Баабар

Нэг үг санагдчихлаа.Нөгөө" Би чамд тэнэг хүн ч ойлгохоор хэллээ" гэж яриа байдаг.Нэг бодлын доромжлол болов ч нөгөө бодлын эрэгцүүлж бодмоор үг шүү.Арван жилд зарим багш нар заагаад байдаг заагаад байдаг заасан хичээл нь сонирхол татахгүй сонирхол татахгүй болохоор хүмүүс ойлгохгүй нэг тийм юм байдаг даа.Би математикийн төрлийн хичээлд угийн тааруухан л даа.Харин амьдралдаа нэг л багшаар заалгаж байхдаа математик гэдэг тийм хүнд хүчир хүн ойлгохгүй юм биш гэдгийг ухаарч билээ. Тэр багш маань нөгөө дээр хэлсэн тэнэг хүн ч ойлгохоор сайхан тайлбарлаж заадаг байсанд л учир нь байсан юм.Сая Баабарын
МӨНГӨӨР ТАРХИА ОРЛУУЛАХУЙ нийтлэлийг уншиж байхад (Баабарын фэн л дээ) хүн маш сайн мэддэг юмаа л маш сайхан хүнд ойлгуулдаг байх гэж бодлоо.Бас багш хүний заах арга авьяасыг үгүйсгэж болохгүй л дээ.Тэрнээс бид сайн ойлгоогүй юмаа хүнд яаж ойлгуулах вэ дээ аан.Баабарын этгээд хачин авир ямар ч асуудлыг өөр өнцөгөөс хардаг бичдэг талаар олон юм ярих хэрэггүй ч заримдаа үнэхээр гайхах юм.Яаж ингэж сэтгэж байнаа.

Ясукуйни сүмд мөргөж байгаа нь

Японы Ерөнхий сайд асан Койзуйми дайны үеэр амь үрэгдэгсэдээ зориулсан Ясукини сүмдээ мөргөж байгаа нь.Энэ талаар Хятад тэргүүтэй Японы түрэмгийлэлд өртөж байсан зүүн өмнөд азийн орнууд ямар их эсэргүйцэл үзүүлдэг тухай хүмүүс сайн мэднэ биз дээ.Эдгээр орон ч аргагүй биз.Доромжлол шиг санагддаг биз.Гэхдээ миний бодлоор бас японы үе үейин ерөнхий сайдууд эсэргүйцэл бойкотлохыг үл хэрэгсэн ахмад үейинхнээ дурсаж байгааг зөв л гэж боддог.Яадаг юм энэ бол тэдний хэрэг ш дээ.Хэдийгээр тэд түүхийн нугачаанд алдаж эндэж харгислал түрэмгийлэл үйлдэж байсан ч тэдний л өвөг дээдэс шүү дээ.Тэд эх орныхоо төлөө л энэ бүхнийг хийсэн.Тэгвэл Хятадууд Төвдөд түрэмгийлэл яргалал үйлдчихээд түүнийгээ эх орны бүрэн бүтэн байдлын төлөө гэж цайруулж байгаа нь зөв юм бол Япон шиг том орон өвөг дээдэстээ энэ зэргийн хүндэтгэл үзүүлэхэд яадаг юм гэж бодоод байгаа ш дээ.Эсвэл Хятадууд элдвийн юм ярихаа зогсоосон нь дээр гэж бодож байна .Жаахан тэрс бодол төрөөд бичив.

