчин таслан зогсоосон тухай манай хэвлэлүүдээр ч зөндөө гарч байсныг зарим нь санаж байгаа байх.Харин энэ мэдээллийн хувьд ерөөсөө сонсоогүй юм байхлаар нь орууллаа.Уг үйл явдал 1978 оны өвөл болсон юм байна.Бас л өмнөд солонгосын нэг иргэний агаарын тээврийн онгоц үйл мэдэгдэх шалтгаанаар зөвлөлтийн агаарын хилийг Карелийн арлын хэсгээр нэвтэрсэн байна. Дараахан нь амдан ниссэн сөнөөгч онгоцнуудын яаралттай буух тушаалыг биелүүлээгүй тул дээрээс өгсөн тушаалын дагуу уг онгоцны нэг далавчийг буудсан нь уг онгоцыг Карелийн арлын Кем хотын ойролцоо орших нэг хөлдсөн нууран дээр буухаас аргагүйд хүргэсэн бололтой.Хоёр цагын дараа яаралттай нисэж ирсэн цэргийн тагнуулын албаны хүмүүсийг уг онгоцны дотор ороход цусны эхүүн үнэр архины үнэртэй холилдсон айж сандарсан хүмүүс байсан гэнэ.Зорчигчдыг яаралттай Кем хотод хүргээд удалгүй 3 хоногын дараа Финландын Хельсинк хот руу явуулсан байна.Харамсалтай энэ явдлын улмаас 2 хүн амь үрэгдэж олон хүн гэмтэж бэртсэн байсан бололтой.Харин онгоцны багын нисэгч нарыг мөрдөн байцааж байгаад хэсэг хугацааны дараа эх нутагт нь буцаасан гэнэ.Бас нэг сонирхолтой нь уг талбайн хамгаалалтанд гарсан цэрэг офицерүүд амьдралдаа анх удаа Coca Cola лаазалсан пиво бүр Play Boy сэтгүүлийг үзэх хувь тохиосон гэж байгаа. Уг онгоцыг задалж онгоц үйлдвэрлэх судалгааны төв рүү сүүлд явуулсан юм байна.Харин миний хувьд хүйтэн дайны тэр сөргөлдөөний үед ямар хурдан асуудлыг шийдээд хэл ам шуугиан гараагүйг гайхаад л сууж байна. Бодвол нэг учир байсан байлгүй дээ

Ажлыг бол иймэрхүү хийж болох талтай...

Хүмүүс мөнгийг яаж тоолдог вэ.? Бас Монголчууд...

Энэ бичлэгийг харж байсан чинь улсын маань нэр дунд нь цохиж явна.Тэгээд та бүхэнд сонирхолтой болов уу гээд орууллаа.Гэхдээ яг үнэндээ мөнгийг энэнээс илүү олон янзаар тоолдог байхаа гэж бодож байна.Нэг удаа баримтат кино үзэж байгаад хятадын байхаа нэг банкны тоологчийн ур чадварыг биширсэн юм даг.

Улс төрчидөө гэж..

Манай Баабар сайхан бичдэг шигээ ярьж чаддаггүй гэх юм байна лээ. Ямар ч л байсан өөрийгөө хүлээн зөвшөөрүүлж чадсан манай үеийн нэг том төлөөлөгч юм даг. Түүний нийтлэлүүд бидний өдөр тутам харж үзэж байгаа үйл явдлыг бидний харж чаддаггүй өнцгөөс бичсэн байдагт л байдаг байх. Улс төрчдөд хурц тод байж олон түмнийг уриалан дуудах араасаа дагуулах чадвар хамгийн чухал байдаг нь ойлгомжтой. Миний бодлоор өөрийгөө илэрхийлж чадахгүй бол улс төрч гэж байгаад яахав дээ . Би Ц.Элбэг доржын улс төрч хүн ярьж чаддаг байх хэрэгтэй гэдэгтэй санал нэг байна. Харин хэлсэн үгэндээ эзэн байх тэрийгээ хэрэгжүүлж чаддаг байх гэдэг нь өөр асуудал . Ийм болоод л бүхэл бүтэн нэг жил Америкийн ерөнхийлөгч болохын төлөө сенатор асан Барак Обама "ярьлаа". Харин ярихдаа үнэхээр сайн байсан шүү.Түүний ярихыг сонссон хүнд тэр үнэхээр нөлөөлж чаддаг болохыг дэлхий одоо хүлээн зөвшөөрч байна.Үнэхээр сайн илтгэгч гэдгийг сая болсон тангараг өргөх ёслолын үеэр түүний хэлсэн үгнүүд ч нотолж байна.Бараг анх удаа цаас харалгүй илтгэлээ тавьсан ерөнхийлөгч болсон байх шүү.Тэрийг одоо аврагч бурхан нь буугаад ирсэн юм шиг л найдаж хүлээж байгаа хүмүүс хэдэн саяараа байна. Одоо түүнд амжилт хүсэх л үлдээд байна. Түүнийг Жон Кеннедитэй зүйрлүүлж байгаа ч тэр бол түүнээс ч илүү шүтэн бишрэгчтэй гэж би боддог.Түүнд олон юмны анхдагч болох ирээдүй байна даа.

