..Хэрэгтэй үедээ надруу залгадаг найз...

Энэ үгийг дөнгөж өнөөдөр NEWS.MN ийн ярилцлага булангаас Отгонжаргалын бичсэнээс санаа аваад бичиж байна.Одоо хүмүүс хэрэгтэй үедээ чамруу залгаж ,хэрэгтэй үедээ л чиний хажуунаас холддоггүй ийм л найз нөхөдөөр баялаг болж дээ.Хоорондоо ярихдаа хүртэл энэ хүн чамд хэрэгтэй ,хэрэггүй гэж хэлэлцдэг.Хэрэгтэй хэрэггүй найзууд бус харин чин сэтгэлийн найзаа л сонгох "хэрэгтэй" байна даа.Надад бол хэрэгтэй үедээ л ярьдаг зөвхөн туслуулахын тулд л миний найз болсон гэмээр найзууд олондоо.Ийм найзууд өөрсдөө бас өөр шиг нь хэрэглэх найзуудаасаа зугтаагаад байх авьяастай юм шиг байгаа юм.Тэгэхлээр нөхөрлөлийн үнэ цэнээ бас мэддэг гэсэн үг л дээ.Саяхан бас нэг хүнээс сонсож байсан 'найз руугаа сард нэг удаа ярих юмуу уулзаж өөрийгөө сануулж бай ... гэсэн үгийг иш татмаар байна.Энэ үг бол энэ категорын хүмүүст хамаарах юм шиг санагдаж байна.Отгон жаргалын Харангын Лхагвасүрэнтэй хийсэн ярилцлагаас хүн ямар байх ёстой гэдгийг Лхагвасүрэн өөрийнхөөрөө маш энгийн хэлсэн гэж бодож байна.Магадгүй олон хүнд тэр дундаа надад саяхан болтол Лхагваа таалагддагүй байсан.Гэхдээ би түүнтэй найз байгаагүй
бас түүний дууг сонсох дургүй байгаагүй зүгээр л масст түгсэн түүний тухай сөрөг ойлголтыг шууд хүлээгээд авчихсан нэгэн гэсэн үг л дээ.Хүмүүс хүнд таалагдах амьдардаг нь үнэн бөгөөд өөрийнхөөрөө амьдрах гэвэл хүмүүст таалагдахгүй гэдгийг мэддэг болохоор бүгд л хуурамч зан гаргадаг нь ойлгомжтой.Гэхдээ энд хэн нэгнийг буруутгаад өөрөө бол тийм биш гэж хэлэх гэсэн юм биш шүү.Өөрсдийгөө боловсролтой соёлтой гэж боддог хүрээлэлд амьдарч ажилладаг хүмүүс илүүтэй энэ ёс суртахууны ялзралд орсон харилцаанд байдгаа мэддэг түүндээ гутардаг гэдэгт итгэж байна.Зангиа зүүж гонжоом өмссөн ресторонд үйлчлүүлж гадаадад явдаг энэ бүлэг хүмүүс тэр хонио хариулаад яваа малчин барилга дээр ажиллаж байгаа ажилчин нэгнээс хувь илүү муухай ёс суртахуунтай болж байгаагаа мэддэг хэдий ч нэг хошин шог дээр гардаг шиг " энэ байдлаасаа " гарч чадахгүй гэдгээ бас мэддэг юм даа.Яагаад гэвэл чи одоо байгаагаасаа өөр байвал чамайг хэн ч тоохгүй бас чамруу утасддаг найз байхгүй болохоор болохоор чиний амьдрал өөр болно гэдгийг бас мэддэг болохоор.Энийгээ илүү мэдрэх тусам нөгөө утасдаад байдаггүй ч чи түүнтэй байхдаа илүү өөрийнхөөрөө байдаг найз нараасаа холдоод байгааг бас мэдэрч байгаа.Энэ л бидний чиний эмгэнэл болоод байна даа найзаа.