Хойд Солонгосын улс төрийн хоригдлууд

Би блогтой хойд Солонгосын талаар баримт материал оруулах дуртай .Учир нь энэ орон миний хүүхэд насны үейин социалист системийн орон учраас тэгдэг байх.Эдний амьдрал ахуй орчин намайг тэр үед аваачих шиг л болдог.Хүн амархан юмыг мартдаг бололтой.Одоогийн зарим залуусыг энэ оронд авачиж үзүүлбэл их юм ойлгох байх гэж боддог.Хэдэн жилийн өмнө Дорнод аймагт явж байхдаа тэндэхийн хилийн албаны нэг хүний яриа их сонирхол татаж билээ.Хятадаар дамжиж эх орноосоо зугтаасан хойд Солонгосын иргэд манай хилээр явган нүцгэн их ядарсан орж ирдэг тухай ярьж байсан юм.Маш их зовлон үзсэн шинжтэй тэд нар манай хилээр орж ирсэнээ мэдэнгүүтээ бүгд л алга хавсран мөргөж эх нутагтаа хөл тавьж байгаа юм шиг л болдог гэж байсан юм.Тэд Хятадын нутгаар баригдаж буцаагдах аймшгийн дунд явган нүцгэн амь тэмцэн явахдаа Монгол гэдэг улсруу л орж чадвал авралын газраа ирсэн гэж ойлгодог гэсэн.Монгол улс хэдийгээр албан ёсоор эх орондоо нэвтрүүлэх гэрээ контракт байхгүй ч гэсэн тэднийг ямар ч байсан Хятадын эрх баригчид шиг нутагт нь буцаадаггүй юм.Орж ирсэн тэднийг хооллож ундлаад Өмнөд Солонгосын элчин сайдын яамтай холбож тэд удалгуй өөрсдийн шугамаар Өмнөд рүү явуулдаг гэж байсан.Манай улс хоёр Солонгостой аль алинтай нь найрсаг харьцаатай бөгөөд тийм болоод ч сүүлийн үед тэдний хоорондын зуучлагчийн үүргийг гүйцэтгэдэг юм байна лээ.Ер нь манай шиг жижиг орон төвийг сахигч орны статустай байх нь цаашдаа хэрэгтэй биздээ.Хоёр Солонгосын дайны үеэр ч Монгол улс Хойд Солонгосын өнчин ядуу хүүхдийг улсын асрамжинд авч өсгөж байсан нь одоо хүртэл улс хоорондын харьцаанд эерэгээр нөлөөлж байдаг юм байна лээ.Тэгэхлээр энэ манай нутгаар дамжин амьдралаа шинээр эхлүүлж байгаа Солонгосууд хэзээ нэгэн цагт энэ бүхнийг дурсан Монгол улсыг найрсаг ард түмэн гэж хойч үедээ сануулж байвал бид бүхэнд хэрэгтэй биздээ.Энэ зургийн хувьд Хойд Солонгосын улс төрийн хоригдлуудыг хорьдог лагер дээр нууцаар авсан юм гэсэн.Эдний хорих лагерын талаар манай хэвлэлд гарч байсан болохоор хүмүүс сайн мэдэх гэж бодож байна.Улс орон нь өлсгөлөнгийн байдалтай удаж байгаа болохоор шоронд байгаа эд ямар байх нь ойлгомжтой би дээ.

Колчакын засгийн газрын гишүүд

Октябрийн хувьсгалын дараа большевикүүдийн эсрэг бодитой хүчин болж тэмцэж байсан цагаантны бүлэглэлүүдээс Колчакын засгийн газар илүү тод ялгарч байлаа.Маньжуурт эрх мэдлээ бататгаж авсан Япончууд улааны түрэлтийг зогсоож төв азид нөлөөгөө тогтоохын төлөө Колчакын засгийн газрыг зүйл бүрээр дэмжиж байсан юм.Шинэ тулгар Зөвлөлт засаг сибирийн уудам зайд хүч нөлөөгөө тогтоож чадахгүй бол аюулд учрах байлаа.Чухам энэ үед л жийргэвч бүс гэсэн ойлголт анх бий болж түүний үр дүнд Монголын тусгаар тогтнолын асуудал хэдийгээр бүрхэг бүүдгэр болов ч бодитойгоор шийдэгдэх тулгуур нөхцөл бий болсон гэж Баабар номондоо дурдсан байдаг.Тэгэхлээр Колчак гэгч энэ генерал монголчууд бидний амьдралд бас нэг түүхэн ул мөрөө үлдээсэн л байгаа юм даа.Урьд нь бид үзэл сурталжсан түүхийн уншигч байхдаа Аугаа их Зөвлөлт улс л хөөрхий ядарсан Монголчуудыг сайхан сэтгэлээр хятадын аюулаас гэтэлгэж тусгаар тогтнолыг хамгаалсан гэж ойлгож байсан бол одоо түүхийн бодит баримтууд олон зүйлийн учрыг тайлж мөнхийн найз нөхөд гэж байдаггүй харин мөнхийн эрх ашиг гэж л байдгийг ойлгууллаадаа.За тэгээд Колчактай холбоотой ганц хоёр зураг орууллаа.Нэг зураг нь Колчакийн засгийн газар гишүүд ийн, нөгөөх нь улаантнуудад олзлогдсон засгийн газрын гишүүд харуул хамгаалалтын дор зургаа авахуулсан байгаа нь юм.