Ватикан Цагаан ордон хоёр YOUTUBE ийг ашиглаж эхэллээ

Ватикан Цагаан ордон хоёр YOUTUBE ийг ашиглаж эхэллээ.Миний бодлоор энэ бол ард түмэнтэйгээ амьд холбоотой байх хамгийн сайхан боломж гэж бодож байна. Харин манайд ихэнх хэрэглэгч маань интернэтийн хурд шаардлага хангахгүй байгаа болохоор төвөг багатай үзэж чаддаггүй байх.Гэхдээ дандаа ийм байгаад байх биш болох л байлгүй . За тэгээд үзээд байж дээ .Харин манай дээдсүүд хэзээ энийг дууриаж чадах болоо. Эсвэл коммент хэмээх хараал ерөөлөөс айгаад тэгж чадахгүй байхаа доо .Уг нь тэд нарынх дээр ч бас л адилхан байх юм байна ш дээ . За тэгээд хаягыг нь тавьлаа орж сонирхоорой. Өдөрт л хэдэн мянган хэрэглэгч бүртгүүлж байгаа бололтой.
http://in.youtube.com/vatican http://in.youtube.com/user/whitehouse

Зэрлэг ёс заншил

Энэ нэг бичлэг орууллаа. Саяхан нэг мэдээн дээрээс (Бразилын байхаа ) хүн очдоггүй байсан битүү ширэнгэн ойгоос одоо болтол соёл иргэншилын бараа хараагүй хүн төрөлхтөн ч олж нээгээгүй байсан зэрлэг омог оллоо гэж уншиж байсан юм. Тэд дээгүүр нь нисдэг тэргээр нисэж зургыг нь авч байсан судалгааны багын хүмүүс рүү өөрсдийн хийсэн зэвсэг болох нум сумаараа харвах гэж оролдож байгаа болон тэдний овоохой оромжны зурагнууд байсныг зарим нь олж үзэж байсан байлгүй дээ. Ийм зэрлэг бүдүүлэг эртний амьдралтай отог омог хүмүүс африк , төв америкийн элсэн цөл ширэнгэн ойд цөөнгүй байдгийг бид мэднэ . Харин энэ бичлэг илүү аймшигтай бөгөөд харанхүй бүдүүлэг зэрлэг амьдралын үнэнийг харуулсан юм байна. Мухар сүсэгтэй нэг омгийн зэрлэг ёс заншлын дагуу хүүхдийг амьдаар нь булж оршуулж байгааг үзүүлсэн байгаа. Ямар аймаар зэрлэг ёс гэж ийм байдаг байнаа . Бичлэгт гарч байгаа яриануудыг англиар орчуулсан нь харагдаж байгаа тул та нар өөрсдөө үзнэ биз дээ .Ямар ч байсан энэ явдал одоо ч үргэлжилж Амозонкийн ширэнгэнд олон зуун хүүхэд амьдаараа оршуулагдаж байгаа үнэн бодит баримт гэнэ.

Дэлхийн долоон гайхамшигт Монголын говь нэр дэвшжээ

Монголын говьд байх Баянзагийн Улаан эрэг буюу Flaming cliffs хэмээх газар нь дэлхийн байгалийн долоон гайхамшигт нэр дэвшээд байгаа билээ. Энэхүү газраас 1920 онд Америкийн палеонтологич Рой Чапмэн Андрюс анх үлэг гүрвэлийн өндөг олж байсан юм байна.

