Нууцаар хил нэвтрэх гэсэн оролдлогууд

Амлалтаа гэж

Улс орноороо улс төржиж байгаа энэ үеийг тохиолдуулаад бас нэг жижигхэн дуугармаар байна аа.Энэ сонгуульд юм амлах арай хэтэрч байнаа таминь ээ.Энэ олон нам хөдөлгөөнүүд өдий олон жил оршиж байхдаа энэ боловсроогүй төлөвшөөгүй гээд байгаа сонгогч нараа боловсруулж хөгжүүлж байхгүй яасан юм болоо.Сонгууль болгоноор мөнгө амлахаа больё гээд л эхэлдэг тэгээд эцэс сүүлд нь хамгийн том амлаж бүлтэрсэн нь суудал аваад ямбалж байгаад дараагийн амлалтаа эхлүүлэх юм.Хүүхдийн 10 мянга ,шинэ гэр бүлийн 500 мянга гээд эхэлсэн хошгороо эцэс сүүлд нь мөнгөний ханш уналт гээч юмыг авч ирлээ ш дээ.Одоо бүр сая саяар л ярьдаг болсон байх юм.Тэглээ гээд энийгээ бүр би чи анх сэдсэн гэж маргалдаад байх бололтой юм байх юм даа.Тэр амлаад биелүүлээд байгаа мөнгөөр нь одоо юу авч болдог юм болдоо хөөрхий.Уг нь энийгээ сайн мэддэг ард түмэнд эцэстээ хортой гэдгийг мэддэг ч нам гээчийг удирдаж байгаа эрх баригчидад их таалагддаг бололтой юм.Африкт бол харанхүй бүдүүлэг масст мөнгө амлах л хамгийн тохирсон шийдэл байдаг гэсэн.Тийм болохоор монголын ард түмэн тийм болчихоогүй л юм бол одоо болимоор юм даа.

SMS үйлчилгээ хүрээгээ өргөтгөж байна

Гар утасны үүрэг хэрэгцээ ч аймаар өсөж байна даа.Одоо реклам сурталчилгаа,худалдаа,мэдээлэл гээд бүх салбарынхан энэ чиглэлд үйл ажиллагаа явуулж эхэллээ.Гол нь гар утас хэрэглэгчид үйлчилгээ явуулагч хоёр дундын ямар ч зуучлагчгүйгээр харьцах боломжтой болж байгаагаараа маш их ирээдүйтэй юм байна.Nielsen Company,Amazon,American Eagle зэрэг компаниуд үйлчилгээгээ аль хэдийн явуулж эхэлсэн бөгөөд эдний хэрэгжүүлж байгаа бараа бүтээгдэхүүний үнэ ханш хаанаас олж болох хүргэж өгөх зэрэг үйлчилгээний хэрэглэгч нар өдрөөс өдөрт өсөж байгаа гэнэ.Nielsen Company гэхэд л Америкийн зах зээл дээр 9 сая хэрэглэгчтэй болсон гэнэ.

Хатыны ойд болсон эмгэнэлт үнэн түүх кино болж байна

Коммунист засаглалын жилүүдэд ах дүү орнуудын найрамдалд харш гэсэн шалтгаанаар түүхийн олон гашуун дурсамжийг нууж дарж өнгөрүүлж байсны нэг жишээ нь Хатынын ойд Польшийн олон мянган цэрэг офицерүүдийг хоморголон устгасан баримт зайлшгүй орох ёстой.Энэ түүхийг Зөвлөлт холбоот улсын шууд хамааралд байсан БНПАУ ийн засаг захиргаа ард түмнээсээ нууж хэвлэл мэдээлэл сурах бичигт нийтлүүлэх нь албан ёсоор хориотой байсан гэдэг.Олон мянган польш цэрэг офицерүүдийг алж хядсан энэ үнэнийг өөрчлөн байгуулалт эхэлсэн 1990 оны эхээр л нийтэд ил болгохыг зөвшөөрсөн юм.Сталины дэглэмийн үед түүний шууд заавраар Зөвлөлтийн Улс төрийн Товчооны тушаалаар олзлогдсон энэ олон мянган цэрэг эрсийг Хатыний ойд үй олноор нь хядаж устгасан баримтыг нийтэд ил болгох хүртэл түүний ард үлдсэн олон мянган аав ээж гэч дүү эхнэр хүү охидууд ийм юм болсоныг мэдэхгүй зөвхөн тэднийгээ гэсэн сэтгэлээр өдий олон жил сэтгэлдээ горьдлого тээн амьдарч байсан байна.Энэ түүхээр Польшийн кино найруулагч Андрзеи Важда Katyn гэдэг нэртэй кино бүтээсэн нь 2008 оны Оскарын шагналд нэр дэвшээд байгаа юм байна.Энэ кино зөвхөн энэ үнэнийг төдийгүй сэтгэл зүйн нарийн драм хөндсөнөөрөө кино шүүмжлэгчдийн сонирхол татаад байгаа аж.

SMS ийн шинэ үйлчилгээ

Сая манайд хортой архинаас болж олон хүн нас барсан эмгэнэлтэй явдал болсон билээ.Мэдээж архины үйлдвэрийн эзэн энэ хэрэгт буруутай болох нь ойлгомжтой.Гэхдээ бас бодох юм байнаа.Тэр архийг үйлдвэрт нь хичнээн цэвэр спиртээр хийгээд байхад бас дэлгүүрт нь хуурамч архиа зараад байвал өөрөөр хэлбэл тэр архийг дууриалгаж хийгээд зараад байвал бас хэцүү биз дээ.Тэгэхлээр бас хэрэглэгч бас өөрөө хянаад байх бололцоо байвал тийм явдал гарахгүй байх боломжтой.Энэ асуудлыг Оросд амархан шийдсэн байх юм.Оросын алдарт Кристалл водкаг мэдэхгүй хүн монголд ховор биз дээ.Тэгвэл тэднийхэн өөрсдийн брэндийг хамгаалах нэг арга сэдсэн байна.Юу вэ гэвэл худалдан авагч уг архийг хуурамч байна уу жинхэнэ байна уу гэдгийг SMS ийн тусламжтайгаар мэдэж болох нь.Энэ нь авсан архиныхаа шошгон дээр байх үйлдвэрийн кодийг үйлдвэрлэгчийн SMS сэрвисийн төв рүү явуулахад бүх асуудал шийдэгдэх юм гэнээ.Манайд бас хэрэгжүүлж болмоор л санагдах юм.Орос манай хоёр шиг архиар төсвийн нилээд хувиа бүрдүүлдэг байсан орон ховор байсан байх шүү.Одоо ч өөр болсон байх л даа.