Анхдугаар бүгд хурлын гишүүд 1924он

Монголын түүхийн онцгой үйл явдлуудыг гэрэл зургийн хальсанд буулгасан нь тийм олон бишээ.Мэдээж тэр үейин нөхцөл байдал тийм байсан биз.Тухайн үейин үлдэж хоцорсон ихэнх зургуудыг Хүрээнд амьдарч байсан гадаадынхан Оросын шинжилгээний ангид байсан хүмүүс их бага хугацаагаар дайран өнгөрч байсан Америк Европынхан авч үлдээсэн байдаг.Харин оросын нөлөө мэдэгдэхүйц нэмэгдсэн 21 оноос хойш түүхийн гэрч болсон баримтууд нилээн их байдаг юм байна лээ.Одоо үндэсний түүхийн сан хөмрөгт байгаа шарлаж хуучирсан зургууд их олон зүйлийг өгүүлдэг юм. Зураг гэдэг бол хүн өөрийнхөөрөө мэдрэхүйгээрээ ойлгож тунгаах маш том боломж, ямарч тайлбараас илүү сэтгэгдэл үзсэн хүнд өгдөг учраас илүү амттай . Тийм учраас аль болох зурагжуулсан мэдээлэл оруулах сонирхол их байнаа.Баабарын Нүүдэл Суудал номыг уншиж байхдаа түүнд гарч байсан үйл явдлууд түүхэн хүмүүсийн зураг байсан бол илүү гоё байсан даа гэж боддог байлаа.Бодвол ямар нэг шалтгаан байсан биз.Харин блогтой Баабарын Нүүдэл Суудалтай холбоотой өөрөөр хэлбэл Монголын түүхийн зурган баримтыг Баабарын номын тайлбартайгаар оруулж байхаар шийдлээ.Энэ удаа Монголын шинэ үейин түүхэнд бас нэг тод мөрөө үлдээсэн 1924 оны Улсын анхдугаар хурлын төлөөлөгчдийн нэг зургыг орууллаа.Энэ анхдугаар хурал нь монгол улсын анхны үндсэн хуулийг баталж төрийн зохион байгуулалтыг мөрдүүлж нийгмийн чиг баримжааг хуульчилсанаараа онцгой ач холбогдолтой юм
....Улсын анхдугаар хурлыг 1924 оны 11 р сард Улаанбаатар хотноо зохион байгуулав.Хурлын үндсэн зорилго нь шинэ үндсэн хуулийг "ард түмний төлөөлөгчөөр" батлуулах ба энэ хуулийнхаа дагуу төрийн шинэ аппратыг бүрдүүлэх явдал байлаа.Урьд нь аймгуудын анхдугаар хурлыг зарлаж дундаас нь сонгуулсан нэртэй нийт 77 хүн олж ирэн хуралд суулгасны 71 нь чухам тэр үеэс модонд орсон "язгуур угсаагүй харц ядуу ардууд" байлаа.Төлөөлөгчдөд шинэ үндсэн хуулийг нь 11 р сарын 24,25 уншиж сонсголоо.Хүмүүс янз янзын ю сонирхон асууж байв.Уншихыг нь нь Цэрэндорж гүйцэтгэж гол төлөв Ринчено тайлбарлав.Богдын хойд дүрийг тодруулах эсэх,Нийслэл хүрээний нэрийг солих эсэх,хойшид жасын малаас татвар авах эсэх,далбаан дээр байгаа соёмбо үсэг ямар учиртай тухай зэрэг зүйлийг төлөөлөгчид сонирхон асууж дарга нарын тайлбарласны дагуу тус тусдаа дажгүй ойлголттой болж авсаны дараа шинэ Үндсэн хуулийг гар өргөн баталжээ.Ийнхүү Монгол улс бүгд найрамдах засагтай болсон ба албан ёсны нэр нь Бүгд Найрамдах Монгол Ард Улс хэмээжээ....Дашрамд өгүүлэхэд энэ хурлаас Пэлжидийн Гэндэн хэмээх нэгэн ард Ерөнхий сайд Цэрэндоржид тоогдон төрийн албанд дэвшин сүүлд Ерөнхий сайд болсон билээ