Та Дэлхийн долоон гайхамшигт нэр дэвшээд байгаа монголын говийн үзэсгэлэнт байгалийн төлөө саналаа өгөхийг хүсвэл www.new7wonders.com/nature хаягаар орж саналаа өгөөрэй. Үүнд нэг их хугацаа шаардагдахгүй. Санал хураалт энэ оны 7 сарын 7-ныг дуустал явагдана. Энэхүү дэлхийн долоон гайхамшиг интернетийн санал хураалт нь жил бүр болдог бөгөөд дэлгэрэнгүй мэдээллийг дээрх хаягаас мэдэх боломжтой. Азиас 67 газрын нэр дэвшсэн ба нийтдээ дэлхийн өнцөг булан бүрд буй байгалийн 261 үзэсгэлэнт газрын нэр дэвшжээ.

Хэрвээ манай Монголын говь нутаг маань энэхүү санал асуулгад өндөр оноо авбал манай орныг сонирхох жуулчдын тоо өсөх нь магадтай билээ .

Энэ мэдээллийг http://www.worldmongol.com сайтаас авч орууллаа.Өнгөрсөн жил болсон дэлхийн долоон гайхамшиг шалгаруулах санал асуулгуудад зарим нэг орнууд онцгой ач холбогдол өгч ард түмнээ өөрсдийн орныхоо гайхамшигийг сурталчлах үйлст идэвхтэй оролцохыг уриалж өдөр тутмын сонин хэвлэл телевизээр өргөн сурталчилгаа явуулж байхыг харсан.Энэ мэдээж тухайн орны аялал жуулчлалын салбарт маш их ач холбогдолтой гэдгийг ойлгож мэдэрснийх буйзаа.Манай төр засаг аялал жуулчлал хариуцсан газрууд олон нийтийн байгууллагууд бас иймэрхүү ажил зохиовол зарим нэг үр дүнгүй алсаа бодоогүй ажлуудаас илүү ач холбогдолтой гэдгийг анхаармаар байна.Хүн болгон нэт хэрэглэгч болгон энэ ажилд багахан зав гаргаад оролцоцгооё.Монголчуудаа.

Ройтерсийн 2008 онд авсан шилдэг фото

Сонирховол энэ хаягаар ороорой.
http://www.livejournal.ru/themes/id/12367

Эргэцүүлж бодмоор л байна

Надад нэг бодол байдаг юм .Баабар яагаад өөрийнхөө номыг Нүүдэл Суудал гэж нэрлэсэн юм болов оо гэж.Тэгээд номыг нь уншаад бодож байхад монголчууд бидний өвөг дээдэс маань үргэлж л нүүдэл суудал болсон амьдрал туулсан болохоор ингэж хэлэхээс ч аргагүй байж дээ хүлээн гэж зөвшөөрсөн юм. Одоо бид нар ярьдаг бичдэг нөгөө монгол хүний шинэ газар оронд хурдан өөриймшдөг маань цусанд маань байдаг бололтой. Тэгсэн мөртлөө хятадууд шиг эх орноо гэж бодтол нь улс орныг өөрчилдөг биш тухайн улс орны соёл шинжлэх ухааныг хүндэтгэж хөгжүүлдэг бас "дагадаг" байсан маань цөөхөн монголчуудыг газар газар тарааж үгүй болгосон нь одоогийн өндөрлөгөөс харахад бидний түүхийн хариу авалт байсан бололтой. Аливаа бүх зүйл өөрийн хариутай байдаг. Түүх өөрөө тэрийг гэрчилдэг.Тийм болохоор бид энэ бүхнийг санаа авч бусдын бүхнийг дагах биш харин өөрийн болгож хөгжүүлэх хэрэгтэй баймаар байна.Миний энэ ярьж байгааг эсэргүйцэх хүн гарах байхаа. Тэр бол ойлгомжтой. Монголчууд өөрсдөө бүтээгээгүй болохоор бусдын хийсэн бүтээсэн соёлыг бүтээлийг дагах ёстой гэж.Би хүлээн зөвшөөрч байнаа. Гэхдээ энэ бүхэнд нэг гамшиг байна.Миний мэдэхээр би түүх судлаач биш тийм болохоор мэддэг нэг хүнээ жишээ татах гэсэн юм .Петр Бадмаев гэдэг хүн Энэ хүн бол яах аргагүй монгол угсаатан бас шинэ үеийн боловсролтой хүн.Оросын хоёр хааны дэргэд ойр шадарлаж байсан энэ хүний үзэл бодол бол монгол хятад төвдийг нэгтгэсэн их оросыг байгуулах байлаа.Үгүй ядаж л монгол төвдийг оросын хаант улсад нэгтгэх боломжыг хайж байсан нь ойлгомжтой байдаг.Тэрний дараа нь Цэдэнбал дарга.Энэ хүмүүсийг улс орноо үгүй хийх гэж энэ бүхнийг сэдсэн гэж бодохгүй байна. Гэхдээ миний мэдэж байгаагаар энэ хоёр хүнд их гүрний соёл хөгжилын өмнө өвдөг сөгдсөн энэ бүхнээ тухайн нөхцөл байдалд тохируулж тайлбарлаж байсан шалтгаан байгаа.Одоогын өндөрлөгөөс харахад ямар азтай вэ гэж л бодож байгаа болохоос нэгэнт нэгдсэн хойноо энэ мэтийн юм ярьсан хүн ямар тэнэг хүн болох нь өвөр монгол, оросын буриадыг харахад ойлгомжтой л байна шүү дээ.Тийм учраас манай тэр үеийн оюунлаг сэхээтэн гэж байсан улсууд маань тэр үеийнхээ соёл хөгжил бүхнийг тахин шүтэж тусгаар тогтнол бүрэн эрх байдлыг маань арилжихад бэлэн байж дээ.Саяхан Соронзон блогын эзний эрдэмтэн Ширэндэв агсантай хийсэн ярилцлагыг уншиж байгаад ...тусгаар тогтнол ..гэдэг үгний учрыг дахин нэг ойлгох шиг болсон юм даа. Одоо ч энэ аюул ойрхон байна даа.Монгол улсыг Америкийн Нэгдсэн Улсын нэг муж болгох санал явбал ямар хариу гарах бол ....

Шинэ оны анхны мэндчилгээ ..

За ингээд шинэ оныхоо бичлэгийг бичиж эхэлнээ.Удаан ч алга боллоо. Энэ хугацаанд орж гарч байсан мэндтэй устай явдаг блог андууддаа хамгийн их баярласан шүү.Дээр үед гэхэд хаашаа юм 50-60 аад оны үед л гэхэд манай говь нутагт гэрээ түгжиж барьдаггүй зориуд ундтай устай хоол хүнстэй орхиж эзгүй хойгуур нь ирсэн гийчин тааваараа байж байгаад явж болдог сайхан заншил байсан юм байна лээ.Одоо чухам яасныг мэдэхгүй байна.Бага байхдаа уншаад хотын надад сонин сайхан л санагдаж байсан даг.Ийм сайхан сэтгэлтэй ард түмний үр сад бид одоогийн энэ кибер ертөнцөд бас нэг өөрийн гэсэн өнгө аястай халуун дулаан хамт олон бүрдүүлж санал бодлоо хуваалцдаг болсонд хувиасаа болон "нам засгийнхаа" өмнөөс их баярлаж явдагаа хэлэх нь зүйтэй болов уу.Ямар ч л байсан блог гэдэг зүйлийг цаг заваа гарган сонирхож бас мэдлэг оюунаа харамгүй хуваалцдаг залуусыг их л буянтай үйлс бүтээж байна гэж боддог шүү. Энэ сайхан үйлсийн анхны шандыг татаж байсан надад үлгэр дууриал болсон Мика Тогоруу Хишгээ Галаарид Буянцогтоо.. нартаа шинэ оны эхний энэ өдрүүдэд баярласнаа бас хэлье.Тэгээд бас сүүлийн үед үзэл бодол сонирхдог зүйлээрээ гоц тодроод байгаа Соронзон, Ганаа Ганга , Бадка ( бадка ингэхэд хаачсан бэ) нарын фракц нэг болох нь ойлгомжтой хүмүүст бас шинэ оны мэнд хүргэж байна.Ирж байгаа шинэ ондоо дэм дэмэндээ дээс эрчиндээ гэдэг шиг явах болтугай гэж ерөөл хэлье.Уг нь шинэ оны эхэнд хэлэх юмыг одоо хэлж байгаад уучлаарай. Гэхдээ хуучраагүй байхаа гэж найдаж байна.