Гитлерийн бие хамгаалагч асаны дурсамжаас..

Адольф Гитлерийн хувийн бие хамгаалагчдын нэг Rochus Misch саяхан 90 нас хүрлээ.Дарангуйлагчийн амьдралын сүүлийн өдрүүд хүртэл хамт байсан тэрээр Гитлерийг Эва Брауны хамт амиа хорлосны дараа 1945 оны 5 сарын 2 нд бункерыг орхисон байна.Тэр үед тэрээр 27 настай байсан гэнэ.Түүнд Гитлертэй холбоотой зарим нэг баримт байгаа бөгөөд тухайлбал Эва Брауны дүү охинтой сууж байсан Hermann Fegelein ийг хэн буудах тушаал өгсөнийг мэдэж байгаагаа Spiegel Online ийн сурвалжлагчид хэлсэн байна.Гэхдээ энэ тухай хэзээ ч хэлэхгүй энэ нууц надтай хамт үлдэх болно гэсэн аж.Hermann Fegelein ийг Берлины төлөө тулалдаж байсан 3 р рейхийн сүүлийн өдрүүдийн нэгэнд фюрерийн тушаалаар буудан алсан гэж түүхчид нотолдог.Энэ тухай саяхан бүтээгдсэн Гитлерийн сүүлийн өдрүүдийн тухай өгүүлсэн нэг кинонд тодорхой гардаг аж.Тэрээр Гитлерийн сүүлийн мөчийн гэрч болсон бөгөөд энэ тухайгаа ингэж ярьж байна.
...11 цаг болж байхад фюрерийн өрөөнд хэсэг улс цугласан бөгөөд тэдний дунд Геббельс бас байсан.Фюрер маш цухалдангүйгээр ..та нар Муссолиннид юу болсоныг мэдэж байгаа.(түүнийг 2 өдрийн өмнө эсэргүйцлийн хөдөлгөөнийхөн олзолж дүүжлэн алсан) би түүн шиг байдалд ормооргүй байна.Намайг үхсэний дараа шатаагаарай гэж хэлэх нь сонсогдож байсан. Бас хэн нэгэн нь ..Лунге Лунге Зөвхөн тэр л үүнийг хийж чадна гэж чангаар хэлж байхыг сонссон байна.Лунге бол Гитлерийн хувийн адьютант аар ажиллаж байсан юм....Ингээд хүн бүхний мэдэх Гитлерийн Эва Брауны хамт амиа хорлосоны дараахи нөхцөл байдлыг дэлгэрэнгүй өгүүлээд бас Магда Гиббельс түүний нөхөр Гиббельс нарын хоорондоо ярьж байсан ..Бид амьдарлын төлөө тэмцсэн.Одоо бид нэр төртэй үхэх болно.Чи үүнийг хийх ёстой гэх яриаг сонсоноо ярьсан байна.Тэрээр эздээ нас барсаны дараа бункерээс зугтаж төмөр замын өртөөн дээр Зөвлөлтийн цэрэгт олзлогдсон бөгөөд эхлээд Лубянка дахь шоронд хоригджээ.Түүнээс зөвхөн Гитлер хаана байна гэсэн асуултыг байнга тавьж эрүүдэн шүүж байжээ.Дараагийн 9 жилийг тэрээр Казахстан дахь хорих газар өнгөрөөж 1954 онд суллагдаж Берлинд ирсэн байна.

Оскар Шендлерийн нарийн бичиг байсан эмэгтэй.

Шендлерийн бүртгэл киног үзээгүй хүн ховор байлгүй.Анх энэ киног үзчихээд яг тухайн үед нь зургийг нь авсан юм шиг тийм үнэмшилтэй бүтээсэнд биширч байж билээ. Стевен Спелберг бол үнэхээр тасарсан найруулагч шүү.Еврейчүүд зовлон үзсэнийхээ хирээр хүний тусыг ойлгодог бас хариулж чаддаг боддог.Дэлхийн өнцөг булан бүрд байсан еврейчууд удам угсаагаа аварч , улс орноо байгуулж чадсаны нэг нууц бол элэг нэгтнээ чин сэтгэлээсээ дэмжиж тусалж байсных гэж боддог.Тэдний улс болгонд байдаг нийгэмлэгүүд ядуу хоосон нэгнээ дэмжиж тусалж эргээд тэд нар нь бусдадаа тусалж чадах үүрэг ёс суртахуунтай байдаг байсан тухай би хаа нэгтэй уншиж байсан юм байна.За тэр ч яахав харин дайны дараа Шендлэр хэд хэдэн удаа бизнес хийх гээд чадалгүй дампуурч тухай бүрдээ өөрийнхөө аварсан еврейчүүдээс тусламж авч байсан юм байна лээ.Тэр тухай манай сонин хэвлэлд хангалттай гарч байсан тул орхиод харин дайны жилүүдэд түүний нарийн бичгийн дарга байсан еврей бүсгүй Mimi Reinhardt ийн тухай жижиг мэдээ оруулья.Тэр саяхан болтол Нью Иорк хотод амьдарч байгаад 92 настайдаа Изриальд нүүн ирж иргэн нь болж байгаа юм байна.Тэрээр уг кинонд гардаг еврейчүүдийн бүртгэл хийхэд гар бие оролцож байсан бөгөөд Оскар Шендлерийн хүсэлтээр 1945 он дуустал түүний нарийн бичгээр ажилласан байна.Тэрээр ганц хүүтэй бөгөөд тэр нь 1970 аад сүүлээр Изриаль улсын иргэн болсон аж.Дашрамд хэлэхэд дайны үеэр гестапын яргалалаас еврейчүүдийн амийг аварч байсан хүмүүс нилээд хэд байдаг бөгөөд саяхан оллоо.мн дээр Литвад консулаар ажиллаж байхдаа олон мянган еврейчүүдийг Германы баривчилгаанаас зугтах боломж олгож амь насаараа дэнчин тавьж байсан Сугира хэмээх японы тухай гарсан байна лээ.Хамгийн алдартай нь Вулленбэрг Шендлер Сугира нар боловч тэдэн шиг олон хүний тухай баримт байдаг юм байна лээ.Изриаль эдгээр улсуудыг одоо хүндэтгэн дурсаж хүндэт иргэнээ болгосон жишээ олон бий.

Америк "Дэвид" ийн баримал

.Энэ таргалалтын асуудал эрх чөлөөний орны нэг том проблем болоод байгаа гэдгийг сонсож дуулж байсан байлгүй дээ.Тэр Макдоналдс янз бүрийн пицца бургер сэндвичүүд дээр нь коко кола пепси кола бол тэрний буруутан гэх юм байна лээ. Америкт очсон Монголчууд удалгүй хөөгөөд мантайгаад ирэх юм байна тэгэхлээр ортой байх оо.

Алдарт эрдэмтэдийн ховорхон зураг

20 р зууны шинжлэх ухааны ноён оргилууд нэг дор цуглаад байгаа ховорхон зураг энэ байна.Бодвол нэг хурал зөвөлгөөнд ирээд авахуулсан биз.Мэдэхээс Эйнштейн Польшийн алдарт физикч Мэрий Кюрий л байх шив.Уг нь хэдэн "таньдаг царай" харагдаж байгаа боловч яг зөв нэрийг нь оноож өгч чадахгүй байгаа тул буруу бичиж алдас болохоос айв.Мэддэг таньдаг улсууд нэр усыг нь comment дээр бичиж тус болно уу.

Сонирхолтой хэдэн рекламны зураг

Мөнгөний ханш

Саяхан би цалингаа авч байгаа нэг Африкийн зураг оруулсан юм.Миний нэг уншигч Бадка түүнийг Зимбабве-ийнх байх гэсэн байсан.Харин яг Зимбабвегийн мөнгөн тэмдэгтийг одоо орууллаа.Өдөрт хэд дахин унаж байдаг тэдний мөнгөний ханш одоо бүр талийгаа байлгүй.Оны өмнө 60 мянга илүү хувь ханшны уналттай байсан мөнгөний ханш нь он гараад 100650 илүү хувиар унасан байсан.Хамгийн сүүлд америк 1 доллар Зимбабвегийн 20 сая доллартай тэнцэж байна гэсэн гэсэн шүү.Тэгэхлээр энэ нөхрийн барьж байгаа дэвсгэрт нь 0.5 ам/доллартай тэнцэж байгаа байх нь.Ер нь бол манайхан жаахан сэтгэлээ барьж болох л юм байна.Манай төгрөгийн ханш хажууд нь хатуу валют л гэсэн үг хэ хэ.

Хятад хаяг

Би ойрын хэдэн жил Эрээнээр яваагүй болохоор тэндэхийн хужаанууд хаягаа яаж бичсэнийг олж хараагүй удаж байна.Хаанаас хэнээр бичүүлсэн нь ойлгомжтой хүний элэг авмаар хаяг монголоор бичээд хадсан байдаг нь одоо байгаа юу.Харин нэг зураг олоод блогтой орууллаа.Нэг иймэрхүү юмнууд байдаг байсан ш дээ хэ хэ.

Сонгуулиа гэж..

Би уг нь Хиллари Клинтоныг дэмждэг юм.Нөгөө Өглөө кинонд гардаг шиг би ч их дэмжсэн юм тэр ч их мэрийж байгаа юм.Даан ч нөхцөл байдал манай хүнд ашиггүй болоод байх шивдээ.Уг нь түүний Миний амьдрал номыг уншиж гайгүй танилцсаных ойлгоод байгаа санаатай.Сүүлийн үед америкчүүд Б.Обамаг дэмжих нь илүү ихсээд байгаа нь нэгд залуу хоёрт түүний Кеннеди маягын бодлого явуулж магадгүй гэсэн сурталчилгаа байгаа оноод байгаа бололтой.Х.Клинтон Б.Обама хоёрын хэн нь илүү ерөнхийлөгч болохыг цаг хугацаа л харуулж дээ.Харин энэ зурагны хувьд сонгуульд оролцож байгаа хүмүүст тохиолддог л нэг FUNNY байна даа.

Дэлхийн 2 р дайны үед олзлогдож байгаа Орос цэргүүд.

Орос эрчүүд эмэгтэйчүүддээ баярын мэнд хүргэж байна.

Архины эсрэг сурталчилгаа

Африкийн нэг оронд цалингаа авч байгаа нь..

Каратеч эмээ

Энэ эмээг Mary Athay гэдэг бөгөөд Английн дайчин хүчирхэг эмэгтэйчүүдийн нэг гэж хэлж болно.Учир нь саяхан 64 настайдаа каратегийн хар бүс авсан юм.Түүний насан дээр эмэгтэйчүүл бинго тоглосон шиг л байдаг бол харин тэрээр каратегийн хүнд элемэнтүүд болох 2 инчийн мод өшиглөж хагалах дээврийн хавтан хугалах зэргийг торох юмгүй хийж байна.Супер эмээ маань каратег 2002 оноос эхлэн сонирхон хичээллэсэн бөгөөд тухайн үедээ явж байсан аэрбекийн хичээлээсээ уйдаж түүнийг сонгосон нь ийм амжилтанд хүргэсэн байна.Тэр хэзээ ч ямар нэгэн бүс авья гэж бодож байгаагүй ч ийм амжилт олсондоо их баяртай байгаа юм.Тэгэхлээр нас бол спортоор хичээлэхэд садаа болдоггүйг энэ эмээ харуулж байна.Түүний хичээллэдэг каратегийн клубын гишүүдийн дундаж нас 25 орчим гэнэ.Манай УЙХ ийн гишүүн С.Оюун саяхан бас Японы каратегийн холбооноос хар бүс авсан гэж сонссон.Бас л сонирхолтой дайчин эмэгтэй шүү.

Вуди Аллен Путины тухай кино бүтээнэ.

Нэрт найруулагч Вуди Аллен энэ удаа Оросын халаагаа өгсөн ерөнхийлөгч В.Путины тухай кино хийхээр төлөвлөж байгаа гэнэ.Оросын ерөнхийлөгч агсаны амьдралын тухаи өгүүлэх энэ кино амжилт олно гэдэгт наруулагч итгэж байгаа аж.Кино дүрүүдэд Холливудын нэрт жүжигчидийг тоглуулахаар хэдийн хэлэлцээр хэлцэл явагдаж байгаа бөгөөд В.Путины дүрд жүжигчин Брэд Питт Санкт-Петербург хотын мэр агсан Путины улс төрийн амьдралд их нөлөөлсөн Анатолий Собчакын дүрд Ричард Гир КГБ ийн удирдагчийн дүрд хатуу самар Брюс Уйллис зэрэг алдартнууд тоглох уг кино их сонирхолтой болох шинжтэй.Бас нэг дүр болох Ксения Собчакын дүрд өөр шиг нь алдартай Парис Хилтон ч тоглохоор яригдаж байгаа гэнэ.Жүжигчидээ ер нь сайн сонгосон бололтой байна шүү.Бас их адилхан юм

Тарамвай-бар.

Энд нэг маш аятайхан пиво бар байна аа.Тарамвайд байрласан болохоор их зугаатай юм сонирхсон шиг пиво залгилах юм байна.Надад бол маш их таалагдаж байна.Монголд нэг богинохон зам тавьчихаад ийм юм хийсэн байхад хүмүүс их суух байхдаа

Нэгэн түүх

Энэ эмэгтэйн зураг түүхийг уншаад блогтой тавихаар шийдсэн юм.Нэрийг нь тогтоож авсангүй.Хэдэн жилийн өмнө энэ бүсгүй сүүлийн үед охид бүсгүйчүүдийн нэрвэгдээд байгаа турах өвчөнөөр өвчилж эмч нар түүнийг 10 хоногоос илүү тэсэхгүй гэж оношилж байсан байна.Харин тэр энэ бүхнийг сэтгэлийн тэнхээ уйгагүй оролдлогоор даван туулж одоо хөөрхөн хүүхдийн эх болсон байна.Хүн итгэл найдвар байвал юуг ч давж чаддагийг харуулсан амьд жишээ байна даа.Сайхан санагдаж байна.

Зөвлөлтийн их хөмсөгт удирдагч Л.Брежневийн хэвлэлд гарч байгаагүй зургууд

.Брежневийн үейин ЗХУ тай хүүхэд нас маань холбоотой өнгөрсөн болохоор энэ хүний тухай их сонирхдог юм.Янз бүрийн материал байдаг юм байна лээ.Чадахаараа оруулахыг хичээж байгаа шүү.

Эмэгтэй сумо

Ийм нэг зураг оллоо.Сүүлийн үед манайхан амралт зугаалга зарим нэг хөгжилтэй арга хэмжээнүүд дээр сумо барилдах болсон байна лээ.Бас ч зугаатай санагдаад байдаг юм.Харин энэ зургийн хувьд хэлэхэд эмэгтэй хүн сумо барилдаж байхыг анх удаа л харж байна.Дээгүүрээ нүцгэн байдаг энэ спорт зарим нэг талаараа стриптиз санагдуулаад байх бололтой.

ОО ийн өрөөний өвөрмөц тэмдэглэгээнүүд

Цагийн хувиарь

Өдөр тутмын цагийн хувиарь нэг иймэрхүү байвал ямар харагдаж байна.